Marcos 12:1 - Nuevo Testamento Toba Sombrero Negro

¹ Chane'eja Jesús ja nayaloĝoden da'me 'yaĝatema gaa'me laloqotenaĝanaĝaiqui', enaac: “'Uo ñe'me jiyaĝaua jo'ne ya'uo jaga'me noqop'adit, qama'le yaañi ga'me uva lichidijat; ya'uo ga'me uva li'i 'netaĝaiqui da'me qoye'et, nataq'aen queda'me 'noĝojeguem joga'me emec jo'ne qayaje'mec qaedi netaue ga'me vitaĝaic. Yem qama'le yauo'oe gaa'me jiyaĝa'u jo'ne neteleta ga'me 'lonatac da'me cha'li ca'e, dajoyi ga'me qaya'ague.

Nuevo Testamento Toba Sur

¹ Nachi so Jesús ÿauota'a so laloqnaxanaxat da da'aqtaxanem so shiÿaxauapi, 'eeta': –Huo'o so shiÿaxaua ÿaañi aso languishi uvas. Ime, nachi npaxateu'a, qataq i'ot aso laÿi' da qanlom na lli'i, qataq i'ot aso nalloxolate da yaqto' ishit da qaÿallitalec 'enauac asomayi. Qaq co'ollaq ime, nachi huo'o so i'aalaxanaxanec 'onataxanaxaicpi se'eso n'alhua. Nachi somayi jec, qaÿoqta ca taÿa.

La'aqtaqa Ñim Lo'onatac 'Enauacna 2013

¹ 'Era dam 'oonolec nam laloqnaxanaxatpi So Jesús naxa da ivita da ỹapaxaguen na shiỹaxauapi, 'eeta': «Huo'o so ỹale ỹauo'o so lanaxanaqa' maye nanqa' ana uva. Ime, nache mpaxateua'a, qataq ỹo'ot aso no'onataxaqui da qaỹo'ot na lataxa, qataq ỹo'ot aso nalloxolate da yaqto' ishet da qaỹalletalec 'enauac se'eso nanaxanaqa'. Qaq co'ollaq ime, nache huo'o so ỹa'aalaxanaxanec da do'onataxaalec naqa'en se'eso lanaxanaqa'. Nache somaye jec.

Marcos 12:1 Referans Kwoze

Marcos 13:34

'Noota qom aueñe'tema gaa'me lalemaĝaje'te ñe'me jiyaĝaua jo'ne yec'ata ga'me aleua laqaya. Qama'le yepotanegueta gaa'me lalemaĝaje'te ga'me 'lachaqa' qaedi neteleta: onolqa'tape yepotaneguet ga'me 'lonatac, nataq'aen yamaĝalegue ga'me neteloqo't ga'me jom qaedi yeviteta't.

Marcos 4:2

Chane'eja joñe'me Jesús jalcote ga'me lapaĝaguenataĝanaĝac, qalaĝaja uo'oe gaa'me e'n laloĝoiqui'. Da'me lapaĝaguenataĝanaĝac enaac:

Mateo 25:14

“Qa'a joda'me lejaliaĝa ñe'me Dios jo'ne na'ague di'me piyem ena'am ca'li 'uo ñe'me jiyaĝaua jo'ne ca'li nadi'ta da'me dajoyi ga'me qaya'ague aleua laqaya, qama'le yiyaĝanalo jogaa'me lamaĝa's qaedi yepotanouelo da'me leuoyaĝac.

Hechos 7:38

Nataq'aen ca'li Moisés yema'ña ga'me aleua jo'ne totapega't nach'e Moisés p'ayapeguet ca'li ga'me piyem le'ec jo'ne naloĝoneguet di'me qajoĝonaĝa jo'ne Sinaí nataq'aen dia'me qadet'al; nach'eñe qoyanema gaa'me 'naqataqa jo'ne chiyaqauelo da'me 'noyaĝac qaedi qo'mi yaqauaqatenouelo.

Lucas 19:12

Enaac: “'Uo ñe'me jiyaĝaua jo'ne p'ajaye da'me ni'yoĝodenataguec, dajoyi ga'me qaya'ague, ga'me aleua laqaya, qaedi qoyen nejaliaĝanec jo'ne najoĝola' qama'le 'niyelaq.

Lucas 15:13

Ja copa'alo gaa'me noloqo'ote jo'ne yenoĝodegue ñe'me c'oĝot 'me nejoq yemen yema ga'me mach'e qoyen loĝot, qama'le dajoyi ga'me aleua laqaya jo'ne qaya'ague, ua'a da'me ja yoden jaga'me naicaua ja nauecala't da'me nejiyaĝauayaĝac.

Lucas 8:10

Jesús 'yaĝatema jogaa'me: “Ami yaqaya'olqa, Dios ami yayatenaĝanaĝaneque da'me dojo' jo'ne ja di'yoq mañaĝa, jo'ne lejaliaĝa ñe'me Dios. Qalaĝaja, jogaa'me jiyaĝa'u laqaya' ch'e jauo'oe daa'me yaloqotenaĝanaĝaiqui' da'me jojapegue'to nataq'aen da'me ja'aĝatema qaedi: «Mate mane'e yec'ate'n qalaĝaja ja yauata, nataq'aen mate mane'e domachita qalaĝaja ja yayate'n.»

Mateo 21:28

Qama'le Jesús male yena't jogaa'me, enaac: —¿Jach'e ga'me adelnataĝaqui da'me dojo' 'uo ca'li? 'Uo ñe'me jiyaĝaua jo'ne dojolqa gaa'me c'oqo'te, qama'le enapega ga'me onolec, enaac: «Yalec, auec'ata nayi ga'me qadanaĝanaqa' qaedi a'uonataĝan.»

Lucas 22:9

Jogaa'me 'yadeteguet: —¿Jach'e ga'me a'uamaqaten da'me jachaqa'ña da'me jiyamaĝataqata't?

Mateo 13:3

Chane'eja qayoĝode' gaa'me 'yaĝatema e'n tauelo jogaa'me laloqotenaĝanaĝaiqui', enaac: “'Uo ca'li ñe'me jiyaĝaua ec qaedi danaĝan.

Mateo 21:33

Yitaĝa enaac ñe'me Jesús: —Anaquiaĝañiya dojo' yaloqotenaĝanaĝaiqui laqaya: 'uo ñe'me jiyaĝaua jo'ne loĝot ga'me nanaĝanaqa', ya'uo jaga'me noqop'adit, qama'le yaañi ga'me uva lichidijat; ya'uo ga'me uva li'i 'netaĝaiqui da'me qoye'et, nataq'aen queda'me 'noĝojeguem joga'me emec jo'ne qayaje'mec qaedi netaue ga'me vitaĝaic. Yem qama'le yauo'oe gaa'me jiyaĝa'u jo'ne neteleta ga'me 'lonatac da'me cha'li ca'e, dajoyi ga'me qaya'ague.

Mateo 21:34

“Ca'li yovita jo'me nolo' laloqo' da'me male qonaqat ga'me jala, qama'le yamaĝalo jogaa'me onataĝanaĝayaqa gaa'me lalemaĝaje'te qaedi qoyanema ga'me loĝot ñe'me ladipa ga'me nanaĝanaqa'.

Marcos 3:23

Jesús yiyaĝanalo ca'li, qama'le 'uo ga'me daloqotenaĝana, enaac: “¿Toqoch'e yaqanatet ñe'me payac jo'ne Satanás ta'le yamaĝaye ñe'me nach'e ena'am Satanás?

Marcos 11:33

Chane'eja 'yadeteguet joñe'me Jesús: —Ja jayatenaq. Qama'le Jesús enaac: —Nach'e naq'aeta da'me jayem ja ami 'te ja'aĝatema ga'me chiyaqayi da'me yañoqotaĝanaĝac da'me ja'uo da'me dojo'.