Marcos 1:45 - Nuevo Testamento Toba Sombrero Negro

⁴⁵ Qalaĝaja mane'e ca'li ec ñe'me jiyaĝaua, qama'le paja'a 'yaĝatetac ga'me 'uo joca'li. Qo'che' ñe'me Jesús male ja yaqanatet da'me tauelo jogaa'me noyaqa, dite da'me p'aye nale ue'ta gaa'me ale'u jo'ne totapega'ajalo. Qalaĝaja ena'uaque gaa'me chiyaqapeguelo, yec'adeta joñe'me qaedi yauata nataq'aen naquiaĝata.

Nuevo Testamento Toba Sur

⁴⁵ Qalaxayi se'eso shiÿaxaua co'ollaq jec, nachi quetot da da'aqtaxanem 'enauac na shiÿaxauapi dam huaigui co'ollaxa. Qaq ÿoqo'oyi so Jesús nachi sa ishit da nachaxaneu'a na pueblopi. Chaqdata da huetaugalo naua tojleguete 'ale'u. Qalaxayi nachi 'en'am chigoqteguelo na anac da anaÿa somayi.

La'aqtaqa Ñim Lo'onatac 'Enauacna 2013

⁴⁵ Qalaxaye se'eso ỹale co'ollaq jec, nache quetot da da'aqtaxanem 'enauac na shiỹaxauapi dam 'eetec co'ollaq ishet da no'oita. Qaq ỹoqo'oye So Jesús saishet da nachaxaata da taua'a na hueta'a na shiỹaxauapi. Nachaqrata da huetauga cam saishet da hueta'a na shiỹaxauapi. Qalaxaye, nache 'ena'am na shiỹaxauapi nqo'oneuga ca hueta'a Somaye.

Marcos 1:45 Referans Kwoze

Marcos 2:13

Ua'edi Jesús 'viyelaĝague ga'me lae jaga'me qa'em lat'edai, nataq'aen queda'me ga'me jiyaĝadipi yec'adeta joñe'me, qama'le dapaĝaguenataĝan.

Mateo 9:31

Qalaĝaja ca'li qojedelegue, qanach'e yema di'me dijo' aleua 'yaĝatetedac ga'me jo'ne Jesús ya'uo joca'li.

Juan 6:2

Jalcote ga'me jiyaĝadipi 'me quetapegue', qa'a qoyauana ga'me laloĝonataĝanaĝaco jo'ne di'yo't 'me yauo'oe, e'n yemedegue joga'me leuaĝayaqa.

Marcos 3:7

Jesús nataq'aen jogaa'me lapaĝaguenataqa yec'adeta ga'me lae jaga'me qa'em lat'edai, qama'le jalcote joga'me Galilea laje'pi nataq'aen quetegue joñe'me Jesús.

Mateo 28:15

Jogaa'me vitaĝayaqa yacoteguet jaga'me laicaua, qama'le yauote ga'me jo'ne qo'yaĝatema. Qama'le chayovida'alo naa'me naajo' noloqo'ote uetauelo dojo' 'naqataĝanaĝac joga'me judiopi.

Tito 1:10

Qa'a qayoĝode' gaa'me uo'oe nayi jo'ne otanaĝanaĝaiquipi, 'me dapaĝaguenataĝatedapec ga'me qaya'te chiyaqayi nataq'aen qovinaĝanaĝaiquipi, choqoda'me mach'egaua p'etaqadayaqa jo'ne judiopi yauote da'me dojo'.

Mateo 9:26

Qama'le yema di'me aleua laguelegue da'me qo'yaĝatetac ga'me 'uo joca'li.

Marcos 3:20

Ua'edi Jesús yitaĝa taue di'me 'lachaqa', qampaja'a qaa'le yitaĝa qoyemalegue joca'li ga'me jiyaĝadipi, chayovida'a da'me ja yaqanate't ta'le 'uo ga'me yali'j choqogaa'me lapaĝaguenataqa.

Marcos 7:36

Qama'le Jesús yataqachiñe yamaĝalo'te ga'me jiyaĝadipi qaedi qaya'te gamachaqaega ta'le qo'yaĝatem da'me dojo'. Qalaĝaja mate mane'e jalcote da'me laqataĝac ñe'me Jesús da'me qaedi ja qo'yaĝatetac, qalaĝaja nach'edi degueja da'me qo'yaĝatetac.