Lucas 8:33 - Nuevo Testamento Toba Sombrero Negro

³³ Chane'eja gaa'me payagodipi lepaqalpi yenoĝodegue ca'li da'me queda'e ñe'me jiyaĝaua qaedi tauelo jogaa'me coochelpi, qama'le chiyoqodañi jogaa'me qama'le yelochidi'ñgui ga'me qaya'ñgui, qama'le ueda'a ca'li ouaĝail.

Nuevo Testamento Toba Sur

³³ Nachi se'eso n'ecpi ca'ai se'eso shiÿaxaua, nachi taigui aso cos late'epi. Nachi 'enauac asomayipi nqalgaqañi, chigoqojlec naq'en so tocot, nachi tangui aso lapel late'edai, nachi 'ogaxaipi.

La'aqtaqa Ñim Lo'onatac 'Enauacna 2013

³³ Nache se'eso saqcha'a na'añaxac leguemaxaicpi ca'ai se'eso ỹale, nache taigui aso cos late'epi. Nache 'enauac asomayepi nqalgaqangui so tocot, nache tangui aso lapel late'erai, nache 'ogaxaipi.

Lucas 8:33 Referans Kwoze

Apocalipsis 9:11

Joñe'me jo'ne mach'e lejaliaĝane'j naa'me qojequioĝoil, nach'eñe ñe'me piyem le'ec jo'ne neteloqo't jaga'me limaĝañi lat'edai, da'me lenaĝat joñe'me Abadón, jo'ne 'laqata'j ga'me hebreopi, qama'le jogaa'me griego laje' da'me mach'e 'laqatac jo'ne Apolión, jo'ne eetojo' da'me “Lataĝanaĝaic.”

1 Pedro 5:8

Ena'te a'uochiitac, dite da'me a'nañaĝachela't, qa'a ñe'me adauteuai jo'ne payac ena'am ga'me jauaĝaic da'me 'loĝoyaĝac qama'le nomitetaque ga'me jetaque nolaĝachiñe.

Juan 8:44

Ñe'me adet'ai nach'eñe ñe'me payac, chane'eja da'me mach'e lelnataĝac a'vichetac, ga'me jo'ne mach'e 'yamaqaten. Da'me jo'ne 'uaechiñe joca'li nach'eñe ñe'me payac jo'ne dalataĝanac; Ñe'me nach'e eta't da'me ja ue'tajop ga'me eja, nataq'aen da'me ja yaqanatet ta'le 'yaĝatetac da'me eja. Mane'e qom nenaĝategue ga'me loqovinaĝanaĝac qama'le 'yaĝatetac ga'me mach'e loĝot, qa'a nach'eñe jo'ne qovinaĝanaĝaic, nataq'aen e'n qovinaĝanaĝayaqa gaa'me jiyaĝa'u jo'ne mach'e lec'oqo'te.

Mateo 8:32

Jesús enapegalo: —Jamoyi. Joga'me payac lepaqalpi yenoĝodegue ca'li, queda'e gaa'me jiyaĝa'u qama'le tauelo joga'me coochelpi; qama'le paja'a joga'me coochelpi dajodegue, yelochidi'ñgui ga'me qaya'ñgui chayovida'a ga'me qa'em lae, qama'le ueda'a da'me ouaĝail.

Lucas 5:1

'Uo ga'me ua'a ca'li, Jesús ue'ta ga'me lae jaga'me qa'em lat'edai jo'ne Genesaret, qama'le qoyipataqata't qa'a ga'me jiyaĝadipi jetaque domachita da'me 'laqataĝanaĝac ñe'me Dios.

Lucas 8:32

Qama'le queda'me qoyode'talo gaa'me coochelpi jo'ne neteda'ña ga'me yauaqa'a ga'me qajoĝonaĝa da'me deque'tape, jogaa'me nepaqalpi nachoĝodetot joñe'me Jesús qaedi yaje'tema da'me tauelo jogaa'me coochelpi; qama'le Jesús yaje'tema ta'le tauelo.

Lucas 8:34

Ca'li jogaa'me jo'ne netelalo gaa'me coochelpi yauata da'me dojo' 'uo ca'li, qama'le dajodegue ca'li eque' qama'le yec'atalo gaa'me noyaqa qaedi t'aqataĝanema, nataq'aen gaa'me nedalegue ga'me 'nonaĝa.