Lucas 6:47 - Nuevo Testamento Toba Sombrero Negro

⁴⁷ Uo'oe gaa'me jayem nec'adeta qama'le jayem naquiaĝata nataq'aen yauote ga'me jo'ne jenaac. Qama'le ami ja'aĝatema

Nuevo Testamento Toba Sur

⁴⁷ Nagui aÿim qami' sa'axatema ca 'eeta'am ca shiÿaxaua da huo'otaq aÿim nau'a da aÿim n'axaÿaxana qataq ÿataqta i'ot cam shiitega:

La'aqtaqa Ñim Lo'onatac 'Enauacna 2013

⁴⁷ Da huo'o ca nquigueua'a Aỹem qataq na'axaỹaxana da ỹapaxaguenataxanaxac qataq Aỹem ỹalaxaguet,

Lucas 6:47 Referans Kwoze

Lucas 11:28

Joñe'me 'yateguet: —¡Jaja'a! Qama'le ¡yataqachiñe p'ajaye da'me lamai'j jogaa'me jo'ne naquiaĝata daa'me Dios 'laqataqa, nataq'aen yoqochideta joñe'me!

Juan 14:15

Yitaĝa enaac ñe'me Jesús: —Qom yataqata jayem adoqopichiya, qama'le auoqochiya'alo naa'me yamaĝajoĝonaĝaco.

Santiago 4:17

Chane'eja, ga'me jo'ne yayaten da'me ye'et da'me jo'ne onaĝaic, qama'te ja 'ye'et, nach'ega jo'ne ya'uo da'me mach'e loec.

Mateo 12:50

Qa'a gamachaqaega jo'ne yoqo'cha da'me yepaquetapega ñe'me Taĝadena' 'me na'ague di'me piyem, naqaega yanoqolec, ya'nole, nataq'aen yat'e.

Juan 13:17

Qom auayachiñe' naa'me naajo' uo'oe nataq'aen qom male a'vichi, qama'le yataqata ami made'tape qomle.

1 Pedro 2:4

Chane'eja anichiquii'uo nayi joñe'me Qadejaliaĝanec Jesús jo'ne ena'am ga'me qa' 'me yataqata nec'aletaye. Ga'me jiyaĝadipi 'yota'n ca'li joñe'me, qalaĝaja nach'eñe jo'ne Dios liquiyac nataq'aen da'me 'uo da'me lajo'viyaĝac let'adaic.

Hebreos 5:9

Qama'le ja yaĝañi da'me yataqata yoqo'cha joñe'me Dios, chayovida'a da'me yovita da'me laloqo' da'me qoyalat. Chane'eja nach'eñe joñe'me jo'ne yovida'a q'aen da'me male qoyen ladic da'me qonec'alaĝatedegue yema jogaa'me jo'ne yoqochideta joñe'me, da'me nec'alaĝa jo'ne qaya'te loiquiaqa'.

Apocalipsis 22:14

Made'tape jogaa'me jo'ne yiyo'y joga'me louo, qa'a nach'egaua jo'ne yauata da'me 'uo da'me ladiquiyaĝa'j q'aen jaga'me epaq jo'ne 'uo da'me nec'alaĝa choqoda'me e'n yaqanate't da'me tado'uet q'aen joga'me najom ga'me noic.

Lucas 14:26

“Qom 'uo ga'me jetaque jayem equegue qama'te da'me loqopich'i jo'ne jayem yanem ja napacalegue ga'me let'a nataq'aen lat'e, jaga'me loua, jogaa'me c'oqo'tolqa, nataq'aen jogaa'me mach'e laqaya'olqa, chayovida'a da'me mach'e 'loyaĝac, qama'le ja yaqanatet ta'le yapaĝaguenatac.

1 Juan 3:7

Ami yalaqapi, 'noota qom qaya'te ami yoqovi'n. Ga'me jo'ne quetalegue da'me en joĝodaic da'me nejiyaĝauayaĝac, nach'ega jo'ne chimaqachiñe, ena'am joñe'me Jesucristo queda'me yataqata chimaqachiñe.

1 Juan 2:29

Qom joote auayachiñe queda'me Jesucristo yataqata chimaqachiñe, qama'le nach'e ena'am auayachiñe queda'me ena'uaque jogaa'me yauote jodaa'me jo'ne chimadichidiñe, nach'egaua yataqata Dios lec'oqo'tolqa.

Juan 10:27

Qa'a gaa'me 'naĝanaĝatel jo'ne mach'e yelopi yateto'n naa'me mach'e 'yaqataqa qama'le nach'e ena'am da'me jayem jateto'n nataq'aen da'me jayem quetegue.

2 Pedro 1:10

Chane'eja ami yaqaya'olqa, yajouaĝat da'me Dios ami yiyaĝanalo ca'li qama'le nayi male ami liquiyaqa, 'noota qom auepaquitapega da'me dojo' qaedi nach'e eta't nichiquetajeguem da'me adepi'i, qa'a qom naq'aeta da'me auauoyi qama'le ja yitaĝa ta'le auapolegaĝañi.

Juan 6:37

Ena'uaque gaa'me jiyaĝa'u jo'ne jayem yanema joñe'me Taĝadena', jayem nec'adeta qama'le da'me jayem ja je'uotapegueta.

Juan 6:35

Jesús 'yategueta jogaa'me: —Naqayem jo'ne pan 'me jayem chiyaqayi da'me nec'alaĝa. Qama'le ga'me jo'ne jayem nec'ata ja yitaĝa 'uo da'me loqouaĝa, nataq'aen joga'me jayem p'iya'a ja yitaĝa ta'le yelinquip.

Juan 5:40

qalaĝaja ami ja jetaque jayem anec'achiya qaedi ami ua'ajopa da'me adec'alaĝaqui.

Lucas 8:13

Jaga'me peta jo'ne tachi'ñalo ga'me qadipi yelo'tegueta gaa'me jo'ne domachita da'me Dios 'laqataĝanaĝac qama'le made'tape da'me yacoteguet. Qalaĝaja ja jalcote qayada'ñelo gaa'me patadi: cada'ac 'uo da'me 'lamaqatenataĝanaĝa'j, qalaĝaja yovita da'me 'uo ga'me napiyenague'j qama'le ja naloteguet.

Lucas 8:8

Qalaĝaja laqaya jaga'me petapi tachi'ña ga'me aleua jo'ne onaĝaic: qama'le nolelidijeguem, nataq'aen onaĝaic jalayaĝac jo'ne ya'uo, onole peta chiyaqayi cien jaga'me jalapi.” Dojo' nenaĝategue ñe'me Jesús, nataq'aen netenec ga'me 'laqatac da'me noqotetenegue: “Gaa'me jo'ne domachita dojo', ¡'noota qom naquiaĝata!”

Mateo 17:5

Mane'e ca'li cha'li dojetac qama'le 'uo ga'me piyem lo'oc jo'ne edañgui yapadelo'te jogaa'me, nach'ega piyem lo'oc chimaqapegoue ga'me nejamaĝa jo'ne enaac: “Jenjo' mach'e Yalec jo'ne jauotec, nach'ena Yiquiyac: anaquiaĝañiya.”

Juan 8:52

Gaa'me judiopi male enapega't: —Nayi male yataqachiñe jayatenaq da'me am payac lae't. Qa'a di'me Abraham yeleu ca'li, nataq'aen dia'me Dios 'laqataĝanaĝanaqa, qama'te da'me am aueetapega: «Ga'me jo'ne yoqocha'a da'me 'yaqatac, nach'ega jo'ne yauana qomle da'me lec'alaĝa jo'ne qaya'te loiquiaqa'.»

Lucas 6:48

queda'me nach'egaua eda'am ga'me jiyaĝaua jo'ne jetaque 'noĝojeguem ga'me 'lemec, qama'le 'uaeñe q'aen da'me yataqachiñe en qaya'ñgui ga'me lejedec, qama'le en lamo ga'me qa' ga'me emec. Ca'li nayenegue ga'me ñache, ga'me noĝop ja yilae'teguet da'me 'lañaĝac da'me yauaĝanot ga'me emec, qalaĝaja ja yaqanatet ta'le yidaĝat, qa'a ja qoyalajaĝan da'me qo'nedijeguem.