Marcos 4:11 - Nuevo Testamento Toba Sombrero Negro

¹¹ 'Yategueta joñe'me: “Ami yaqaya'olqa, eja Dios ami yayatenaĝanaĝaneque da'me dojo', nataq'aen yatetonaĝanaĝaneque ga'me ja di'yoq mañaĝa jo'ne lejaliaĝa. Jogaa'me jo'ne p'adegue ch'e qoyen tauelo gaa'me naloqotenaĝanaĝaiqui' da'me qo'yaĝatema,

Nuevo Testamento Toba Sur

¹¹ Nachi somayi 'enapeco': –Ñi Dios qami' ÿaÿajnaxanaxanque nam lataxacpi saq cha'a da l'onataxanaxac da ilo'ogue 'enauacna. Qaq nam laÿipi mayi pa'atauec, qalaq qaÿauota'a na naloqnaxanaxat da qai'aqtaxanem;

La'aqtaqa Ñim Lo'onatac 'Enauacna 2013

¹¹ Nache So Jesús ỹasateguet somayepi 'eeta': «Qami' maye qami' sa'aqtaxaatema dam saqcha'a lo'onataxanaxac Ñim Lo'onatac 'Enauacna, qalaxaye na laỹepi shiỹaxauapi da sapaxaguen qalaq sauota'a na ỹaloqnaxanaxatpi.

Marcos 4:11 Referans Kwoze

Mateo 11:25

Jo'me jojo' nolo', Jesús enaac: —Nayi am 'ñonaĝachigui, am Taĝadena', Lejaliaĝanec di'me piyem nataq'aen jena'me aleua, qa'a auoĝochi'ñejopa jogaa'me yatenaĝanaĝayaqa nataq'aen tadenataĝanaĝayaqa naa'me naajo' uo'oe, qama'le aualoĝonalo joga'tae'me 'najodolqa.

Lucas 8:10

Jesús 'yaĝatema jogaa'me: “Ami yaqaya'olqa, Dios ami yayatenaĝanaĝaneque da'me dojo' jo'ne ja di'yoq mañaĝa, jo'ne lejaliaĝa ñe'me Dios. Qalaĝaja, jogaa'me jiyaĝa'u laqaya' ch'e jauo'oe daa'me yaloqotenaĝanaĝaiqui' da'me jojapegue'to nataq'aen da'me ja'aĝatema qaedi: «Mate mane'e yec'ate'n qalaĝaja ja yauata, nataq'aen mate mane'e domachita qalaĝaja ja yayate'n.»

1 Juan 5:20

Nach'e ena'am jayatenaq queda'me ñe'me Lec'oĝot joñe'me Dios joote naequena, qama'le qo'mi yanema da'me qadetadenataĝanaĝac qaedi yataqachiñe jatetonaq joñe'me Dios jo'ne eja. Nataq'aen 'noota qom 'ñañaĝataĝala't da'me qolaqatalegue ñe'me jo'ne yataqata eja, naq'aeta da'me qolaqatalegue Lec'oĝot Jesucristo. Naqaeñe mach'e Dios yataqata eja, jo'ne qo'mi yanema da'me qat'oyaĝac jo'ne yataqatelegue.

1 Ts 4:12

Qama'le auauoyi jena'me jenjo' qaedi male yataqata ami qo'yamaqate'n chayovida'a da'me ami 'yamaqate'n joga'me ja p'iida'a jena'me jenjo' 'noota, nataq'aen qaedi qaya'te adouenaĝanaĝaqui.

Colosenses 4:5

'Noota qom yatenaĝanaĝaic da'me adajoĝoqui nale auajoyiya'agueta joga'me ja p'etaqadaiquipi, nataq'aen yataqachiñe aueloyi'teguelo jogaa'me noloqo'ote.

1 Timoteo 3:7

Nataq'aen 'noota ta'le yataqata qouatec'a yema jena'me jiyaĝadipi, chayovida'a jogaa'me ja p'iida'a da'me 'noota, qaedi ja qoyachalegue da'me ne'uaĝanaĝanaĝac, uotaĝa male payac yoqovin da'me 'lonataĝanaĝac.

Efesios 1:9

qama'le qo'mi yaloĝonalo jena'me jenjo' lelnataĝac jo'ne ja di'yoq ca'li yemta 'uo jena'me jenjo' aleua, ga'me jo'ne jetaque ya'uo 'me chiyaqayi da'me qoyalat ñe'me mach'e Liquiyac.

2 Corintios 4:6

Ca'li Dios ye'et jena'me aleua, enaac: “'Noota qom 'uo da'me laqaselegaĝac ga'me yoqochiñe jo'ne nayi 'uo ga'me 'lalaĝa.” Qama'le ca'li qo'mi yaje'tema da'me jayatenaq da'me onaĝaic 'naqataĝanaĝac, nach'e ena'am yecoyadelegue da'me qadetadenataĝanaĝac, qaedi male jatetonaq da'me 'lonaĝac ñe'me Dios 'me chiyoqotelegue na'me latajoĝoc ñe'me Cristo.

Mateo 16:17

Chane'eja Jesús enaac: —Am matacolec Simón, Jonás lec'oĝot, qa'a ja ch'e auachiyoĝotayelo gaa'me jiyaĝa'u da'me auateton, dite da'me am yatetonaĝanec ñe'me Taĝadena' 'me na'ague di'me piyem.

Mateo 13:16

“Qalaĝaja ami made'tapolqa, uo'oe naa'me at'aechidi' jo'ne dauanaĝa'n nataq'aen adequetela lacodi' jo'ne domachi'yape.

1 Corintios 4:7

Jega, am yaqaya, ¿qo'li qoyen anapacalo'te jogaa'me adaqaya'olqa? Qalaĝaja ¡yema da'me dojo' jo'ne am ua'ajop nach'eñe Dios am yanem! Ta'le naq'aeta qom Dios am yanema naa'me naajo' uo'oe, qama'le qaya'te ladic ga'me at'aqatac ta'le auenapela't am 'noota jo'ne anapacalo'te ga'me adaqaya'.

Marcos 3:23

Jesús yiyaĝanalo ca'li, qama'le 'uo ga'me daloqotenaĝana, enaac: “¿Toqoch'e yaqanatet ñe'me payac jo'ne Satanás ta'le yamaĝaye ñe'me nach'e ena'am Satanás?

Marcos 4:2

Chane'eja joñe'me Jesús jalcote ga'me lapaĝaguenataĝanaĝac, qalaĝaja uo'oe gaa'me e'n laloĝoiqui'. Da'me lapaĝaguenataĝanaĝac enaac:

Marcos 4:10

Ca'li male yejamaĝa'yeto jogaa'me doce jo'ne lapaĝaguenataqa, nataq'aen gaa'me laqaya' jo'ne quetedapegue' joñe'me Jesús, qama'le yena't joñe'me, “¿Jach'e ga'me yataqachiñe yelo'teguet da'me adaloqotenaĝanaĝaqui?”