Marcos 10:2 - Nuevo Testamento Toba Sombrero Negro

² Qama'le ua'a ca'li novideda'a gaa'me fariseopi qaedi yena't joñe'me queda'me jetaque ch'e yapiye'n, qama'le enapega't: —Jega: ¿qo'li qoyajeta ta'le ga'me jiyaĝaua da'me yeguem jaga'me loua?

Nuevo Testamento Toba Sur

² Nachi na fariseopi nachaateu'a somayi da qaÿauotaique da chochi huo'o qanqoÿin ca lasouaxashit. Nachi qainattac somayi da huo'otaq qaÿaÿamaxadeeta ca shiÿaxaua da nalate' aca lhua.

La'aqtaqa Ñim Lo'onatac 'Enauacna 2013

² Nache huo'o so chegaqaigui na fariseopi nqocheneua'a So Jesús, da huotaique huo'o ca ỹe'eguenec lnataxanaxac, nache inattaco' Somaye, 'eeta': –¿Ishet peta'a ca ỹale da nalate' aca lhua?

Marcos 10:2 Referans Kwoze

Juan 8:6

Jenjo' jo'ne yenadetec jogaa'me qa'a yauote da'me lapinaĝanataĝanaĝa'j qaedi yoqocha'alo da'me yauote laviyaĝajet joñe'me Jesús. Qalaĝaja ñe'me Jesús male naĝañi da'me yedelegue jena'me aleua dedaĝana jajo'me liaĝata.

Mateo 23:13

“¡Degueja da'me adachoĝodequi qomle ami judiopi napaĝaguenoqo'tpi nataq'aen fariseopi 'me ja ejoda! Ami jo'ne auapadiñigueta gaa'me jiyaĝa'u laqaya' queda'me jetaque tadoue da'me lejaliaĝa joñe'me Dios, naqa'ami jo'ne ja auaqanachichi ta'le ayoue joda'me, choqoda'me ja auajeñe'tema gaa'me jo'ne jetaque tadoue.

1 Corintios 10:9

Yataqachiñe 'noota ta'le ja ch'e japiyenaqatac ñe'me Cristo, qa'a joca'li uo'oe gaa'me naq'aete'; qo'che' nanayaqapi yeto'y, qama'le yele'u jogaa'me.

Juan 11:57

Jogaa'me lejaliaĝanaqa gaa'me tamenaĝaiqui lo'ol choqoga'me fariseopi yauote da'me 'laqata'j da'me qom 'uo ga'me yayaten ga'me ue'ta ñe'me Jesús, qama'le paja'a da'me qot'aqataĝanema jogaa'me qaedi yaqanate't ta'le yecoñe't joñe'me.

Juan 11:47

Chane'eja joga'me fariseopi choqogaa'me lejaliaĝanaqa gaa'me tamenaĝaiqui lo'ol yemata'a't yema jogaa'me najoĝola'te, qama'le dojapega't, enapega't: —¿Jach'e ga'me jauoqo? Qa'a jojo' jiyaĝaua en di'yo't qayoĝode' gaa'me 'nanaqa.

Juan 7:48

¿Qo'li 'uo jogamaĝa 'yamaqaten jonaa'me jo'ne mach'e qadajoĝola'te, uotaĝa naa'me fariseopi?

Juan 7:32

Jogaa'me fariseopi domachita da'me 'naĝatetedapiye jogaa'me jiyaĝadipi ñe'me Jesús, qama'le jogaa'me fariseopi nataq'aen jogaa'me lejaliaĝanaqa gaa'me tamenaĝaiqui lo'olpi yamaĝalo'te gaa'me neteloqo't ga'me tamenaĝaiqui qaedi male yecoñe't joñe'me.

Lucas 16:14

Jogaa'me fariseopi jo'ne nach'egaua naequetedapegue' jana'me laicaua domachita yema da'me dojo' qama'le ye'uetedac ñe'me Jesús.

Lucas 11:39

Qalaĝaja ñe'me Jaliaĝanec enaac: —Ami jo'ne fariseopi nale aviyoyi'y gaa'me yomaĝaiqui' nataq'aen gaa'me coqui' qama'le auojamaĝachi' ga'me p'aye, qalaĝaja ga'me p'auo jo'ne mach'e adai'lidi' qamqa'me najaqachiguilo gaa'me jo'ne chiyaqayi da'me adecachaĝaqui nataq'aen da'me ja no'en.

Lucas 7:30

Qalaĝaja jogaa'me fariseopi choqogaa'me paĝaguenataĝanaĝayaqa daa'me Dios lamaĝajoĝonaĝaco qamqa'me ja yacoteguet da'me lachilaĝanataĝanaĝac ñe'me Juan, naq'aeta da'me dojo' 'lotanaĝanaĝa'j da'me jo'ne jetaque Dios 'yeteque jo'ne mach'e liyamaĝa'j jogaa'me.

Lucas 6:7

qama'le joga'me judiopi napaĝaguenoqo'tpi nataq'aen gaa'me fariseopi ch'e nauateda'a ñe'me Jesús qaedi yauachidigui qom en yemegue ga'me nolo' jo'ne niyamaqatac, qama'le naq'aeta da'me jetaque e'n chiyaqayi da'me uajoilegue.

Lucas 5:30

Qalaĝaja jogaa'me fariseopi nataq'aen ga'me judiopi napaĝaguenoqo'tpi jo'ne nach'e ena'am da'me 'lonataĝanaĝa'j paja'a e'n ja 'noe'n gaa'me 'laqataqa jo'ne eetapegalo gaa'me lapaĝaguenataqa ñe'me Jesús. Eetojo' da'me 'laqata'j: —¿Toqoch'e aneuanaĝa'udi' nataq'aen aniyomaĝa'udi' jogaa'me lo'ol da'me nejetenaguec ñe'me jaliaĝanec jo'ne Roma le'ec choqoga'me loeco lo'olpi?

Marcos 8:15

Jesús uaqatalo jogaa'me: —¡Achiya'agueta jo' qomle na'me lalequetenaĝanaĝat gaa'me fariseopi nataq'aen na'me lalequetenaĝanaĝat ñe'me Herodes!

Marcos 8:11

Qama'le nec'adeta ca'li gaa'me fariseopi, qama'le necodetedaye' joñe'me, yiyaĝatedaque ga'me 'nanec jo'ne chiyaqaje'ma joñe'me Dios, qaedi qoyayaten da'me nach'eñe chiyoĝogue.

Mateo 22:35

Qama'le onolec ga'me, jo'ne judiopi napaĝaguenoqo't, yachimaĝata ñe'me Jesús da'me ch'e yapiyen, enaac:

Mateo 19:3

Uo'oe ga'me fariseopi jo'ne davide'uo ñe'me Jesús nataq'aen qaedi ch'e yapiye'n, qama'le yachimaĝadeta: —¿Qo'li qoyaje'tem da'me ca'e jaga'me loua ga'me jiyaĝaua qom gamachaqaega qoyachiyoĝotaye?

Mateo 16:1

Joga'me fariseopi choqoga'me saduceopi dec'atenaĝata ca'li ñe'me Jesús nataq'aen queda'me ch'e jetaque qoyapiye'n qama'le qoyiyaĝanaque da'me qaedi yaloĝon ga'me 'nanec jo'ne chiyoĝogue di'me piyem.

Mateo 15:12

Chane'eja nichide'uo gaa'me lapaĝaguenataqa ñe'me Jesús qama'le yachimaĝadeta: —¡Yataqachiñe dalemata'y joga'me fariseopi ca'li domachita ga'me anenaĝategue!

Mateo 9:34

Qalaĝaja joga'me fariseopi enapega't: —Naqaeñe ñe'me mach'e lejaliaĝane'j joga'me payagodipi jo'ne yanem da'me lañoqotaĝanaĝac qaedi yamaĝadegue jogaa'me.

Marcos 10:1

Jesús ca'e di'me Capernaúm qama'le yec'ata di'me Judea, nataq'aen ua'ague di'me lajego di'me ñache jo'ne Jordán. Nataq'aen queda'me yema gaa'me noyaqolqa yitaĝa qoyemalegue joñe'me, qama'le yitaĝa yapaĝague'tape jogaa'me, qa'a jalchi'ena eeta.

Marcos 10:3

Joñe'me 'yategueta, enaac: —¿Jach'e ga'me damaĝajoĝolegue di'me Moisés?