Marcos 3:16 - Nuevo Testamento Toba Sombrero Negro

¹⁶ Naajo' doce jo'ne liquiyaqa: Simón nach'eñe jo'ne en lenaĝat Pedro;

Nuevo Testamento Toba Sur

¹⁶ Qaq 'enaua naua l'enqa'te soua doce, 'eeta': so Simón som ilonec so Jesús da Pedro;

La'aqtaqa Ñim Lo'onatac 'Enauacna 2013

¹⁶ Qaq 'enaua naua le'enaqa'ate soua doce, 'eeta': Simón som ilonec So Jesús da Pedro,

Marcos 3:16 Referans Kwoze

Juan 1:42

Ca'li yem da'me dojo' qama'le Andrés yauec ñe'me Simón yauega joga'me ue'ta ñe'me Jesús. Mane'e ca'li Jesús yauana joñe'me, qama'le eetac: —Naqa'am jo'ne am Simón, lec'oĝot ga'me Juan, qalaĝaja nayi jen adenaĝat da'me Cefas ('me yeloteguet da'me Pedro.)

Hechos 1:13

Ca'li joote yovideta di'me noic qama'le yec'adidije'ma ga'me emec p'ajeguem jo'ne nach'ega uetedaue jogaa'me: 'uo ñe'me Pedro, Juan, Santiago, Andrés, Felipe, Tomás, Bartolomé, Mateo, Santiago c'oĝot ñe'me Alfeo, Simón jo'ne celote, nataq'aen Judas jo'ne c'oĝot ñe'me Santiago.

2 Pedro 1:1

Jayem Simón Pedro, da'me jayem necochoqo't joñe'me Jesucristo nataq'aen da'me jayem lamaĝajec joñe'me, ami jamaĝalo da'me yep'iyenataĝanaĝac, da'me ami jo'ne joote auacoñiyeguet da'me nepe'e jo'ne yataqachiñe onaĝaic, yajouaĝat da'me ami yichoĝode'n joñe'me Qanedios jo'ne Qadec'alaĝaiqui mach'e Jesucristo, nach'eñe jo'ne yataqachiñe yataqatelegue. Chane'eja da'me adepi'i male ena'am da'me jo'ne mach'e qadepe'e.

1 Corintios 9:5

Nataq'aen chimaqachiñe ta'le ñaigaqatapegue'to gaa'me qadoua' nale jeuoqotac, nach'e naq'aeta nale da'me ya'uo ñe'me Pedro nataq'aen jogaa'me laqayadejoda ñe'me Jaliaĝanec nataq'aen jogaa'me mach'e lamaĝa's.

1 Corintios 3:22

Uotaĝa jayem, uotaĝa Apolo, uotaĝa Pedro, uotaĝa jena'me aleua, uotaĝa da'me nec'alaĝa, uotaĝa da'me neleuaĝa, uotaĝa ga'me jo'ne 'uo nayi, uotaĝa ga'me jo'ne 'uo qom'te: ena'uaque naa'me naajo' mach'e adoqochidi'.

1 Corintios 1:12

Qama'le ami 'uo ga'me enaac: “Jayem jequegue ñe'me Pablo”; laqaya enaac: “Jayem jequegue ñe'me Apolo”; laqaya enaac: “Jayem jequegue ñe'me Pedro”; nataq'aen laqaya enaac: “Jayem jequegue ñe'me Cristo.”

Marcos 1:16

'Uo ga'me nolo' ca'li Jesús que'tague ga'me lae jaga'me qa'em lat'edai jo'ne na'ña di'me Galilea. Qama'le yauana ñe'me Simón ue'tajop ñe'me lanoqolec 'me Andrés jo'ne 'yacoĝoyaqa, nataq'aen di'yaco'tape, cha'li yachetedañgui ga'me noĝop jaga'me najelaĝai'.

Marcos 3:15

Nataq'aen queda'me yanema da'me lañoqotaĝanaĝa'j qaedi yamaĝadegue jogaa'me payagodipi.

Marcos 3:17

Santiago nataq'aen laqaya jo'ne Juan jo'ne lec'oqo'te ñe'me Zebedeo, jo'ne e'n lenaqa'te Boanerges (jo'ne eetojo': “Qajoĝonaĝa lec'oqo'te”);

Lucas 6:13

Ca'li yovida'aguet ga'me nolo', qama'le yemata'a't gaa'me lapaĝaguenataqa, qama'le doce gaa'me yiquetelo'te jo'ne yaneque Dios lamaĝa's.