Marcos 2:16 - Nuevo Testamento Toba Sombrero Negro

¹⁶ Ca'li yauata da'me dojo' joga'me judiopi napaĝaguenoqo'tpi jo'ne fariseopi, queda'me Jesús neuanaĝa'u jogaa'me, qama'le yena't jogaa'me Jesús lapaĝaguenataqa enapega't: —¿Jach'e ga'me eeta da'me dojo'? Jenjo' adejaliaĝanequi, ¿toqoch'e neuanaĝa'u jogaa'me loeco lo'ol, choqogaa'me lo'ol da'me nejetenaguec ñe'me jaliaĝanec jo'ne Roma le'ec?

Nuevo Testamento Toba Sur

¹⁶ Qalaxayi nam dapaxaguenataxaatapeguec na nqataxacpi qataq na fariseopi co'ollaq ila'a somayi da lqui'axaua 'enauac namayipi, nachi 'eetegalo soua lapaxaguenataqa, 'eeta': –¿Tá'ainco' ñi qadataxala'ai yi deque'etac qataq nÿomtac, ÿalectaigui nam ÿacootapeeguet ana nshiitenaqte ca nta'a qataq nam 'itaxaloxoicpi?

La'aqtaqa Ñim Lo'onatac 'Enauacna 2013

¹⁶ Qalaxaye huo'o so dapaxaguenataxaatapeguec na namaxasoxonaxacpi maye chegaqaigui na fariseopi co'ollaq ỹauaachigui So Jesús da lquia'axaua 'enauac se'eso shiỹaxauapi, nache inatta'ape soua lapaxaguenataqa So Jesús, 'eeta': –¿Ta'ainco' ñi Qarataxala'ai da dequi'iỹa'ai' nam ỹacootapeeguet ana nsheetenaqte ca nta'a maye neta'ague da Roma, qataq nam shiỹaxauapi maye qauem da na'aqtaguec?

Marcos 2:16 Referans Kwoze

Lucas 19:10

Qa'a jayem jo'ne Jiyaĝaua Lec'oĝot ñanaequena qaedi ñemitaque ga'me jo'ne yejomac nataq'aen ñec'alaĝategue joga'me.

Lucas 18:11

Joñe'me fariseo nechachiñe, eetojo' da'me netamenaĝac: «Am janem da'me yamaic, am Ñedios, queda'me ja jena'ama gaa'me jiyaĝa'u laqaya' jo'ne cachaĝayaqa, ja chimadichidiñe gaa'me 'lonataqa, nataq'aen quejeguetaĝayaqa, uotaĝa ta'le jena'am dojo' lo'o da'me qoyejeten ga'me Roma.

1 Corintios 2:15

Ga'me jo'ne joote yaconeguet ñe'me Dios Lepaqal qamqa'me naloqote'n ena'uaque gaa'me uo'oe, qama'le qaya'te jiyaĝaua laqaya ta'le yaqanatet da'me naloqoten joga'me.

Hechos 23:9

Qama'le ena'uaque jogaa'me niyaĝatedapejeguem, nataq'aen uo'oe gaa'me judiopi napaĝaguenoqo'tpi jo'ne quetedapegue' da'me lelnataĝa'j joga'me fariseopi, ñedijeguem ca'li qama'le enapega't: —Jenjo' jiyaĝaua qaya'te gamachaqaega ja no'en ta'le ya'uo; uotaĝa naqaega ga'me nepaqal uotaĝa piyem le'ec ga'me yojaĝanaĝan.

Lucas 19:7

Mane'e da'me yauata da'me dojo' gaa'me jiyaĝa'u laqaya', qama'le ena'uaque e'n ja 'noe'n naa'me 'laqataqa eedapega ñe'me Jesús, enapega't: “¿Toqoch'e yec'ata di'me loeco lo'o 'lachaqa'?”

Hebreos 12:3

Chane'eja da'me ami, yataqata auenache'ta da'me napogaĝadenaĝac ñe'me Jesús, queda'me 'uo da'me lachoĝodec let'adaic ca'li uo'oe gaa'me loeco lo'ol jo'ne nautetedapega joñe'me. Auenache'ta da'me dojo' qaedi ja adeliñiñi, nach'e ena'am da'me ena'te aĝañiñi da'me adepi'i.

Marcos 2:7

—¿Jach'e ga'me eeta da'me 'laqatac da'me dojo' jiyaĝaua? ¡Dojo' yataqachiñe ye'uetac joñe'me Dios! Qa'a ¡onolec ñe'me Dios yaqanatet ta'le yapalaĝa't jogaa'me loeco ga'me jiyaĝaua!

Mateo 18:17

Qom nach'edi ja naquiaĝanalo gaa'me, qama'le a'uaqataĝanema joga'me nepi'iyaĝa'upi; qama'le qom nach'edi ja naquiaĝanalo joga'me nepi'iyaĝa'upi, chane'eja aualoqochichigui ga'me jo'ne ja p'iida'a ñe'me Dios uotaĝa ga'me lo'o da'me nejetenaguec di'me Roma.

Mateo 9:11

Mane'e da'me yauata da'me dojo' joga'me fariseopi, qama'le yachimaĝatalo jogaa'me Jesús lapaĝaguenataqa, enapega't: —Ñe'me adejaliaĝanequi, ¿Toqoch'e neuanaĝa'u ga'me lo'olpi da'me nejetenaguec ñe'me jaliaĝanec jo'ne Roma le'ec choqoga'me loeco lo'olpi?

Mateo 5:46

Qa'a qom nach'egaua adoqopichiyalo gaa'me jo'ne ami noqopitalo, qama'le ¿jach'e ga'me adajo'vii 'me ami qoyanema? Chayovida'alo gaa'me lo'ol da'me nejetenaguec di'me Roma, naq'aeta da'me yauote.

Marcos 2:15

Ua'a ca'li ñe'me Jesús ue'ta di'me Leví 'lachaqa' da'me dequetac, nataq'aen qayoĝode' gaa'me lo'ol da'me nejetenaguec ñe'me jaliaĝanec jo'ne Roma le'ec, choqogaa'me jiyaĝa'u laqaya' jo'ne loeco lo'olpi, nach'e ena'am dajoyedalegue ga'me niqui'yaĝala', neda'ñejop ñe'me Jesús, choqogaa'me mach'e lapaĝaguenataqa, qa'a qayoĝode' jogaa'me jo'ne quetegue joñe'me Jesús.

Lucas 5:30

Qalaĝaja jogaa'me fariseopi nataq'aen ga'me judiopi napaĝaguenoqo'tpi jo'ne nach'e ena'am da'me 'lonataĝanaĝa'j paja'a e'n ja 'noe'n gaa'me 'laqataqa jo'ne eetapegalo gaa'me lapaĝaguenataqa ñe'me Jesús. Eetojo' da'me 'laqata'j: —¿Toqoch'e aneuanaĝa'udi' nataq'aen aniyomaĝa'udi' jogaa'me lo'ol da'me nejetenaguec ñe'me jaliaĝanec jo'ne Roma le'ec choqoga'me loeco lo'olpi?