Lucas 9:50 - Nuevo Testamento Toba Sombrero Negro

⁵⁰ Jesús 'yateguet: —Ena'te auelaĝachetapeguem, qa'a gamachaqaega jo'ne ja ami 'te nautenalo, nach'ega jo'ne ami yotaua'n.

Nuevo Testamento Toba Sur

⁵⁰ Qalaxayi so Jesús 'enapeco': –'A'i, sa ishit da qaulliÿapeguem, cha'ayi ca sa ishit da qomi' npa'aguenalo, qaq nachica ca saq qomi' iÿotaugalo.

La'aqtaqa Ñim Lo'onatac 'Enauacna 2013

⁵⁰ Qalaxaye So Jesús 'enapeco': –Saishet da qaulliỹapeguem, cha'aye ca saishet da qomi' mpa'aguenalo, nache camaye qartaua.

Lucas 9:50 Referans Kwoze

Lucas 11:23

“Joñe'me jo'ne ja jayem 'te yotauan, mach'e jayem nautena, nataq'aen ñe'me jo'ne ja jayem 'te ue'tajop, nach'eñe jo'ne delagaĝataĝanac.

Mateo 12:30

“Ñe'me jo'ne ja jayem 'te yotauan, nach'ega jo'ne jayem nautena; nataq'aen ga'me jo'ne ja jayem 'te ue'tajop da'me jatoĝon, nach'ega jo'ne delagaqataĝan.

1 Corintios 12:3

Chane'eja, 'noota ta'le auayachiñe queda'me qaya'te yaqanatet ta'le enaac: “¡Yataqachiñe ja no'en ñe'me Jesús!”, qom naqaeñe ñe'me Dios Lepaqal 'me ja 'nalegue yojaĝanaĝan joga'me; nataq'aen qaya'te yaqanatet ta'le enaac: “¡Jesús mach'e Jaliaĝanec!”, qom ja naqaeñe ñe'me Dios Lepaqal jo'ne yojaĝanaĝan joga'me.

Lucas 16:13

“Qaya'te nelatac ta'le en dos gaa'me ladi'p; qa'a yañoĝot da'me niquiya'a ga'me onolec mate mane'e noqopita ga'me laqaya, nataq'aen yoqo'cha ga'me onolec qama'te 'yotan ga'me laqaya. Qama'le nach'e ena'am da'me ami: ja qoyaqanatet ta'le qot'onataĝaneuo'o ñe'me Dios choqodaa'me neuoyaĝaco.”

Marcos 9:41

Ami ja'aĝatema queda'me gamachaqaega jo'ne ami yanema ga'me adaiquipi, qa'a yajouaĝat da'me ami mach'e yapaĝaguenataqa, qama'le yataqachiñe 'uo qomle ga'me nejetenaguec joga'me.

Mateo 17:26

Pedro 'yateguet: —Nach'egaua chiyoqodayi. Jesús enaac: —Naq'aeta da'me dojo', gaa'me mach'e c'oqo'te ja naqaegaua ta'le dejetenataĝa'n.

Mateo 17:24

Ca'li Jesús nataq'aen jogaa'me lapaĝaguenataqa yovideta di'me Capernaúm, uo'oe jogaa'me jo'ne yacodapeguet da'me lajo'vi jo'ne qoyejeten nale ga'me tamenaĝaiqui let'adaic. Jogaa'me yec'adeta ñe'me Pedro, qama'le yachimaĝadeta: —¿Qo'li ja yejeten ñe'me adejaliaĝanec da'me lajo'vi jo'ne qoyejeten tamenaĝaiqui?

Marcos 9:38

Juan 'yateguet joñe'me, enaac: —Paĝaguenataĝanaĝaic, 'uo jo'me jauanaĝa quelqaya jo'ne nenaĝategue da'me adenaĝat queda'me yamaĝadegue gaa'me payagodipi, qalaĝaja jetaque ja jajenaĝam qa'a ja qo'mi 'te chiyaqauelo.