Lucas 6:20 - Nuevo Testamento Toba Sombrero Negro

²⁰ Jesús yelochiguilo jogaa'me jiyaĝadipi jo'ne quetedapegue', qama'le yapaĝague'tape, enaac: “Ami made'tapolqa, ami jo'ne choĝodache, qa'a adeyamaqae'teguet da'me lejaliaĝa joñe'me Dios.

Nuevo Testamento Toba Sur

²⁰ Nachi so Jesús ÿamataigui so lapaxaguenatacpi, nachi 'enapeco': –Ÿataqta qauamaichiguiñi qami' mayi qami' choxoda'q, cha'ayi qadalamaxachi da l'onataxanaxac ñi Dios.

La'aqtaqa Ñim Lo'onatac 'Enauacna 2013

²⁰ Nache So Jesús ỹamataigui so lapaxaguenatacpi, nache 'enapeco': «Ñim Lo'onatac 'Enauacna qami' ỹaaleguete da lqouagaxanaqtaic qami' maye qami' choxora'q, cha'aye da lo'onataxanaxac Ñim Lo'onatac 'Enauacna qaralamaxache.

Lucas 6:20 Referans Kwoze

Santiago 2:5

Ami yaqaya'olqa jo'ne ñauotaĝa'u, anaquiaĝañiya da'me dojo': Dios en liquiyac ga'me jiyaĝaua jo'ne qaya'te leuoyaĝac, qama'le en neuoyac da'me nepe'e, qama'le nach'e ena'am da'me en yaconeguet da'me jo'ne mach'e en loĝot jo'ne nejaliaĝa, da'me jo'ne joote 'yaĝatema gaa'me jo'ne eja da'me yataqachiñe noqopideta joñe'me.

2 Corintios 8:9

Ami auayachiñe ñe'me Qadejaliaĝanec Jesucristo yataqachiñe neuoyaq ca'li, qalaĝaja queda'me ami noqopitalo qama'le nec'ata jena'me aleua, yaconeguet da'me lachoĝodec qaedi ami auovidiya'a da'me ami neuoyaĝadi.

Lucas 12:32

“Ena'te at'oiyi, ami yaqaya'olqa; ja ami 'te lama'ejoda, qalaĝaja ñe'me Adet'ai yepaquetapega ta'le ami yanema da'me lejaliaĝa.

Mateo 25:34

Yem qama'le jenapegalo gaa'me jo'ne neteda'ague jena'me jayaten: «Auanaeyiquena, ami jo'ne yataqachiñe yichoĝode'n ñe'me Taĝadena'. Auacoñiyeguet ga'me joote ami qoyaditaĝat'ae'ta, joda'me nejaliaĝa jo'ne qoyaqataĝata't qaedi ami qoyanema chiyoqo'teguet ca'li yemta jena'me aleua.

Apocalipsis 2:9

Joote jayaten da'me adachoĝodequi nach'e ena'am jayaten da'me qaya'te adeuoyaĝaqui, mate mane'e ena'am ta'le yataqata ami neuoyaĝadi, qama'le nach'e ena'am jayaten da'me eeta da'me ami dachinataĝalo'te jogaa'me jo'ne eetapela'ajalo lec'oqo'tepi joñe'me Dios. Qalaĝaja nach'egaua jo'ne ja p'etaqadayaqa, dite da'me chiyoqodayi da'me lemaĝac joñe'me Satanás.

2 Corintios 6:10

Ena'am ta'le qo'mi totelo'te, qalaĝaja nach'e eta't qo'mi made'tape. Ena'am ta'le qo'mi choĝodache, qalaĝaja qayoĝode' gaa'me jenaĝa neuoyaĝadi. Ena'am ta'le qaya'te jauanaĝa, qalaĝaja joote yema jauanaĝa.

Santiago 1:12

Matac ga'me jiyaĝaua qom napogaĝadeneguet da'me napiyenaguec qama'le yaqanatet da'me 'nañaĝateguet, qa'a qom yovida'a da'me male ye'm daa'me napiyenagueco, qama'le yaconeguet ga'me lomataĝanaĝac jo'ne nec'alaĝa 'me qaya'te loiquiaqa'. Nach'eda da'me nec'alaĝa jo'ne Dios 'yaĝatema jogaa'me jo'ne noqopideta.

2 Ts 1:5

Nach'ena yataqata eja da'me male yaloĝon queda'me qaya'te lepatenaĝanaĝac ñe'me Dios, nach'eñe jo'ne yataqachiñe eja da'me lec'atenaĝanaĝac, qama'le ami yela'a da'me yataqata adaloyeguet da'me male ovitaue da'me lejaliaĝa joñe'me Dios: yajouaĝat da'me dojo' cha'li 'uo ga'me qoyen adachoĝodequi.

1 Ts 1:6

Qama'le da'me ami, yataqata oquiyegue ca'li joga'me jauoqotac mach'e qat'onataĝanaĝac, nataq'aen joga'me 'lonataĝanaĝac joñe'me Jaliaĝanec, chayovida'a da'me auacoñiyeguet ga'me 'naqatac. Qama'le auachiyoĝotedaue joga'me adamaiqui jo'ne ami yanema ñe'me Dios Lepaqal da'me chiyaqaue ga'me adachoĝodequi.

2 Corintios 8:2

Temaqaedi da'me joote tauelo gaa'me qayoĝode' laqalaico, qalaĝaja nach'e eta't made'tape jogaa'me. Mate mane'e choĝodache, qalaĝaja jaga'me lajaqaje' ena'am ta'le neuoyaĝadi.

Hechos 14:22

Naa'me naajo' ale'u 'yañaqate'tape joga'me p'etaqadaiquipi nataq'aen 'yelopetapeque da'me 'nañaĝatela'ajalo da'me quetedalegue da'me lepe'e', qama'le yaqateque jogaa'me da'me qoyouetaque da'me naje'tegueta ga'me yodapecache 'me lachitataico, qaedi yaqanate't ta'le tadoue da'me Dios lejaliaĝa.

Lucas 14:15

Ca'li qodomachiya da'me dojo', 'uo ga'me jo'ne netauelo gaa'me qayoĝode' dojapegue' ñe'me Jesús: —¡Yataqata 'uo da'me lamaic gamachaqaega jo'ne uetaue da'me lejaliaĝa ñe'me Dios da'me deque'e qomle!

Lucas 13:28

Chane'eja male novi' da'me ademalaqataĝanaĝaqui nataq'aen da'me adalemataiqui queda'me auañiyalo di'me Abraham, Isaac, Jacob nataq'aen ena'uaque dia'me 'laqataĝanaĝanaqa joñe'me Dios da'me uetedaue da'me daja' lejaliaqa', qalaĝaja ami qamqa'me qoyen oquiya'e qomle da'me ami qoyamaĝadegue.

Lucas 4:18

“Joñe'me Lepaqal ñe'me Jaliaĝanec jayem ue'tajop, qa'a jayem yiyota'a qaedi ja'aĝatema da'me onaĝaic 'naqataĝanaĝac jogaa'me choĝodayaqolqa. Jayem namaĝaquena qaedi ja'aĝatetac da'me male qoyejodegue jogaa'me necoñetae's nataq'aen qaedi male jen yauana'ape jogaa'me qana'mi; nataq'aen qaedi male jen uojotedañi gaa'me jo'ne qoya'uo ga'me lachoĝode'j da'me qonejaliaĝatelo'te;

Mateo 11:5

A'uaĝachem qomle da'me male nauachidiñe jogaa'me qana'mi, nataq'aen jogaa'me uayodaĝayaqa male yeuo'tape, jogaa'me daloĝo lalataqa male yoqovite' da'me lapite'na't, jogaa'me ja domachiya'ape male domachi'y, jogaa'me joote yele'u yitaĝa nec'alidijeguem nataq'aen jogaa'me choĝodache male qo'yaĝatapema da'me onaĝaic Dios 'laqataĝanaĝac.

Lucas 16:25

Qalaĝaja Abraham 'yateguet: «Am yalec, anetouetac queda'me ca'li cha'li ouetaue da'me anejiyaĝauayaĝac qama'le 'uo da'me adiyamaĝac 'me adamaic, qalaĝaja Lázaro 'uo da'me lachoĝodec da'me 'loyaĝac. Qama'te nayi ñe'me yaconeguet da'me nichoĝodenataguec jena'me jenjo', am qamqa'me auaconeguet da'me adachoĝodec.

Mateo 5:1

Mane'e da'me yauana ga'me jiyaĝadipi, Jesús yec'adije'ma ga'me qajoĝonaĝa qama'le ñiyiñe. Jogaa'me lapaĝaguenataqa yec'adeta joñe'me,