Marcos 3:11 - Nuevo Testamento Toba Sombrero Negro

¹¹ Nataq'aen nale dajoya'agueta jogaa'me payac lepaqa'li qama'le yejoidiñe nale naa'me leliquetel qama'le 'yalaqa'tape nale jogaa'me: “¡Naqa'am mach'e am Dios Lec'oĝot!”

Nuevo Testamento Toba Sur

¹¹ Nachi na n'ecpi co'ollaq ilo'ot somayi, nachi i'adoto naua l-llicte, qataq i'alaxalec, 'eeta': –¡'Am nachi'am llalec ñi Dios!

La'aqtaqa Ñim Lo'onatac 'Enauacna 2013

¹¹ Qaq nam saqcha'a na'añaxacpi leguemaxaicpi co'ollaq ilo'ot So Jesús, nache huañipi qataq ỹa'alaqtagui, 'eeta': «¡'Am nache 'am Llalec Ñim Lo'onatac 'Enauacna!»

Marcos 3:11 Referans Kwoze

Lucas 4:41

Nataq'aen uo'oe qayoĝode' gaa'me leuaĝayaqa jo'ne chiyaqauelo jogaa'me nepaqa'li, jo'ne 'yalaqate'tape: —¡Mach'e am Dios lec'oĝot! Qalaĝaja Jesús yicocha' jogaa'me nepaqa'li, nataq'aen ja yaje'tema ta'le doje'y, qa'a yateto'n queda'me nach'eñe Dios Liquiyac.

Lucas 8:28

Ca'li ga'me yauana ñe'me Jesús, qama'le yejoidiñe naa'me leliquetel da'me dajoya'aguet joñe'me, 'yalaqatac: —¡Ena'te jayem aualequeten, am Jesús jo'ne am Lec'oĝot joñe'me Dios jo'ne p'ajaye! ¡Am ñachoĝodenot qaedi ja jayem 'te auedaĝatelegue da'me yachoĝodec!

Santiago 2:19

Am ¿qo'li auen eja da'me 'uo ñe'me onolec Qanedios? Qama'le qom naq'aeta onaĝaic da'me aua'uo; qalaĝaja nach'e ena'ama jogaa'me payagodipi yataqata yayate'n queda'me eja 'uo ñe'me Dios jo'ne onolec, qalaĝaja yiviloĝolaqate't q'ae'n da'me loqolanaqa'.

Mateo 8:29

Qama'le 'yalaqa'tape: —¡Ena'te qo'mi aualequete'n, am Dios Lec'oĝot! ¿Qo'li auanaequena qaedi aua'uo qadachoĝodec qom maliaĝa ja jovitaĝa ga'me qadaloqo'?

Mateo 4:3

Chane'eja ñe'me payac yec'ata joñe'me Jesús qaedi yapiyen, qama'le enaac: —Ta'le yataqachiñe eja am Dios Lec'oĝot, qama'le auamaĝalo'te naa'me naajo' qadipi qaedi neleguemaĝatalo panpi.

Hechos 16:17

Janjo' q'añole quetapegue' ca'li ñe'me Pablo nataq'aen qo'mi, qama'le niyaĝatapejeguem: —¡Naajo' jiyaĝa'u mach'e 'lonataĝanaĝanaqa ñe'me Dios jo'ne p'ajaye, nataq'aen ami 'yaĝatetapema da'me nec'alaĝa ladic!

Mateo 8:31

qama'le joga'me payac lepaqalpi nachoĝodetot joñe'me Jesús, enapega't: —Qom qo'mi auamaĝadegue qama'le qo'mi auaje'tema ta'le jaĝauelo joga'me coochelpi.

Mateo 4:6

qama'le enaac: —Ta'le yataqachiñe eja am Dios Lec'oĝot, qama'le auenotegue; qa'a da'me Dios 'laqatac enaac: «Dios am namaĝadi'ña gaa'me lamaĝa's jo'ne piyem laje' qaedi am neteleta.» Nataq'aen enaac: «Am yacotedo'ot qaedi qaya'te gamachaqaega qa' ta'le anedo'oguet.»

Mateo 14:33

Chane'eja jogaa'me netedañgui jaga'me licota yejoidiñe naa'me leliquetel ca'li dajoyida'aguet ñe'me Jesús, qama'le enapega't: —¡Yataqachiñe eja queda'me am Dios Lec'oĝot!

Marcos 1:1

Da'me 'uaechiñe 'naqataĝanaĝac jo'ne onaĝaic 'me 'yaĝatetac ñe'me Dios Lec'oĝot, mach'e Jesús jo'ne Dios Liquiyac.

1 Corintios 11:34

Nataq'aen qom 'uo gamachaqaega jo'ne yataqachiñe yoqouat jo'ne ja yaqanatet ta'le 'uo ga'me yeuatetaque, 'noota qom ua'a ga'me 'lachaqa' da'me 'uo ga'me yalic, qaedi ja ami 'te yedalo'te ga'me ane'uaĝañiyaque qa'a jouaĝat da'me naq'aeta ga'me a'vichiyec ga'me ademaĝaqui. Gaa'me uo'oe laqaya' qamqa'me mach'e je'et qom ami jovida'alo.