Marcos 3:7 - Nuevo Testamento Toba Sombrero Negro

⁷ Jesús nataq'aen jogaa'me lapaĝaguenataqa yec'adeta ga'me lae jaga'me qa'em lat'edai, qama'le jalcote joga'me Galilea laje'pi nataq'aen quetegue joñe'me Jesús.

Nuevo Testamento Toba Sur

⁷ Qalaxayi so Jesús jec, nnaicapegueto soua lapaxaguenataqa da tadaxaama ca loigue aso lapel. Nachi ÿataqta qalota na shiÿaxauapi na ca'ategue somayi, chigoqchiguiña yi Galilea.

La'aqtaqa Ñim Lo'onatac 'Enauacna 2013

^7-8 So Jesús jec, nnaicapegueto soua lapaxaguenataqa da taraxaama so loigue aso lapel. Nache qalota so ca'ategue shiỹaxauapi som hua'aqtapeguelec nam ỹo'otpi Somaye. Somayepi huo'o na chegaqa'a ye 'alhua Galilea, qataq ye Judea qataq ye nỹecpi ye Jerusalén, qataq ye Idumea. Qataq huo'o na chegaqa'atague da le'ego so tala Jordán, qataq huo'o na shiỹaxauapi maye chegaqa'a ye saqaỹapeque ye 'alhua Tiro, qataq ye Sidón.

Marcos 3:7 Referans Kwoze

Lucas 6:17

Yem qama'le queda'e ga'me qajoĝonaĝa, nenochidiñe qama'le yovideta'ña ga'me aleua nalo'ta't. Jesús nechachiñe, dajoya'agueta gaa'me jalcote jiyaĝadipi jo'ne mach'e quetedapegue' joñe'me nataq'aen ga'me jiyaĝadipi jo'ne chiyoqoda'a di'me Judea, di'me Jerusalén nataq'aen gaa'me neda'ña di'me loogue, noyaqa jo'ne Tiro nataq'aen Sidón.

Mateo 4:25

Qama'le yataqata jalcote ga'me jiyaĝadipi quetedapegue' ñe'me Jesús: ga'me Galilea laje'pi choqoga'me noyaqapi jo'ne neda'ña di'me Decápolis, nataq'aen gaa'me Jerusalén laje', gaa'me chiyoqoda'ña di'me Judea nataq'aen di'me aleua jo'ne p'aye ga'me tayi'ñiye di'me ñache jo'ne lenaĝat Jordán.

Mateo 12:15

Qama'le queda'me Jesús nometelegue da'me dojo', ca'e ga'me ue'ta, qanach'e jalcote ga'me jiyaĝadipi equegue ca'li. Jesús e'n yemedegue joga'me leuaĝaiquipi,

Lucas 23:5

Qalaĝaja jogaa'me ma'ejama'le yauote 'lañaĝa'j da'me yepataĝadelegue: —Chiyaqayi da'me lapaĝaguenataĝanaĝaco ja en 'te niyamaĝatapela'ajalo gaa'me noyaqolqa. Yachiyoĝota'ña di'me Galilea, qama'le nayi maliaĝa que'tot da'me dojo' jena'me jenjo' Jerusalén.

Lucas 6:12

'Uo ga'me nolo' ca'li Jesús dajoyi ga'me qajoĝonaĝa qaedi netamen, qama'le yemata ga'me pi'yaq da'me netametapecot joñe'me Dios.

Marcos 1:39

Chane'eja ñe'me Jesús quetalegue di'me Galilea qaedi dapaĝaguenataĝanouelo ena'uaque jogaa'me nemaĝaiqui' 'me napi'ñalo gaa'me noyaqolqa, nataq'aen queda'me yamaĝadegue joga'me payagodipi.

Mateo 10:23

Qom ami qoyecaa'tape, oquiya'e di'me oñiya'ña qama'le auapiñeya ga'me noic laqaya. Eja ami ja'aĝatema queda'me ja auaqanachichi ta'le yemeda auecaechiyalo jogaa'me noyaqa jona'me israelpi, chayovida'a male 'ñiyelaq, da'me jayem jo'ne jayem Jiyaĝaua Lec'oĝot.

Hechos 17:14

Qalaĝaja gaa'me qadaqaya'olqa yauote da'me qaedi Pablo ja neyaloĝoden da'me ca'e ga'me noic, dajoyi ga'me loogue. Silas nataq'aen Timoteo qamqa'me cha'li ueteda'a di'me Berea.

Hechos 17:10

Joote pi'yaq, jogaa'me qadaqaya'olqa yepaquetedapega ta'le Pablo nataq'aen Silas paja'a eque', yec'adeta di'me Berea. Mane'e ca'li yovideta, qama'le yec'adeta ga'me lemaĝaiqui' joga'me judiopi.

Juan 7:52

Qama'le jogaa'me male 'yadeteguet: —¿Qo'li nach'e ena'am da'me am Galilea le'ec? Anapaĝaguenalo jonaa'me nedii's qama'le auayaten da'me ja chiyaqa'ña di'me Galilea ga'me Dios 'laqataĝanaĝanec.

Juan 7:41

Nataq'aen uo'oe jogaa'me laqaya' jo'ne eetapega't: —¡Jenjo' jo'ne mach'e Dios Liquiyac! Qama'le nach'e ena'am jogaa'me laqaya' enapega't: —Jenjo' ja naqaena, qa'a ga'me jo'ne mach'e Dios Liquiyac ja chiyaqa'ña di'me Galilea.

Mateo 12:16

nataq'aen yataqachiñe uaqatelo'te jogaa'me qaedi ja 'yaĝatetedac joñe'me.

Marcos 1:45

Qalaĝaja mane'e ca'li ec ñe'me jiyaĝaua, qama'le paja'a 'yaĝatetac ga'me 'uo joca'li. Qo'che' ñe'me Jesús male ja yaqanatet da'me tauelo jogaa'me noyaqa, dite da'me p'aye nale ue'ta gaa'me ale'u jo'ne totapega'ajalo. Qalaĝaja ena'uaque gaa'me chiyaqapeguelo, yec'adeta joñe'me qaedi yauata nataq'aen naquiaĝata.

Marcos 3:20

Ua'edi Jesús yitaĝa taue di'me 'lachaqa', qampaja'a qaa'le yitaĝa qoyemalegue joca'li ga'me jiyaĝadipi, chayovida'a da'me ja yaqanate't ta'le 'uo ga'me yali'j choqogaa'me lapaĝaguenataqa.

Marcos 4:1

Jesús yitaĝa dapaĝaguenataĝan ca'li ua'a ga'me lae jaga'me qa'em lat'edai. Yataqachiñe jalcote ga'me jiyaĝadipi jo'ne yema'a't, qama'le Jesús nañgui jaga'me licota jo'ne netañgui ga'me noĝop, qama'le ñichiñe, qalaĝaja ga'me jiyaĝadipi cha'li ueteda'a ga'me lae jaga'me qa'em.