Marcos 4:1 - Nuevo Testamento Toba Sombrero Negro

¹ Jesús yitaĝa dapaĝaguenataĝan ca'li ua'a ga'me lae jaga'me qa'em lat'edai. Yataqachiñe jalcote ga'me jiyaĝadipi jo'ne yema'a't, qama'le Jesús nañgui jaga'me licota jo'ne netañgui ga'me noĝop, qama'le ñichiñe, qalaĝaja ga'me jiyaĝadipi cha'li ueteda'a ga'me lae jaga'me qa'em.

Nuevo Testamento Toba Sur

¹ So Jesús qaltaq huetaxaama na loigue aso lapel da dapaxaguenataxaatac, nachi ÿataqta qalota so anac shiÿaxauapi da anaÿa somayi. Qaq co'ollaq ÿapacteec da qalota somayipi, nachi somayi huenojñigui aso barco mayi neto'ot na loigue aso lapel, qaq 'enauac so shiÿaxauapi hueto'ot so loigue.

La'aqtaqa Ñim Lo'onatac 'Enauacna 2013

¹ Qaq so lỹa na'a'q, nache So Jesús dapaxaguenataxaatac, neto'ot na loigue aso lapel ye Galilea. Qaq cha'aye souaxat da ỹataqta qalota so shiỹaxauapi maye na'axaỹaxaatac, nache So Jesús huenongui aso 'oonole nllocta, nache nso'ooñi da yaqto' dapaxaguenataxan. Qaq so shiỹaxauapi nachattañi neto'ot na loigue aso lapel.

Marcos 4:1 Referans Kwoze

Marcos 2:13

Ua'edi Jesús 'viyelaĝague ga'me lae jaga'me qa'em lat'edai, nataq'aen queda'me ga'me jiyaĝadipi yec'adeta joñe'me, qama'le dapaĝaguenataĝan.

Marcos 3:7

Jesús nataq'aen jogaa'me lapaĝaguenataqa yec'adeta ga'me lae jaga'me qa'em lat'edai, qama'le jalcote joga'me Galilea laje'pi nataq'aen quetegue joñe'me Jesús.

Marcos 3:9

Qo'che' joñe'me Jesús uaqateque jogaa'me lapaĝaguenataqa, enaac: —Aviyamaĝacheta't jaga'me licota qaedi ja jayem 'te qoyepataĝa't, qa'a ja nejataĝaic ga'me jiyaĝadipi.

Marcos 4:36

Chane'eja queda'ae ga'me jiyaĝadipi, qama'le nedañgui jaga'me licota jo'ne joote netae'ndi qaedi yachi'y joñe'me. Nataq'aen gaa'me nelicota laqaya' jo'ne uaĝayeta.

Marcos 5:2

Mane'e ca'li Jesús nenochiñe chiyaqañgui jaga'me nelicota, 'uo ñe'me jiyaĝaua jo'ne paja'a nec'ata ca'li, ñe'me jiyaĝaua jo'ne uetaye ga'me payac lepaqal jo'ne ja no'en. Ñe'me chiyaqauelo jogaa'me napa'lpi lete',

Marcos 5:21

Qama'le ca'li Jesús netañgui jaga'me licota queda'me 'viyelaĝadeta ga'me lajego, qama'le jalcote ga'me jiyaĝadipi jo'ne uaĝaya't queda'me qouaqate'taguet, qama'le ñe'me nach'e ua'a ga'me lae jaga'me qa'em lat'edai.