Lucas 7:47 - Nuevo Testamento Toba Sombrero Negro

⁴⁷ “Chane'eja, am ja'aĝatem queda'me joote qoyapalaĝa't jogaa'me qayoĝode' loeco; qo'che' jalcote da'me loqopich'i nayi. Qalaĝaja, ñe'me jiyaĝaua jo'ne ja jalcote qoyapalaĝat da'me laviyaĝajet, ja jalcote da'me loqopich'i jo'ne yaloĝon.”

Nuevo Testamento Toba Sur

⁴⁷ Qaq ÿoqo'oyi nagui 'am sa'aqtaxanem da añimayi de'eda lta'adaic lauotaxanaqtaic naigui da ishit da qaÿapalaxat na qalota lasouaxashit, cha'ayi ca shiÿaxaua da saqalligueme da qaichoxoden, qaq nachi 'en'am saqalligueme da ÿachaxan da lsoxoyic.

La'aqtaqa Ñim Lo'onatac 'Enauacna 2013

⁴⁷ Añimaye ỹataqta lta'araic da lauotaxanaqtaic Aỹem, cha'aye ỹaỹaten da na qalota lasouaxashetpi mashe qaỹapalaxat. Qalaxaye ca saq 'amaqtaq na lasouaxashetpi maye qaỹapalaxat, camaye saq 'amaqtaq da lauotaxanaqtaic.

Lucas 7:47 Referans Kwoze

1 Juan 4:19

Qama'le qadoqopita joñe'me Dios qalaqach'ele 'uaeñe joñe'me qo'mi noqopitalo.

1 Juan 3:18

Ami yalaqapi, ena'te ch'e jenaĝa qat'aqatac queda'me qadoqopitalo gaa'me qadaqaya'olqa, dite da'me jenaĝa di'yo't daa'me qat'onataqa queda'me eja jechoĝodena' jogaa'me.

Gálatas 5:6

Qom joqotaĝaguet ñe'me Cristo, male ja p'ajaye da'me joote jaconaĝaguet ga'me 'nanaĝajet 'me nichaĝajoĝonaĝac uotaĝa qom ja naq'aeta. Da'me jo'ne p'ajaye ta'le jep'iyaqa ñe'me Cristo, nataq'aen da'me dojo' qadepi'iyaĝac qo'mi tauelo q'ae'n da'me qadoqopitalo jogaa'me qadaqaya'olqa.

Romanos 5:20

Da'me qoyapeteneuo da'me napaĝaguenataĝanaĝac qaedi yañodelo'te gaa'me loeco ga'me jiyaĝadipi; qalaĝaja ca'li ma'ejama'le nichidegue gaa'me noeco, qama'le ñe'me Dios yaloĝon da'me lichoĝodenataĝanaĝac.

Efesios 6:24

'Noota qom joñe'me Dios yataqata yichoĝode'n onolqa'tape naa'me jo'ne yataqata ja yaĝadiñi da'me noqopideta joñe'me Qadejaliaĝanec Jesucristo, nach'e eta't ja pal.

1 Juan 5:3

Nach'eda queda'me ta'le qadoqopita ñe'me Dios, qama'le jiyamaĝata' jodaa'me lamaĝajoĝonaĝaco. Nataq'aen jodaa'me lamaĝajoĝonaĝaco yataqata ja dajali',

1 Timoteo 1:14

Qalaĝaja joñe'me Qadejaliaĝanec yataqachiñe t'adaic ga'me lichoĝodenataĝanaĝac jo'ne jayem yanem, qama'le yataqata 'uo da'me yepe'e jo'ne janem ñe'me, choqoga'me yoqopich'iyaĝac jo'ne onaĝaic, nach'eda jo'ne qo'mi uauelo qom jep'iyaqa joñe'me Qadec'alaĝaiqui Cristo Jesús.

Filipenses 1:9

Ñachoĝodetapecot joñe'me Dios qaedi nach'e eta't en nichiquetedaye da'me anoqopich'iya't, qaedi yataqata qoyayaten nataq'aen qaya'te ami qoyec'ateneque,

Hechos 5:31

Dios yañijeguem qama'le yana'ña na'me yayaten, qama'le en najoĝola' nataq'aen nec'alaĝaiqui qaedi ga'me Israel c'oqo'tepi 'viyelaĝadeta ñe'me Dios qama'le yacoteguet da'me qoyapalaĝa't daa'me loeco.

1 Juan 1:7

Qalaĝaja, qom qolaqataue da'me yoqochiñe, nach'e naq'aeta da'me Dios uetaue da'me yoqochiñe, qama'le 'uo da'me qadaqayayaĝac, nataq'aen male lapalaqate' ena'uaque jodaa'me qadoeco queda'me naliñi qoyen jaga'me letauo' joñe'me Jesucristo jo'ne Lec'oĝot ñe'me Dios.

Lucas 7:39

Mane'e ca'li yauana da'me dojo', ñe'me fariseo jo'ne nepoda ñe'me Jesús, eetojo' da'me lelnataĝac: “¿Toqoch'e ja yetaden jañe'me yauo jo'ne ja no'en da'me yepotetac, qom yataqachiñe Dios 'laqataĝanaĝanec? Qa'a ¡janjo' yauo yataqachiñe ja 'noe'n daa'me 'lonataqa!”

Mateo 10:37

Ñe'me jo'ne noqopita ga'me let'a uotaĝa lat'e qama'te ja yaguegue da'me jayem noqopita, qama'le ja tayet da'me ñauela't. Nataq'aen ñe'me jo'ne noqopita ga'me c'oĝot uotaĝa c'oqote qama'te ja yaguegue da'me jayem noqopita, qama'le ja tayet da'me ñauela't.

2 Corintios 5:14

Joda'me loqopich'i ñe'me Cristo napacalegue da'me qat'oyaĝac. Jayatenaq queda'me ena'uac nep'aĝanegueta ca'li yeleu ñe'me, chane'eja ena'am ta'le ena'uaque qo'mi joote qadeleu.

Lucas 7:46

Ja jayem 'te auecodelegue jena'me yaqaic ga'me yoĝoqui jo'ne davioĝon; qalaĝaja, jañe'me qamqa'me yecodelo'te naa'me yapia'te ga'me yoĝoqui jo'ne ja quejete'uo da'me lajo'viyaĝac.

Lucas 7:48

Yem qama'le 'yaĝatem jañe'me yauo: —Jodaa'me adoeco joote qoyapalaĝa't.