Marcos 10:1 - Nuevo Testamento Toba Sombrero Negro

¹ Jesús ca'e di'me Capernaúm qama'le yec'ata di'me Judea, nataq'aen ua'ague di'me lajego di'me ñache jo'ne Jordán. Nataq'aen queda'me yema gaa'me noyaqolqa yitaĝa qoyemalegue joñe'me, qama'le yitaĝa yapaĝague'tape jogaa'me, qa'a jalchi'ena eeta.

Nuevo Testamento Toba Sur

¹ So Jesús ca'ai yi Capernaum, nachi nqo'ona yi 'alhua l'enaxat Judea qataq yim 'alhua mayi pa'aigue da nala' lliguishiguem so tala Jordán. Huaña yimayi, nachi na shiÿaxauapi qaltaq laponeu'a ca hueta'a. Nachi somayi qaltaq dapaxaguenataxaatac, cha'ayi nachi n'onataxac.

La'aqtaqa Ñim Lo'onatac 'Enauacna 2013

¹ So Jesús ca'ai ye Cafarnaúm, nache nqo'ona ye 'alhua le'enaxat Judea qataq yem 'alhuapi maye pa'aigue da nala' lliguisheguem so tala Jordán. Huaña yemaye, nache qalota so shiỹaxauapi qaltaq laponeua'a ca hueta'a. Nache Somaye qaltaq dapaxaguenataxaatac, cha'aye maiche lataxac naxa.

Marcos 10:1 Referans Kwoze

Juan 10:40

Ñe'me Jesús 'viyelaĝague ga'me lajego joga'me ñache 'me Jordán, qama'le ue'tague di'me jo'ne ueta'ña joca'li ñe'me Juan da'me dachilaĝanataĝatac.

Marcos 4:2

Chane'eja joñe'me Jesús jalcote ga'me lapaĝaguenataĝanaĝac, qalaĝaja uo'oe gaa'me e'n laloĝoiqui'. Da'me lapaĝaguenataĝanaĝac enaac:

Juan 11:7

Ca'li yem qama'le t'aqataĝanema jogaa'me lapaĝaguenataqa, enaac: —¡Qolaq nayi, ji'iyelaĝajoĝogue di'me Judea!

Marcos 6:34

Mane'e ca'li yenoĝonegue ñe'me Jesús chiyaqañgui jaga'me licota, qama'le yelaue ga'me jiyaĝadipi, qama'le nomeguet da'me lichoĝodenataĝanaĝac joñe'me, qa'a ena'ama ga'me 'naĝanaĝatelpi jo'ne qaya'te nouatoqo't. Qama'le paja'a yitaĝa jalcote da'me dapaĝaguenataĝanec.

Mateo 4:23

Qama'le Jesús yeuotapelegue yema di'me Galilea, da'me dapaĝaguenataĝanouelo nale gaa'me nemaĝaiqui'. Dapaĝaguenataĝatapec da'me onaĝaic 'naqataĝanaĝac jo'ne 'yaĝat da'me Dios lejaliaĝa, qama'le e'n yemedegue ena'uaque gaa'me lapite'nadi ga'me jiyaĝadipi nataq'aen gaa'me layaliaĝaco jo'ne yodapecache.

Juan 18:20

Jesús 'yateguet joñe'me: —Jayem joote jojapegue'to ena'uac joga'me aleua laje'pi ja joĝochiñe da'me 'yaqatac, qama'le nach'e eta't da'me japaĝaguenataĝanouelo jogaa'me ademaĝaiqui' nataq'aen ga'me tamenaĝaiqui let'adaic, di'me jo'ne ua'ña nale yema'a't ena'uaque joga'me judiopi. Chane'eja qaya'te 'yaqatac ta'le joĝochiñe.

Marcos 6:6

Chane'eja ñe'me Jesús jalcote da'me yoqoch'em queda'me gaa'me Nazaret laje' ja p'iida'a joñe'me, qama'le yec'atalo gaa'me noyaqolqa jo'ne ja qayapiye, qama'le dapaĝaguenataĝan.

Marcos 2:13

Ua'edi Jesús 'viyelaĝague ga'me lae jaga'me qa'em lat'edai, nataq'aen queda'me ga'me jiyaĝadipi yec'adeta joñe'me, qama'le dapaĝaguenataĝan.

Mateo 26:55

Paja'a Jesús yachimaĝatalo joga'me jiyaĝadipi: —¿Toqoch'e anachiyi' naa'me adedaĝanaqachidi' da'me auanaeyiquena nataq'aen naa'me anepo'ñedi' da'me jayem auecoñediye, ena'am ta'le jayem cachaĝaic? Yemeda naa'me noloqo'ote da'me jouetaue ga'me tamenaĝaiqui da'me japaĝaguenataĝatapegoue, qalaĝaja qaya'te ua'a ta'le jayem auecoñediye.

Marcos 1:21

Qama'le yovideta di'me noic jo'ne Capernaúm. Ca'li ga'me nolo' jo'ne niyamaqatac, ñe'me Jesús taue ga'me lemaĝaiqui ga'me noic qama'le dapaĝaguenataĝan.

Marcos 6:2

Ca'li ga'me nolo' jo'ne niyamaqatac qama'le Jesús dapaĝaguenataĝan ua'a ga'me lemaĝaiqui di'me noic. Joga'me jiyaĝadipi ca'li domachita ñe'me Jesús jalcote da'me yoqochetem ca'li qama'le enapega't: —¿Jach'e ga'me chiyoĝota'ague da'me lapaĝaguenataĝanaĝac da'me dojo'? ¿Jach'e ga'me chiyoĝotayi da'me layatenaĝanaĝac? Nataq'aen, ¡yataqachiñe p'ajodaye daa'me daajo' lañoqotaĝanaĝaco jo'ne yauo'oe nale!

Marcos 10:2

Qama'le ua'a ca'li novideda'a gaa'me fariseopi qaedi yena't joñe'me queda'me jetaque ch'e yapiye'n, qama'le enapega't: —Jega: ¿qo'li qoyajeta ta'le ga'me jiyaĝaua da'me yeguem jaga'me loua?

Marcos 12:35

Jesús uetaue ga'me tamenaĝaiqui ca'li dapaĝaguenataĝatac, qama'le denataĝan: —Joga'me napaĝaguenoqo'tpi, ¿toqoch'e eetedapega nach'eñe David lec'oĝot ñe'me Dios Liquiyac?

Marcos 14:49

Uo'oe gaa'me noloqo'ote da'me jouetaue ga'me tamenaĝaiqui da'me japaĝaguenataĝatapegoue, qama'te ja jayem 'te auecoñediye. Qalaĝaja dojo' tachigui qaedi yepaque'teguelo daa'me jalchi'ena nedii's.