Marcos 1:27 - Nuevo Testamento Toba Sombrero Negro

²⁷ Ena'uaque ga'me jiyaĝadipi jalcote da'me t'oitedapega, nataq'aen nenatetapega't: —¿Jach'e ga'me eeta da'me dojo'? ¡Yataqachiñe dalaĝaic da'me dojo' lapaĝaguenataĝanaĝac! ¡Yataqachiñe 'uo da'me lañoqotaĝanaĝac qaedi yamaĝadegue jogaa'me payac lepaqa'li, qama'le yoqochideta joñe'me!

Nuevo Testamento Toba Sur

²⁷ Nachi 'enauac na shiÿaxauapi ñi'i. Nachi maichi nnattega't, 'eeta': –¿Négue't de'eda? ¿Peta'a dalaxaic napaxaguenataxanaxac? ¡Yi dam da' shiÿaxaua ÿataqta huo'o naq 'enec da damaxasoxon, ivida'a nam n'ecpi ishit da ÿalaxaguet!

La'aqtaqa Ñim Lo'onatac 'Enauacna 2013

²⁷ Nache so shiỹaxauapi ỹataqta huo'o da la'aalaxa, nache nnattega't, 'eeta': «¿Negue't de'era? ¿Peta'a dalaxaic napaxaguenataxanaxac? ¿Negue't de'era na'añaxac maye hueto'ot de'era ỹale? Ye dam da' shiỹaxaua ỹataqta huo'o naq 'enec da damaxasoxon, ivira'a nam na'añaxacpi saqcha'a da 'enapega da jec, ¡nache namayepi ỹalaxaguet!»

Marcos 1:27 Referans Kwoze

Lucas 9:1

Jesús yemata'a't jogaa'me lapaĝaguenataqa qama'le yanema da'me 'lañaĝa'j nataq'aen da'me lañoqotaĝanaĝa'j qaedi yamaĝadegue ena'uaque jogaa'me yodapecache 'me payagodipi nataq'aen qaedi e'n yemedegue jogaa'me uo'oe da'me lapite'nadi.

Marcos 7:37

Qama'le ga'me jiyaĝadipi jalcote da'me yoqochetem da'me dojo', enapega't: —Yema 'noota ga'me ya'uo. ¡Chayovida'a da'me e'n domachiya'ape gaa'me jo'ne ja domachiya'ape, nataq'aen e'n doje'y gaa'me te'me ja doje'y!

Mateo 15:31

Ga'me jiyaĝadipi yataqachiñe yoqochetem queda'me qoyauana da'me doje'y gaa'me qayaua'te 'laqataqa, gaa'me uayodaĝayaqa male yemedegue, gaa'me choĝolaĝayaqa yeuo'tape, nataq'aen jogaa'me qana'mi male yauana'ape. Qama'le paja'a 'nonaĝachidegue joñe'me Nedios joga'me Israel c'oqo'tepi.

Mateo 9:33

Mane'e ca'li Jesús yamaĝaye ga'me payac lepaqal qanach'e ñe'me chiyoĝojec paja'a yaqanatet ta'le 'uo ga'me 'laqatac. Ga'me jiyaĝadipi jalcote da'me yoqoch'em, enapega't: —¡Jena'me Israel c'oqo'tepi, qaya'te ua'a ta'le naq'aeta ga'me qoyauana ena'am da'me dojo'!

Lucas 4:36

Ena'uaque t'oita joca'li, nataq'aen nenatetapega't: —¿Jach'e ga'me eete' daajo' 'laqataqa? 'Uo da'me lañoqotaĝanaĝac choqoda'me 'lañaĝac jenjo' jiyaĝaua chayovida'a yamaĝalo'te gaa'me lepaqa'li jo'ne paĝachiguilo qaedi yenoĝodegue, ¡qama'le jogaa'me yoqochideta!

Marcos 10:32

Ca'li queteda'ague ga'me naq'aec jo'ne yelo'tegue di'me Jerusalén, jogaa'me lapaĝaguenataqa dajoteda'yi ñe'me Jesús. Jogaa'me lapaĝaguenataqa yoqoche'tape nataq'aen gaa'me p'atedegue t'oi'tape joca'li. Qama'le Jesús yiyota'alo ca'li yitaĝa yiyaĝanalo gaa'me doce lapaĝaguenataqa, qama'le 'yaĝatema ga'me jo'ne qo'yetec qomle,

Marcos 10:24

Jogaa'me lapaĝaguenataqa jalcote da'me yoqoche'ema daa'me 'laqataqa, qalaĝaja Jesús yitaĝa enaac: —Ami yaqaya'olqa, ¡yataqachiñe 'uo da'me laqalaic ta'le tadoue da'me Dios lejaliaĝa jogaa'me jo'ne p'iya'alo daa'me leuoyaĝaco!

Mateo 8:9

Qa'a nach'e ena'am da'me jayem, 'uo da'me yañoqotaĝanaĝac jo'ne jayem qoyachalegue qaedi ñejaliaĝatelo'te ga'me coicopi. Qom 'uo ga'me jamaq, da'me jenaac: «¡Oc nayi!» qama'le ec. Uotaĝa jenapega ga'me laqaya, jenaac: «¡Ayala!», qama'le jayem nec'ata. Nataq'aen qom 'uo ga'me jamaĝalegue ga'me yalemaĝajet ta'le 'uo ga'me ye'et, qama'le ya'uo.

Marcos 1:26

Ñe'me payac lepaqal yiviloĝolaqatet ñe'me jiyaĝaua qama'le en qopete, nataq'aen 'yalaqatac jalcote ga'me 'nañaĝataĝaic q'aen; yem qama'le ca'e ñe'me jiyaĝaua.

Marcos 1:28

Qama'le paja'a qoyayatenapega't joñe'me Jesús ena'uaque jogaa'me 'nachaqa'te di'me Galilea.

Marcos 16:5

Mane'e ca'li tadoue ga'me napa'l lae't 'uo ga'me yauata jo'ne nejoqolec neta'ña ga'me p'aye ga'me yayaten, yatedañe ga'me leuo jo'ne pagaĝayaqa 'me yededañe. Gaa'me yauo' t'oi'y ca'li,

Marcos 16:6

qalaĝaja joñe'me dojapegue'to: —Ena'te at'oiyi. Jayaten queda'me aueloyitaque ñe'me Jesús jo'ne Nazaret le'ec, joñe'me jo'ne qoyep'elegue jaga'me sodoso. Qalaĝaja ¡joote 'niyelaĝajeguem! Ja ue'ta jena'me jenjo': auec'achiñe di'me ua'ña jo'ne qoyacha'ña.

Hechos 17:19

Chane'eja qoyauega ga'me Areópago, qama'le qoyachimaĝata: —¿Qo'li 'noota ta'le jayatenaq queda'me jach'e ga'me eeta da'me dojo' dalaĝaic napaĝaguenataĝanaĝac jo'ne a'uaĝatetac?