Lucas 7:16 - Nuevo Testamento Toba Sombrero Negro

¹⁶ Mane'e ca'li qoyauana da'me dojo', qama'le ena'uaque jalcote da'me yoqochetem, nataq'aen 'nonaĝachidegue joñe'me Dios, enapega't: —¡'Uo jena'me p'ajaye Dios 'laqataĝanaĝanec jo'ne qo'mi naloĝonouelo! ¡Dios naequena qaedi qo'mi lecochiyalo, mach'e qo'mi lec'oqo'tepi!

Nuevo Testamento Toba Sur

¹⁶ Qaq co'ollaq qaÿauaachigui de'eda, nachi 'enauac so shiÿaxauapi ÿataqta huo'o da lcolanaxa. Nachi ÿi'oxodeetac ñi Dios, 'eeta': –Huo'o so 'amaqtaqaic l'aqtaxanaxanec ñi Dios qomi' chigoqchiguinguilo. Nataq'en qoÿiita' da n'aqtac: –Ñi Dios anac da itauan nam lalamaxatpi.

La'aqtaqa Ñim Lo'onatac 'Enauacna 2013

¹⁶ Qaq co'ollaq qaỹauaachigui de'era, nache 'enauac so shiỹaxauapi ỹataqta huo'o da lcolanaxa, nache chegoqchiguiña da ỹo'oxoreetac Ñim Lo'onatac 'Enauacna, 'eeta': «¡Huo'o da na'aqtaxanaxanec qomi' hueta'agueta! ¡Qaq nagui Ñim Lo'onatac 'Enauacna qomi' itaua'n!»

Lucas 7:16 Referans Kwoze

Lucas 7:39

Mane'e ca'li yauana da'me dojo', ñe'me fariseo jo'ne nepoda ñe'me Jesús, eetojo' da'me lelnataĝac: “¿Toqoch'e ja yetaden jañe'me yauo jo'ne ja no'en da'me yepotetac, qom yataqachiñe Dios 'laqataĝanaĝanec? Qa'a ¡janjo' yauo yataqachiñe ja 'noe'n daa'me 'lonataqa!”

Mateo 9:8

Ca'li yauata da'me dojo', yataqachiñe t'oi'y ga'me jiyaĝadipi, qama'le 'nonaĝachidegue joñe'me Dios queda'me yaloĝonouelo da'me lañoqotaĝanaĝac joga'me jiyaĝadipi.

Lucas 1:68

“¡'Noota qom qo'nonaĝachigui joñe'me Jaliaĝanec, jo'ne Qanedios, mach'e qo'mi jo'ne qo'mi Israel laje'pi, Qa'a naequena qaedi qo'mi nec'alaĝatedegue, mach'e qo'mi lec'oqo'tepi!

Lucas 5:26

Ena'uaque jogaa'me jalcote da'me yoqochetem, qama'le 'nonaĝachidegue joñe'me Dios, choqoda'me 'uo da'me lauategaĝa'j, qama'le enapega't: —¡Nayi jauanaĝalo gaa'me uo'oe jo'ne yataqachiñe joqochaqatapema!

Lucas 2:20

Qama'le jogaa'me 'naĝanaĝate neuatoqo't 'viyela', made'tapolqa nataq'aen 'nonaĝachidegue joñe'me Dios qa'a jouaĝat ga'me yauata nataq'aen ga'me domachita, qa'a yema yepaquichigui ga'me jo'ne qo'yaĝatema ca'li.

Lucas 1:65

Ena'uaque jogaa'me leje'gue jalcote da'me t'oitedapega joca'li da'me dojo', nataq'aen ena'uaque jogaa'me jo'ne nedalo'te gaa'me qajoĝona'a di'me Judea qo'naĝatapiye joca'li da'me dojo'.

Mateo 21:11

Gaa'me jiyaĝadipi laqaya' male 'yategueta, enapega't: —Jenjo' mach'e Jesús, Dios 'laqataĝanaĝanec, chiyaqa'ña di'me Nazaret 'me Galilea.

Mateo 15:31

Ga'me jiyaĝadipi yataqachiñe yoqochetem queda'me qoyauana da'me doje'y gaa'me qayaua'te 'laqataqa, gaa'me uayodaĝayaqa male yemedegue, gaa'me choĝolaĝayaqa yeuo'tape, nataq'aen jogaa'me qana'mi male yauana'ape. Qama'le paja'a 'nonaĝachidegue joñe'me Nedios joga'me Israel c'oqo'tepi.

Gálatas 1:24

Qama'le yemeda 'nonaĝachidegue ñe'me Dios, qa'a nach'eñe ñe'me jayem yanem da'me yadalaĝac.

Hechos 5:5

Ca'li domachiya dojo', Ananías 'naqañe qama'le yeleu. Qama'le ena'uaque gaa'me jo'ne yauachigui yataqachiñe najaqachiguilo da'me loqolanaqa't.

Juan 9:17

Qama'le yitaĝa 'viyelaĝadelegue da'me yena't ñe'me jiyaĝaua jo'ne qanam joca'li: —Da'me am, ¿jach'e ga'me qo'mi a'uaĝatema jo'me jo'ne en aneloye q'aen? Qama'le 'yategueta: —Da'me ami ja'aĝatema: nach'ejo jo'me Dios 'laqataĝanaĝanec.

Juan 6:14

Joga'me jiyaĝadipi, mane'e da'me yauata da'me dojo' di'yoq q'aen jo'ne 'nanec 'me ya'uo ñe'me Jesús, qama'le enapega't: —Jenjo' jo'ne nach'ena 'me yataqatelegue 'laqataĝanaĝanec ñe'me Dios, nach'eñe jo'ne qo'yaĝat ca'li da'me nec'achi'ña jena'me aleua.

Juan 4:19

Da'me domachiya da'me dojo' jañe'me yauo, qama'le enaac: —Jaliaĝanec, male jayaten da'me am 'laqataĝanaĝanec joñe'me Dios.

Juan 1:25

yenatetedac ñe'me Juan: —¿Toqoch'e auachilaĝanataĝan, queda'me ja naqa'am ta'le am Dios Liquiyac, choqoda'me ja am 'te Elías, uotaĝa ta'le am Dios 'laqataĝanaĝanec?

Juan 1:21

Qama'le yitaĝa qoyenat: —¿Qo'li naqa'am da'me am Dios 'laqataĝanaĝanec Elías? Qama'le yitaĝa 'yategueta: —Ja naqayem. Jogaa'me yitaĝa yena't: —Qama'le ¿qo'li naqa'am da'me am Dios 'laqataĝanaĝanec jo'ne na'taquena? 'Yategueta: —Ja naqayem.

Lucas 24:19

Joñe'me 'yategueta: —¿Te'ena't? Jogaa'me t'aqataĝatem: —Ga'me jo'ne qo'yetec ca'li ñe'me Jesús mach'e Nazaret le'ec, jo'ne nach'eñe Dios 'laqataĝanaĝanec; 'uo da'me lañoqotaĝanaĝac da'me 'laqataqa nataq'aen 'lonataqa nale dajoya'aguet ñe'me Dios nataq'aen nale dajoya'agueta ga'me jiyaĝadipi.

Lucas 9:19

Jogaa'me 'yadeteguet: —Uo'oe gaa'me eetedapega am Juan jo'ne chilaĝanataĝanaĝaic, gaa'me laqaya' eetedapega am Elías, nataq'aen gaa'me jiyaĝa'u laqaya' eetedapega auachiyaqauelo jodia'me 'uaediñe Dios 'laqataĝanaĝanaqa, jo'ne 'niyelaĝajeguem.

Lucas 8:37

Yema ga'me jiyaĝadipi jo'ne neda'ña di'me Gerasa nachoĝodetot joca'li joñe'me Jesús qaedi ca'e di'me aleua, qa'a jalcote da'me t'oidapega joñe'me. Chane'eja Jesús nañgui jaga'me licota da'me jetaque ec.

Lucas 5:8

Mane'e ca'li Simón Pedro yauana da'me dojo', qama'le paja'a da'me yejoidiñe naa'me leliquetel dajoya'aguet ñe'me Jesús qama'le enaac: —¡Jayem oca'e, Jaliaĝanec, qa'a jayem loeco lo'o!

Mateo 28:8

Chane'eja gaa'me yauo' paja'a queda'ae ga'me napa'l lae't, jalcote da'me t'oitedapega qalaĝaja nach'e ena'am 'uo da'me lamai'j let'adaic, chiyoqodañe ca'li yeda'alo da'me 'naqataĝanaĝac jogaa'me napaĝaguenataqa.

Hechos 7:37

Jenjo' nach'ena Moisés jo'ne 'yaĝatema ga'me israelpi: «Dios ya'uo qomle da'me 'uo ga'me ami chiyaqauelo jo'ne 'laqataĝanaĝanec, ena'am da'me jayem.»

Lucas 19:44

Nataq'aen yataqachiñe yapalaĝat; nimichidiñe qoye'n ga'me jo'ne netedaue di'me noic, nataq'aen ja yachetedai'ñdi ga'me qa' jo'ne uetalegue ga'me laqaya, qa'a ja auatetoñiyeguet ga'me laloqo' da'me Dios ami dejapichiyalo.”

Lucas 7:15

Chane'eja ñe'me joote yeleu mañaĝa ñiyiñe ca'li qama'le paja'a doje, qama'le Jesús yanot jaga'me lat'e.