Lucas 8:25 - Nuevo Testamento Toba Sombrero Negro

²⁵ Yoĝo'yi da'me dojo' qama'le enapegalo jogaa'me: —¿Te'ena't da'me adepi'i? Jogaa'me jalcote da'me t'oi'y nataq'aen yoqochetem, qama'le nenatetapega't: —¿Jach'e da'me dojo' jo'ne chayovida'a da'me 'laqatac da'me yicochaĝaguet ga'me layat nataq'aen ga'me noĝop qama'le yoqochideta?

Nuevo Testamento Toba Sur

²⁵ Ime, nachi 'enapegalo soua lapaxaguenataqa, 'eeta': –¿Chi táigo' cam qadpi'iÿaxaqui? Qalaxayi somayipi ÿataqta ñi'i, qataq ÿataqta huo'o da l'aalaxa. Nachi ñi 'oonolec inattac ñi lÿa, 'eeta': –¿Négue't dam da' shiÿaxaua?, yi ishit da ÿamaq na l'at qataq na 'etaxat, nachi ishit da ÿalaq.

La'aqtaqa Ñim Lo'onatac 'Enauacna 2013

²⁵ Ime, nache 'enapegalo soua lapaxaguenataqa, 'eeta': –¡Qami' saishet da huo'o ca qarpi'iỹaxaqui Aỹem! Qalaxaye soomaye ỹataqta ñi'i', qataq ỹataqta huo'o da la'aalaqa'. Nache ñi 'oonolec inattac ñi lỹa, 'eeta': «¿Negue't dam da' ỹale ye ivira'a na la'at qataq ana lapaxa na 'etaxat da ỹalaxaguet?»

Lucas 8:25 Referans Kwoze

Mateo 8:26

Joñe'me 'yategueta jogaa'me: —¿Toqoch'e at'oiyi? ¡Yataqachiñe jaleca da'me adepi'i! Yem da'me nenaĝategue da'me dojo', qama'le ñijeguem, yicochaĝaguet ga'me layat nataq'aen ga'me noĝop t'adaic, qama'le yema nedo'ta't da'me tochiñe.

Mateo 14:31

Paja'a Jesús yacona ga'me louaq qama'le enaac: —¡Yataqachiñe jaleca da'me adepe'e! ¿Toqoch'e auoqoleguet?

Juan 11:40

Jesús 'yateguet jañe'me: —¿Qo'li ja joote am ja'aĝatem da'me qom auep'iya'a, qama'le auana qomle da'me 'lonaĝac ñe'me Dios?

Lucas 12:28

Qa'a qom ñe'me Dios naqaeteque gaa'me lolelaĝail, jo'ne uo'oe ga'me 'nonaĝa nayi qama'te yavi'j qom 'yoĝoñi da'me qoyachaĝauelo jaga'me c'atoĝonaĝaqui, qama'le ¡yataqachiñe p'ajaye da'me ami yanema ga'me adeuodi', ami jiyaĝa'u jo'ne qaya'te adepi'i!

Mateo 17:20

Jesús enaac: —Qa'a ami yataqachiñe jaleca da'me adepi'i. Ami jayataĝadeneque ta'le eja 'uo da'me adepi'i, mate mane'e ena'am onole peta 'me mostaza jala, qama'le aueñiyapega jenjo' qajoĝonaĝa: «Oca'e jenjo', auec'ata ga'me aleua laqaya», qanach'e nichic ga'me qajoĝonaĝa. Qaya'te auaqalañitac.

Mateo 6:30

Qa'a qom ñe'me Dios naqaeteque gaa'me lolelaĝail, jo'ne uo'oe ga'me 'nonaĝa nayi qama'te yavi'j qom 'yoĝoñi da'me qoyachaĝauelo jaga'me c'atoĝonaĝaqui, qama'le ¡yataqachiñe p'ajaye da'me ami yanema ga'me adeuodi', ami jiyaĝa'u jo'ne qaya'te adepi'i!

Mateo 8:10

Jesús yataqachiñe yoqoch'em da'me domachiya da'me dojo', qama'le dojapegue'to gaa'me jo'ne quetedapegue', enaac: —Ami jayatenaĝaneque queda'me yema ga'me Israel laje'pi, qaya'te 'uo ga'me jauana jo'ne yaguegue da'me lepi'iyaĝac, da'me uotaĝa ena'am jenjo' jiyaĝaua.

Marcos 4:35

Nach'ejo jo'me nolo' ca'li yenoĝonegue, qama'le nadi'ta ga'me pi'yaq, Jesús dojapegue'to gaa'me lapaĝaguenataqa: —Jajoĝogue di'me lajego.

Lucas 8:24

Chane'eja gaa'me lapaĝaguenataqa ñe'me Jesús yec'adeta ca'li qaedi 'noqotoĝo'n, qama'le enapega't da'me yiyaĝadelegue: —¡Jaliaĝanec! ¡Qo'mi avichoĝode'n! ¡Yamta'le qo'mi domalidiñe! Jesús ñijeguem qama'le yicochaĝaguet ga'me layat nataq'aen gaa'me lepa' ga'me noĝop, qama'le 'nemaĝañe, yataqachiñe nedo'ta't da'me tochiñe.

Lucas 8:26

Qama'le yovidedeta di'me aleua jo'ne Gerasa, jo'ne lajego, dajoya'ata di'me Galilea.