Marcos 13:11 - Nuevo Testamento Toba Sombrero Negro

¹¹ Nataq'aen ena'te at'oiyapega ga'me jo'ne anenaĝachiyegue qom ami qoyajoĝona'agueta gaa'me lejaliaĝanaqa gaa'me nemaĝaiqui'. Nach'ega laloqo' da'me anenaĝachiyegue ga'me jo'ne Dios ami yaloĝonalo, qa'a ja naqa'ami ta'le mach'e auojeyi, dite ñe'me Lepaqal joñe'me Dios jo'ne ami yojaĝanaĝa'n.

Nuevo Testamento Toba Sur

¹¹ Qaq qom ivita da qami' qoÿaneu'alo na nta'alpi, qalaq sa ishit qome da qami' ÿaquicoqchi't cam qad'aqtaqui, ÿataqta sa ishit qome da tatapigui yi qadvilli. Chaqdata da qau'axachi cam qami' ÿanema ñi Dios, cha'ayi sa ishit da nachiqami' da qautaqai, cha'ayi nachiso so Espíritu Santo som detaqa.

La'aqtaqa Ñim Lo'onatac 'Enauacna 2013

¹¹ Qaq qom ivita da qami' qoỹaneua'alo na lta'alpi na shiỹaxauapi da qami' nmi't, nache saishet qome da leetapigui ye qarvilỹaxaqui da qoñiitega sa qauaỹachiñi ca qartaxaỹaxaqui. Cha'aye Ñim Lo'onatac 'Enauacna qami' ỹanema qome ca qara'aqtaqui, saishet da nache qami' da qautaqai, cha'aye nacheso So Saqcha'a Na'añaxac Qui'itta so qami' detaqleguete.

Marcos 13:11 Referans Kwoze

Hechos 6:10

qalaĝaja ja yaqanate't ta'le nichateda'aguet, qa'a daa'me 'laqataqa 'uo da'me layatenaĝanaĝa'j jo'ne yanema ñe'me Dios Lepaqal jo'ne ja 'nalegue.

1 Pedro 1:12

Qalaĝaja ñe'me Dios yayatenaĝanaĝaneque jogaa'me da'me ja naqaegaua ta'le loĝo't joda'me jo'ne 'yaĝatetedac, dite da'me naqa'ami jo'ne ami yapaĝague'n. Chane'eja gaa'me Dios 'laqataĝanaĝanaqa jo'ne joote ami yapaĝagueneque da'me 'laqataĝanaĝac joñe'me Dios, da'me chiyaqayi da'me lañoqotaĝanaĝac joñe'me Dios Lepaqal jo'ne uetayelo, naqaegaua jo'ne ami 'yaĝatema nayi da'me dojo' 'naqataĝanaĝac jo'ne chiyaqayi da'me nec'alaĝa. ¡Nach'eda da'me dojo' jo'ne jetaque yayate'n jogaa'me Dios lamaĝa's jo'ne piyem laje'!

1 Corintios 2:13

Chane'eja, ja'aĝataqa'tape naa'me naajo' uo'oe, qalaĝaja naa'me qat'aqataqa ja chiyaqayilo gaa'me layatenaĝanaĝaco ga'me ch'e jiyaĝaua dite ñe'me Lepaqal joñe'me Dios, qama'le japaĝaguenaĝaque naa'me naajo' uo'oe jogaa'me jo'ne joote yacoteguet ñe'me Dios Lepaqal.

Santiago 1:5

Da'me ami, gamachaqaega ga'me jo'ne qaya'te layatenaĝanaĝac, 'noota qom yajela joñe'me Dios, qama'le yataqata qoyanem qomle, qa'a joñe'me ja jemataqaic, qaya'te en lochiya'a q'aen da'me lichoĝodenataĝanaĝac, uotaĝa ta'le 'uo ga'me nauchiyaĝac nale.

Efesios 3:5

Jena'me jenjo' lelnataĝac joñe'me Dios ca'li dia'me 'uaediñe ja yayate'n, qalaĝaja nayi Dios male yaloĝonalo jogaa'me ja 'nalo'te jo'ne mach'e lamaĝa's nataq'aen gaa'me 'laqataĝanaĝanaqa, jouaĝat da'me 'uo ñe'me Lepaqal jo'ne uetauelo jogaa'me.

Hechos 4:31

Ca'li yem da'me netamenaĝa'j, qama'le yema deda ga'me ueteda'a da'me yema'a't; qama'le ena'uaque jogaa'me male najaqachiguilo ñe'me Dios Lepaqal 'me ja 'nalegue, qama'le 'uo da'me 'lañaĝa'j da'me 'yaĝa'tape jodaa'me Dios 'laqataqa.

Hechos 2:4

Qama'le yemeda jogaa'me yataqachiñe najaqachiguilo ñe'me Dios Lepaqal, nataq'aen paja'a yadenaĝa't gaa'me 'naqataqa laqaya', nach'e naq'aeta ga'me Dios Lepaqal yamaĝalo'te ta'le 'yaĝatetedac.

Hechos 3:13

“Ñe'me Nedios di'me Abraham, di'me Isaac, di'me Jacob, ñe'me Nedios dia'me jachiyojoĝogueta 'me qadet'al, nach'eñe yanem da'me yataqachiñe p'ajaye li'yoĝodic ñe'me lalemaĝajet Jesús. Nach'eñe jo'ne auemiñeyouelo gaa'me jaliaĝanaqa nataq'aen nach'eñe jo'ne a'uotañetac nataq'aen anemañetapec ca'li jetaque yejoye ñe'me Pilato.

Juan 3:27

Juan male 'yategueta jogaa'me: —Qaya'te ta'le 'uo ga'me ua'ajop joga'me jiyaĝaua qom ja Dios ya'uo ga'me yanem.

Marcos 13:9

“'Noota qom mach'e anechilela't, qa'a ami qoyanouelo gaa'me nemaĝaiqui' lejaliaĝanaqa qomle, nataq'aen ami qoye'uaĝa'n nale oviyauelo gaa'me nemaĝaiqui'. Ami qoyajoĝona'agueta gaa'me jaliaĝanaqa jo'ne yelolo'te nale gaa'me ale'u lael nataq'aen jogaa'me jaliaĝanaqa jo'ne p'ajodaye, yajouaĝat da'me ami yapaĝaguenataqa, qaedi naq'aeta da'me male auaqanachichi ta'le jayem a'uaĝachetac nale auajoyiya'agueta jogaa'me.

Mateo 10:17

'Noota qom anechilela't, qa'a ami qoyanouelo qomle jogaa'me jaliaĝanaqa nataq'aen ami qoyachauelo jogaa'me judiopi lemaĝaiqui' da'me ami qoye'uaĝa'n

Hechos 7:55

Qalaĝaja ñe'me, najaqachigui ñe'me Dios Lepaqal, yeloje'mec di'me piyem qama'le yauana da'me 'lonaĝac joñe'me Dios, nataq'aen Jesús nechateta'ña ga'me p'aye yayaten ñe'me Dios.

Hechos 6:15

Gaa'me jaliaĝanaqa nataq'aen ena'uaque ga'me ueteda'a ga'me ñechidiñe, ca'li yec'ate'n ñe'me Esteban qama'le yauata da'me latajoĝoc ena'am ga'me piyem le'ec.

Marcos 13:12

Jogaa'me jo'ne yataqachiñe naqayadejoda yepoleguelo'te da'me leleuaĝa gaa'me mach'e laqaya'; nataq'aen gaa'me net'al yepoleguelo'te jogaa'me mach'e lec'oqo'te, nataq'aen jogaa'me nec'oqo'te nautenalo gaa'me mach'e let'al qama'le yala't.

Lucas 21:12

“Qalaĝaja nadi'ta da'me uo'oe naa'me naajo', ami qoyecoñede'tape qomle nataq'aen 'uo da'me anecanaguequi. Ami qoyaue'ualo gaa'me nemaĝaiqui' qaedi anenaĝachiyegue ga'me ami yajouaĝa't, ami qoyanedaue jaga'me coñetaĝanaĝaiqui nataq'aen ami qoyajoĝona'agueta gaa'me jaliaĝanaqa jo'ne p'ajodaye choqogaa'me jaliaĝanaqa jo'ne yelolo'te gaa'me ale'u lael, qa'a yajouaĝat da'me ami yapaĝaguenataqa.