Marcos 13:3 - Nuevo Testamento Toba Sombrero Negro

³ Yem da'me dojo' qama'le dajotegue ga'me qajoĝonaĝa jo'ne Olivo Lichidijat, jo'ne dajo'teta ga'me tamenaĝaiqui, Jesús ñiyiñe, qama'le Pedro, Santiago, Juan nataq'aen ñe'me Andrés yejamaĝa'te' joñe'me Jesús qama'le yena't:

Nuevo Testamento Toba Sur

³ Nachi nqo'ooda aso qasoxonaxa mayi nanqa' ana olivos mayi nachi nalotta aso n'onaxanaxaqui. Nachi so Jesús co'ollaq mashi nso'ootañi, nachi so Pedro qataq Santiago qataq Juan, qataq Andrés, soomayi isoxoototo somayi 'eeta':

La'aqtaqa Ñim Lo'onatac 'Enauacna 2013

³ Ime, nache So Jesús qataq soua lapaxaguenataqa nqo'oora aso qaỹoqotcheguemec 'alhua, maye nanqa' ana Olivo nalotta aso no'onaxanaxaqui late'erai. Nache So Jesús nso'ooñi, qaq co'ollaq mashe nda'a't soomaye, nache so Pedro, Santiago, Juan qataq so Andrés inattrac Somaye, 'eetra':

Marcos 13:3 Referans Kwoze

Marcos 4:34

Qama'le yema gaa'me 'laqataqa e'n tauelo gaa'me laloqotenaĝanaĝaiqui'; qalaĝaja nale yejamaĝa'to gaa'me lapaĝaguenataqa qama'le yataqachiñe 'yaĝatema gaa'me yelo'tegueta q'aen gaa'me laloqotenaĝanaĝaiqui'.

Mateo 21:1

Mane'e ca'li joote yauoqoda'a di'me Jerusalén, nataq'aen yovideta di'me Betfagé, yauaqa'a ga'me qajoĝonaĝa 'me Olivo Lichidijat, Jesús ye'uauaĝate' gaa'me dojolqa 'me lapaĝaguenataqa,

Marcos 14:33

Qama'le lequiaĝa'u ñe'me Pedro, ñe'me Santiago, nataq'aen ñe'me Juan queda'me yitaĝa eque', qama'le paja'a Jesús nomeguet da'me totelegue, nataq'aen 'uo da'me lachitataic jena'me lauel.

Marcos 10:35

Santiago nataq'aen Juan, jo'ne c'oqo'te ñe'me Zebedeo, yec'adeta ñe'me Jesús qaedi 'uo ga'me yiyaĝadaque, qama'le enapega'ajalo: —Jaliaĝanec, jetaque qo'mi avichoĝode'n da'me 'uo ga'me jiyaĝanaqaque.

Marcos 9:2

Yenoĝodegue gaa'me seis noloqo'ote, qama'le Jesús yiyaĝana ñe'me Pedro, ñe'me Santiago, nataq'aen ñe'me Juan, qama'le yejamache da'me quetegue da'me yec'adije'ma ga'me qajoĝonaĝa jo'ne qayaje'mec. Qama'le neleguemaĝata da'me edañgui joda'me 'loyaĝac da'me dajoya'agueta jogaa'me,

Marcos 5:37

Qama'le ja najeneguet ga'me jiyaĝadipi ta'le quetapegue', dite ñe'me Pedro choqoñaa'me mach'e naqaya' jo'ne Santiago nataq'aen Juan.

Mateo 24:3

Yem qama'le yec'adeta di'me qajoĝonaĝa 'me Olivo Lichidijat. Jesús ñiyiñe ca'li yejamache' gaa'me lapaĝaguenataqa qama'le yachimaĝadeta joñe'me: —Jetaque qo'mi a'uaĝatema jach'e ga'me ua'a qom yepacalegue da'me dojo'. ¿Jach'e jogamaĝa at'anec qomle da'me at'iyelaĝajoĝoc nataq'aen da'me loiquiaqa'yaĝac jena'me aleua?

Mateo 17:1

Ca'li yenoĝodegue gaa'me seis noloqo'ote, qama'le Jesús yiyaĝana ñe'me Pedro, ñe'me Santiago nataq'aen Juan mach'e laqayeja ñe'me Santiago, qama'le niyotedaye ca'li da'me yec'adije'ma ga'me qajoĝonaĝa 'me qayaje'mec.

Mateo 13:36

Jesús yep'iye'tape ga'me jiyaĝadipi da'me ca'ae qama'le taue ga'me emec. Ua'a ca'li gaa'me lapaĝaguenataqa dajoyeda'aguet ñe'me qama'le nachoĝodetot qaedi noqoteneque da'me daloqotenaĝana jaga'me cizaña queda'me naje'ma ga'me nanaĝanaqa'.

Mateo 13:10

Jogaa'me lapaĝaguenataqa yec'adeta ñe'me Jesús qama'le yachimaĝadeta queda'me toqoch'e e'n tauelo gaa'me laloqotenaĝanaĝaiqui' da'me dojapegue'to joga'me jiyaĝadipi.

Marcos 13:4

—¿Jach'e jogamaĝa laloqo' da'me 'uo da'me dojo', nataq'aen jach'e jogamaĝa 'nanec qom nadi'ta da'me male yepacalegue ga'me 'uo jo'ne loiquiaqa'yaĝac?