Lucas 6:21 - Nuevo Testamento Toba Sombrero Negro

²¹ “Ami made'tapolqa, ami jo'ne adoqouachi nayi, qa'a ami chayaĝayaqa qomle. “Ami made'tapolqa, ami jo'ne 'uo da'me ademalaqataĝanaĝaqui nayi, qa'a male ami najaqachiguilo ga'me adamaiqui qomle.

Nuevo Testamento Toba Sur

²¹ Nataq'en ÿataqta qauamaichiguiñi qami' mayi qoviitaigui nagui da qauqouachi, cha'ayi ÿataqta huo'o qome da qadcomadaqai. Nataq'en ÿataqta qauamaichiguiñi qami' mayi qanoÿiñiitac nagui, cha'ayi ÿataqta huo'o qome da qadaÿalliguiyiqui.

La'aqtaqa Ñim Lo'onatac 'Enauacna 2013

²¹ Ñim Lo'onatac 'Enauacna ỹaaleguete qami' da lqouagaxanaqtaic, qami' maye nagui huo'o na qarqouaqai, cha'aye chochaq huañi qome na qo'oqoi. Ñim Lo'onatac 'Enauacna ỹaaleguete qami' da lqouagaxanaqtaic, qami' maye nagui qoviitaigui da qauaquicoitac, cha'aye qami' qome qoviitaigui da lta'araic qarlagaxayiqui.

Lucas 6:21 Referans Kwoze

Juan 6:35

Jesús 'yategueta jogaa'me: —Naqayem jo'ne pan 'me jayem chiyaqayi da'me nec'alaĝa. Qama'le ga'me jo'ne jayem nec'ata ja yitaĝa 'uo da'me loqouaĝa, nataq'aen joga'me jayem p'iya'a ja yitaĝa ta'le yelinquip.

Mateo 5:6

“Nataq'aen made'tapolqa qomle gaa'me jo'ne ena'am ta'le yoqoua't nataq'aen yelinqui'p queda'me jetaque qoye'et da'me yataqatelegue, qa'a nach'egaua gaa'me jo'ne yachaqa'y qomle.

Santiago 1:12

Matac ga'me jiyaĝaua qom napogaĝadeneguet da'me napiyenaguec qama'le yaqanatet da'me 'nañaĝateguet, qa'a qom yovida'a da'me male ye'm daa'me napiyenagueco, qama'le yaconeguet ga'me lomataĝanaĝac jo'ne nec'alaĝa 'me qaya'te loiquiaqa'. Nach'eda da'me nec'alaĝa jo'ne Dios 'yaĝatema jogaa'me jo'ne noqopideta.

Lucas 1:53

En nedañi da'me nachiquiyaĝa'j gaa'me 'uo da'me louenaĝanaĝa'j nataq'aen en ochichiguilo naa'me loua' gaa'me neuoyaĝadi da'me yamaĝadegue.

Mateo 5:4

“Nataq'aen made'tapolqa qomle gaa'me jo'ne noye'tape, qa'a nach'egaua gaa'me jo'ne qoloyaĝanate'tape qomle.

Apocalipsis 7:16

Qama'le da'me noqouaĝa ja yitaĝa ta'le 'uo da'me en lachoĝode'j, uotaĝa da'me noĝop lamaic, nach'e ena'am da'me ja yitaĝa yaqanatet ta'le yaviyaĝa't jañe'me ajeua, nataq'aen jena'me nepi'yaĝa ja yitaĝa ta'le yeloiquiaĝa'tape,

Lucas 6:25

“¡Degueja qomle da'me lachoĝode'j gaa'me jo'ne joote yauata da'me lachaĝayaĝa'j, qa'a male yoqoua't qomle! “¡Degueja qomle da'me lachoĝode'j gaa'me jo'ne lajaĝa'tape nayi, qa'a demalaqataĝata'ajalo nataq'aen noye'tape qomle!

1 Corintios 4:11

Chayovida'a nayi 'uo da'me qadachoĝodec da'me qaya'te jaliguinaq, 'uo ga'me ua'a qadeliñiquip nataq'aen qaya'te qadoĝot 'me janaĝaiñe nataq'aen qo'mi qoyalate'tape nale, choqoda'me qaya ga'me mach'e yataqachiñe qat'achaqa'.

Juan 4:10

Jesús 'yateguet: —Ta'le auayaten ga'me jo'ne Dios am yanem nataq'aen jayem auayaten da'me am jiyaĝatapecot qaedi jayem aniyomaĝan, qama'le ga'me aviyaĝanaque qama'le am janem ga'me noĝop jo'ne nec'alaĝaiqui.

Apocalipsis 21:3

Qama'le jomachiya ga'me 'naqatac jo'ne yejam, chimaqapicot jaga'me je'onaĝaiqui jo'ne eetac: —Piiya: joñe'me Dios male en 'lemec jena'me 'lachaqa't joga'me jiyaĝadipi. Joñe'me male uetauelo jogaa'me, qama'le e'n jogaa'me mach'e 'lachaqadiaĝa'upi. Qa'a nach'eñe joñe'me Dios male ne'tajopa jogaa'me.

2 Corintios 12:10

Nach'e ena'am jayem matac q'aen gaa'me yachoĝolaĝaco, da'me jayem qoyojouetac nataq'aen jayem qoyecaatac nataq'aen da'me uo'oe gaa'me youenaĝanaĝaco laqalaico 'me jayem nauateguet nale queda'me yataqachiñe jequegue ñe'me Cristo. Qa'a da'me chiyaqayi da'me jayem 'uañaĝaic q'aen nach'eda jatetoneguet da'me yachoĝolaĝac.

2 Corintios 11:27

Jalcote da'me 'yonataĝanaĝac, 'uo ga'me ua'a ja jaqanatet ta'le jo'oche; jec'on yoqouaĝa nataq'aen jelinquip, nataq'aen queda'me jouetaque ga'me yoĝot qama'le jec'on ga'me 'lomaĝa.

2 Corintios 6:10

Ena'am ta'le qo'mi totelo'te, qalaĝaja nach'e eta't qo'mi made'tape. Ena'am ta'le qo'mi choĝodache, qalaĝaja qayoĝode' gaa'me jenaĝa neuoyaĝadi. Ena'am ta'le qaya'te jauanaĝa, qalaĝaja joote yema jauanaĝa.

Juan 11:35

Qama'le Jesús noyen.

Lucas 6:20

Jesús yelochiguilo jogaa'me jiyaĝadipi jo'ne quetedapegue', qama'le yapaĝague'tape, enaac: “Ami made'tapolqa, ami jo'ne choĝodache, qa'a adeyamaqae'teguet da'me lejaliaĝa joñe'me Dios.

Lucas 6:22

“Ami made'tapolqa qom ga'me jiyaĝadipi ami niquiyatapegalo, uotaĝa qom ami qo'yodetapegue'to, nataq'aen qom ami qoyejoue'tape chayovida'alo naa'me adenaĝachi qo'yota'tape ena'am ta'le ja no'en, qa'a yajouaĝat da'me jayem oquiyegue, mach'e jayem jo'ne yataqachiñe Jiyaĝaua Lec'oĝot.