Lucas 6:27 - Nuevo Testamento Toba Sombrero Negro

²⁷ “Qalaĝaja ami jo'ne jayem anaquiaĝañitapega, ami ja'aĝatema: adoqopichiyalo jogaa'me adaute'udi', nataq'aen a'vichiyeque da'me 'noota ga'me jo'ne ami niquiya'alo;

Nuevo Testamento Toba Sur

²⁷ Qaq qami' mayi aÿim qan'axaÿaxañiitega, qami' shinapegalo da ÿataqta qauauochiic qome ca qami' ipa'agueeta'pe qataq ÿataqta qauaÿamaxachiita ca qami' nquiÿategalo,

La'aqtaqa Ñim Lo'onatac 'Enauacna 2013

²⁷ ¡Ỹataqta qana'axaỹaxañiichigui da huotaique qami' sa'aqtaxanema!: Qauauochec qome ca qami' ipa'agueeta'ape, qataq ỹataqta qauaỹamaxacheeta ca qami' sa iyacna'ape.

Lucas 6:27 Referans Kwoze

1 Ts 5:15

Auelaĝañitapema ena'uaque jogaa'me jo'ne te'me lelnataĝa'j da'me jetaque yauote lovi' joga'me laqaya, qa'a jena'me jenjo' yataqata ja no'en, dite da'me a'nañaĝachi da'me yataqata a'vichi joga'me 'noota ladic, qa'a jena'me jenjo' yataqata 'noota, da'me mach'e ami anoqopichiila't ena'uaque, nataq'aen aueñe'tema naa'me adaqayadi' jo'ne qaya'alo jo'ne neda'ña jena'me jenjo' aleua.

Lucas 6:35

Qalaĝaja ami, 'noota qom adoqopichiyalo gaa'me adaute'udi', nataq'aen auauoyi da'me 'noota, nataq'aen a'nataĝanaĝañiyec ga'me adoĝochi qama'le ena'te auajoĝoñi'ta ta'le ami 'yiyelaĝategueta ga'me lajo'vi. Qaedi naq'aeta da'me jalcote da'me anejetenaguequi, da'me ami qoye'n lec'oqo'tolqa joñe'me Dios jo'ne napacalegue ena'uac, jo'ne nach'e ena'am nichoĝodenoqo't jogaa'me jo'ne ja yane'm da'me lamai'j joñe'me nataq'aen qaleuaĝayaqa.

Gálatas 6:10

Qo'che', qom nach'e eta't jaqanatetaq, je'etaĝama da'me 'noota jogaa'me qadaqaya', qalaĝaja yataqachiñe p'ajaye yecochaĝalo jogaa'me jo'ne quetegue ñe'me Cristo.

Marcos 4:24

Nataq'aen enaac: “'Noota qom yataqachiñe aueloi'tegue da'me dojo', qa'a ga'me adapogoqotaĝanaĝaqui jo'ne auapogoqotaĝañiya nale nach'e naq'aeta queda'me Dios ami napogoqoteque, nataq'aen queda'me yaguegue ga'me ami yanema.

Hechos 10:38

Auayachiñe queda'me Dios en nejaqachigui da'me lañoqotaĝanaĝac nataq'aen ñe'me Lepaqal 'me yanem ñe'me Jesús jo'ne Nazaret le'ec, nataq'aen queda'me Jesús ya'uo da'me 'noota ca'li, nataq'aen en yemedegue ga'me jiyaĝadipi ena'uaque ga'me jo'ne 'uo da'me lachoĝode'j 'me yepataqatedañe da'me lañoqotaĝanaĝac ñe'me payac. Dojo' yaqanatet da'me ya'uo qa'a ue'tajop joñe'me Dios.

Hechos 7:60

Yem qama'le yejoidiñe naa'me leliquetel, netenec ga'me 'laqatac: “¡Am Jaliaĝanec, ena'te aueloyi qomle da'me lajouaĝaje't jena'me jiyaĝadipi!” Da'me joote nenaĝategue da'me dojo', qama'le yeleu.

Lucas 23:34

Jesús enaac: —Taĝadena', auapalaĝat da'me dojo' laviyaĝa'j, qa'a ja yayate'n ga'me yauote. Qama'le jogaa'me coico laje' nalichiguilo ga'me leuo ñe'me Jesús qaedi ua'ajop da'me tachigui.

Lucas 8:18

“Chane'eja 'noota qom yataqachiñe aueloi'tegue, qa'a ga'me ue'tajop ga'me jiyaĝaua Dios 'nouadijelegue; qalaĝaja ga'me qaya'te ue'tajop, qamqa'me chayovida'a ga'me yepetapega da'me yauana Dios doĝotaĝanec.”

Lucas 8:15

Qalaĝaja jaga'me petapi lae jo'ne tachi'ña ga'me aleua jo'ne 'noota, nach'egaua jiyaĝa'u jo'ne 'noote' ga'me lai'li nataq'aen niyamaĝateta'ajalo da'me domachita da'me Dios 'laqataĝanaĝac, qama'le yoqochideta nataq'aen 'nañaĝatela'ajalo qaedi chimadichidiñe, nach'e ena'am 'nañaĝatela'ajalo gaa'me chiyaqayilo jo'ne jalayaĝa'j.”

Lucas 8:8

Qalaĝaja laqaya jaga'me petapi tachi'ña ga'me aleua jo'ne onaĝaic: qama'le nolelidijeguem, nataq'aen onaĝaic jalayaĝac jo'ne ya'uo, onole peta chiyaqayi cien jaga'me jalapi.” Dojo' nenaĝategue ñe'me Jesús, nataq'aen netenec ga'me 'laqatac da'me noqotetenegue: “Gaa'me jo'ne domachita dojo', ¡'noota qom naquiaĝata!”

Lucas 6:22

“Ami made'tapolqa qom ga'me jiyaĝadipi ami niquiyatapegalo, uotaĝa qom ami qo'yodetapegue'to, nataq'aen qom ami qoyejoue'tape chayovida'alo naa'me adenaĝachi qo'yota'tape ena'am ta'le ja no'en, qa'a yajouaĝat da'me jayem oquiyegue, mach'e jayem jo'ne yataqachiñe Jiyaĝaua Lec'oĝot.

3 Juan 1:11

Am yaqaya jo'ne am joqopita, ena'te auanaya'alo jogaa'me ja 'noe'n jo'ne qoyadenaĝa't nale, dite gaa'me jo'ne 'noote'. Qa'a joñe'me jo'ne ya'uo da'me 'noota, nach'eñe chiyaqayi joñe'me Dios, qalaĝaja ga'me jo'ne ya'uo ga'me ja no'en qamqa'me ja yateton joñe'me Dios.

Hechos 16:28

Qalaĝaja Pablo niyaĝajeguem ca'li, enaac: —¡Ena'te analatela't, qa'a maliaĝa jouaqa'ta jenjo'!