Marcos 5:2 - Nuevo Testamento Toba Sombrero Negro

² Mane'e ca'li Jesús nenochiñe chiyaqañgui jaga'me nelicota, 'uo ñe'me jiyaĝaua jo'ne paja'a nec'ata ca'li, ñe'me jiyaĝaua jo'ne uetaye ga'me payac lepaqal jo'ne ja no'en. Ñe'me chiyaqauelo jogaa'me napa'lpi lete',

Nuevo Testamento Toba Sur

² Qaq co'ollaq mashi huenoteeguesop aso notaxaqui so Jesús, nachi anaÿa somayi so shiÿaxaua mayi chigoqtoigui so napa'alpi. Somayi huo'o so l'ec leguemaxaic.

La'aqtaqa Ñim Lo'onatac 'Enauacna 2013

^2-6 Qaq yemaye naña so pannaqa', qaq nache hueta'a so ỹale maye huo'o so netaigui saqcha'a na'añaxac leguemaxaicpi. Qaica ca ishet da nllañi na'aictaxa da qaicoñetaxana na ncoñetaxanaxat lcat. ¡Qaq qalota naxa da qaicoñerai' qataq qaỹauo'oi naua lshetaxaqui' lcat naua lapia'ate! Qalaxaye, nache 'ena'am ỹataqta ỹachipiaxattac na lquet qataq ỹacagaxa't naua lshetaxaqui' naua lapia'ate. ¡Qaica ca ishet da dataỹa'aguet somaye souaxat da lchec qataq da la'añaxac! Ye na'a'q qataq ye pe, quetapeguelec aso qaỹoqotcheguemec 'alhuapi qataq ana huachiquipi, ỹa'alaqtai' qataq ntoqootague' na coma'pi, ỹoqo'oye ỹataqta dolata na lo'oc. Qaq co'ollaq ñaq huenotteguec So Jesús aso nllocta, nache se'eso ỹale chegoqteua'a so pannaqa', qaq co'ollaq ila'aguet So Jesús da ña qaỹata'aguet, nache nqalgaqa'aguet, nache ỹa'aroto naua l-llectel Somaye.

Marcos 5:2 Referans Kwoze

Marcos 1:23

Paja'a ca'li joga'me nemaĝaiqui 'uo ñe'me jiyaĝaua jo'ne uetaye ga'me payac lepaqal jo'ne paĝachigui, jo'ne 'yalaqatac:

Marcos 5:8

Naq'aeta da'me 'laqatac qa'a Jesús joote enaac: “Am nepaqal jo'ne ja no'en, ¡Oca'e jenjo' jiyaĝaua!”

Lucas 9:42

Ca'li qoyedo't ga'me notolec, ga'me nepaqal jo'ne netaye yijaĝaguet jena'me aleua nataq'aen yecopichaqatet; qalaĝaja Jesús yicochaq ñe'me nepaqal jo'ne ja no'en, en yemegue ga'me notolec qama'le 'yiyelaĝatot ñe'me let'a.

Lucas 8:27

Mane'e ca'li Jesús nenochi'ña ga'me aleua, qama'le 'uo ñe'me jiyaĝaua jo'ne Gerasa le'ec jo'ne uetedaye gaa'me payagodipi lepaqalpi, qama'le yec'ata. Joote jalchi'ena cop'a da'me ja yaiñe ga'me louo nataq'aen ja netaue ga'me emec, dite da'me netauelo gaa'me napa'lpi lete'.

Marcos 7:25

Qama'le 'uo jañe'me yauo jo'ne payac lepaqal uetaye jaga'me c'oqote: mane'e ca'li noma'a joñe'me Jesús jañe'me, paja'a yec'ata nataq'aen najonoto gaa'me lapia'te joñe'me.

Marcos 4:1

Jesús yitaĝa dapaĝaguenataĝan ca'li ua'a ga'me lae jaga'me qa'em lat'edai. Yataqachiñe jalcote ga'me jiyaĝadipi jo'ne yema'a't, qama'le Jesús nañgui jaga'me licota jo'ne netañgui ga'me noĝop, qama'le ñichiñe, qalaĝaja ga'me jiyaĝadipi cha'li ueteda'a ga'me lae jaga'me qa'em.

Marcos 3:30

Dojo' nenaĝategue joñe'me Jesús, qa'a ena'uaque jogaa'me enapega'ajalo: “'Uo ga'me uetaye jo'ne payac lepaqal jo'ne ja no'en.”

Marcos 1:26

Ñe'me payac lepaqal yiviloĝolaqatet ñe'me jiyaĝaua qama'le en qopete, nataq'aen 'yalaqatac jalcote ga'me 'nañaĝataĝaic q'aen; yem qama'le ca'e ñe'me jiyaĝaua.

Marcos 3:9

Qo'che' joñe'me Jesús uaqateque jogaa'me lapaĝaguenataqa, enaac: —Aviyamaĝacheta't jaga'me licota qaedi ja jayem 'te qoyepataĝa't, qa'a ja nejataĝaic ga'me jiyaĝadipi.

Marcos 4:36

Chane'eja queda'ae ga'me jiyaĝadipi, qama'le nedañgui jaga'me licota jo'ne joote netae'ndi qaedi yachi'y joñe'me. Nataq'aen gaa'me nelicota laqaya' jo'ne uaĝayeta.

Marcos 5:3

qa'a nach'egaua jo'ne en 'lachaqa'te. Qaya'te ta'le yaqanatet da'me yecoñe' uotaĝa ta'le qoyanaye ga'me coñetaĝanaĝat jo'ne laicaua,

Marcos 5:21

Qama'le ca'li Jesús netañgui jaga'me licota queda'me 'viyelaĝadeta ga'me lajego, qama'le jalcote ga'me jiyaĝadipi jo'ne uaĝaya't queda'me qouaqate'taguet, qama'le ñe'me nach'e ua'a ga'me lae jaga'me qa'em lat'edai.