Lucas 6:38 - Nuevo Testamento Toba Sombrero Negro

³⁸ 'Noota qom 'uo ga'me auañema gaa'me adaqayadi', qama'le Dios nach'e ena'am 'uo ga'me ami yanema. Qa'a ena'am ta'le joñe'me en naloqote'teguet ga'me le'ec ga'me adachoĝonaĝaqui da'me ami yanema, qoyipataĝa't, qoyadiyochigui nataq'aen najaqachigui. Qa'a da'me adapogoqotaĝanaĝaqui jo'ne auañema nale gaa'me adaqayadi' ami qoyipagaqa'te'tegueta, nach'eda da'me Dios ami 'yiyelaĝateque.”

Nuevo Testamento Toba Sur

³⁸ Qauauo'oi ca qai'añiim ca qadÿai, yaqto' ñi Dios huo'o ca qami' ÿanema. Ca qami' ÿanema ÿataqta nlaqchigui naq'en ca qadachoxonaxaquii, qantoqoochiguiñi qataq qaipataqta't, imootapeguelec naq'en. Ñimayi ipagaqchiichigui yi lcata cam 'ai'anem ca 'adÿa, qaq nachiyi 'am ÿami'.

La'aqtaqa Ñim Lo'onatac 'Enauacna 2013

³⁸ Qaỹa'añim ca qarỹai cam iueetaique, yaqto' Ñim Lo'onatac 'Enauacna qami' ỹanema cam qaviñiitaique. Cha'aye ỹoqta 'eesa da Ñim Lo'onatac 'Enauacna, da cam lcata cam qaỹa'añim ca qarỹai, qaq nache lcatam cam qami' ỹanema Ñimaye. Da huo'otaq qaỹa'añim ca qarỹai ca trigo, nache qami' qoỹanema ca laỹe' na trigo ỹataqta qantoqoochiguiñi qataq ỹataqta nlaqchigui, nache saishet da iuen da qauloitaique.

Lucas 6:38 Referans Kwoze

Marcos 4:24

Nataq'aen enaac: “'Noota qom yataqachiñe aueloi'tegue da'me dojo', qa'a ga'me adapogoqotaĝanaĝaqui jo'ne auapogoqotaĝañiya nale nach'e naq'aeta queda'me Dios ami napogoqoteque, nataq'aen queda'me yaguegue ga'me ami yanema.

Mateo 7:2

Qa'a Dios ami naloqote'n qomle, qama'le yaloqochichigui da'me mach'e adaloqotenaĝanaĝaqui qom analoqochiñe' jogaa'me adaqayadi'; yaloqochichigui da'me adapogoqotaĝanaĝaqui jo'ne auañema nale gaa'me adaqayadi', qama'le nach'e naq'aeta da'me ami qo'yeteque qomle.

Mateo 10:42

Nataq'aen gamachaqaega jo'ne yanem ga'me laiquip ga'me jiyaĝaua jo'ne chiyaqauelo naa'me naajo' jo'ne ja p'ajodaye, qa'a yajouaĝat da'me mach'e yapaĝaguenataqa, eja ami ja'aĝatema queda'me yataqachiñe 'uo qomle ga'me nejetenaguec.

Lucas 6:30

Gamachaqaega 'uo ga'me yiyaĝanaque da'me am yajela, auanem; nataq'aen ga'me jo'ne doĝotaĝanec ga'me jo'ne mach'e adoĝot, ena'te aueloiquiaĝatac da'me ta'le yitaĝa auaconeguet.

Santiago 2:13

Qa'a jogaa'me jo'ne ja yichoĝode'n gaa'me laqaya', qom 'uo da'me nec'atenague'j, qama'le nach'e ena'am da'me ja qoyichoĝode'n qomle. Qalaĝaja gaa'me jo'ne 'uo da'me lichoĝodenataĝanaĝa'j nach'egaua jo'ne 'uo da'me lomataĝanaĝa'j qom male yovita ga'me nolo' da'me male 'uo da'me nec'atenaĝanaĝac.