Marcos 1:5 - Nuevo Testamento Toba Sombrero Negro

⁵ Ena'uaque jogaa'me 'lachaqa't di'me aleua jo'ne Judea, nataq'aen jogaa'me 'lachaqa't di'me noic jo'ne Jerusalén, ena'uaque jogaa'me yec'adeta ñe'me Juan qaedi domachita; yechoĝote'tape jodaa'me loeco qama'le Juan nachilaĝadiñgui di'me ñache jo'ne Jordán.

Nuevo Testamento Toba Sur

⁵ Qaq anac da n'axaÿaxana somayi 'enauac nam chigaqa'a yi 'alhua Judea qataq yi la ciudad Jerusalén. Nachi namayipi i'axa't naua lasouaxashi'te, nachi so Juan nachilaxan, huaña so tala Jordán.

Marcos 1:5 Referans Kwoze

Hechos 19:18

Nach'e ena'am qayoĝode' gaa'me jo'ne p'iida'a yovidetapiye't qama'le yechoĝotetapegouelo ga'me jiyaĝadipi yema ga'me ja no'en 'me 'lonataqa joca'li,

Hechos 2:38

Pedro 'yategueta jogaa'me: —A'niyelaqaeyot joñe'me Dios, nataq'aen onolqa'tape ami auacoñiyeguet da'me nachilaĝanataĝanaĝac jo'ne en di'yoq da'me auep'iiya'a joñe'me Jesucristo, qaedi Dios yapalaĝa't jodaa'me adoecodi', qama'le nach'eda naq'aeta ami qoyanema joñe'me Dios Lepaqal jo'ne ja 'nalegue.

Juan 3:23

Choqoñe'me Juan nach'e ena'am dachilaĝanataĝatac ca'li ue'ta di'me Enón jo'ne yauaqa'a di'me Salim, qa'a 'uo ga'me noĝop jo'ne let'adaic, qama'le joga'me jiyaĝadipi yec'adeta joñe'me qama'le nach'e ena'am qonachilaĝa'n.

Juan 1:28

Yema da'me dojo' 'uo ca'li ga'me noic jo'ne lenaĝat Betania, lajego joga'me ñache 'me Jordán, di'me jo'ne Juan ue'ta ca'li dachilaĝanataĝatac.

Mateo 4:25

Qama'le yataqata jalcote ga'me jiyaĝadipi quetedapegue' ñe'me Jesús: ga'me Galilea laje'pi choqoga'me noyaqapi jo'ne neda'ña di'me Decápolis, nataq'aen gaa'me Jerusalén laje', gaa'me chiyoqoda'ña di'me Judea nataq'aen di'me aleua jo'ne p'aye ga'me tayi'ñiye di'me ñache jo'ne lenaĝat Jordán.

Marcos 1:4

Qama'le naq'aeta ga'me 'uo ca'li Juan jo'ne chilaĝanataĝanaĝaic ue'ta di'me aleua jo'ne totapega't, yiyaĝatapega ga'me jiyaĝadipi qaedi 'ñemaĝadiñe, 'viyelaĝadetot joñe'me Dios, qaedi qonachilaĝa'n, nataq'aen qaedi Dios yapalaĝa't gaa'me loeco.

Marcos 1:6

Jogaa'me louo ñe'me Juan ch'e 'noĝonaqa joca'li, layoĝot ga'me jiyac jo'ne camello, nataq'aen 'uo ga'me najataĝaiqui jo'ne jiyac lo'oc; yalic jaga'me qojequioĝoi, nataq'aen ga'me ma'ague li'i jo'ne 'nonaĝajec.

Juan 5:35

“Juan ena'am jaga'me coyadaĝanaqate nale edañgui qama'le yoqochiñe, qama'le da'me ami jetaque ch'e a'uamaqachiñe da'me auachiyaue da'me lauac, qalaĝaja ja yemeda gaa'me noloqo'ote.

Santiago 5:16

Qo'che' 'noota qom auechoĝochiyema gaa'me adaqayadi' ga'me adoequi, nataq'aen da'me anetameñilo'te onolqa'tape jogaa'me adaqayadi' qaedi en yemedegue q'ae'n. Qa'a da'me netamenaĝac joga'me jiyaĝaua jo'ne yataqatelegue, nach'eda jo'ne 'uo da'me lañoqotaĝanaĝac da'me lepe'e.