Lucas 9:32 - Nuevo Testamento Toba Sombrero Negro

³² Pedro choqogaa'me laqaya' yataqachiñe 'nochetedapiñe ca'li; qalaĝaja 'nañaĝatela'ajalo da'me nelotedaye, qama'le yauata da'me 'lonaĝac ñe'me Jesús nataq'aen gaa'me dojolqa jiyaĝa'u jo'ne ueteda'ajop joñe'me.

Nuevo Testamento Toba Sur

³² Qaq so Pedro qataq soua lÿa't ÿataqta sa l'axaic na l'ochaqa', qalaxayi ishit da nlodeec. Nachi ÿauaachiyigui da lli'oxoyic so Jesús qataq soua dos shiÿaxa'u mayi hueta'agueta somayi.

La'aqtaqa Ñim Lo'onatac 'Enauacna 2013

³² Qaq so Pedro qataq soua lỹa't napaxaguenataqa mashe do'ochete'. Qalaxaye saqaỹaloq da nlorec, nache ila'alo So Jesús da huetaigui da llo'oxoyec, huaqta'ato so Moisés qataq so Elías.

Lucas 9:32 Referans Kwoze

Juan 1:14

Qama'le ñe'me jo'ne 'naqatac joca'li male di'yoq ca'li da'me jiyaĝaua, ñe'me jo'ne yataqachiñe choĝodenataĝanaĝaic nataq'aen yataqatelegue, male qo'mi uetauelo. Chane'eja jauanaĝa da'me 'lonaĝac jo'ne yachiyoĝo'tot ñe'me Let'a queda'me onolec jo'ne mach'e Lec'oĝot.

2 Pedro 1:16

Joote ami japaĝaguenaĝaque da'me lañoqotaĝanaĝac ñe'me Qadejaliaĝanec Jesucristo nataq'aen da'me eeta da'me 'liyelaĝajoĝoc, qama'le jenjo' napaĝaguenataĝanaĝac jo'ne ami janemaĝam ja chiyaqayi ga'me 'naqataĝanaĝac jo'ne ch'e qoya'uo uotaĝa ga'me jo'ne ch'e qoyepetetapega, qa'a da'me qo'mi yataqata jauanaĝa ca'li ñe'me Jaliaĝanec da'me yataqachiñe let'adaic da'me lañoqotaĝanaĝac.

Juan 17:24

“Am Taĝadena', naa'me naajo' jo'ne jayem auanema, da'me jayem jetaque nach'e ena'ama jayem ueteda'ajop, ga'me jo'ne jona'ña qomle, qaedi yauata da'me 'yonaĝac, nach'eda jo'ne am chiyaqayi, jouaĝat da'me jalchi'ena jayem adoqopita ca'li cha'li jona'li 'uo jena'me aleua.

1 Juan 3:2

Ami yaqaya'olqa, joote qo'mi Dios lec'oqo'tolqa, temaqaedi maliaĝa ja jayatenaq da'me qo'mi di'yoĝoma q'ae'n ga'me qo'mi 'yeteque qom'che. Qalaĝaja, jayatenaq qom di'yo'quena joñe'me Cristo qama'le jenaqa'am joñe'me, qa'a jauanaĝa da'me 'loyaĝac qama'le jatetonaq.

Marcos 14:40

Ca'li yitaĝa 'viyelaĝalo gaa'me tres lecochaĝa'u, qama'le yitaĝa yejomalo'te da'me t'oche'tape. Ja yaqanate't ta'le nelodegue qa'a yajouaĝat ga'me 'lochaqa' jo'ne ja nejataĝaic, qama'le ja yayate'n ga'me nenaĝatedegue.