Lucas 5:33 - Nuevo Testamento Toba Sombrero Negro

³³ Qama'le qot'aqataĝanem ñe'me Jesús: —Jogaa'me lapaĝaguenataqa ñe'me Juan jo'ne chilaĝanataĝanaĝaic nataq'aen jogaa'me fariseopi lapaĝaguenataqa jalcote da'me noqouaqatela'ajalo nale nataq'aen jalcote gaa'me netamenaĝaco jo'ne yauo'oe nale, qalaĝaja naa'me adapaĝaguenataqa nach'eda da'me deque'y nataq'aen da'me niyo'm.

Nuevo Testamento Toba Sur

³³ Nachi somayipi inattac so Jesús, 'eeta': –¿Tá'ainco' yi ÿapacteec da nqouaqchitaxac qataq da nqouagaxaunaxac nam ca'attague' so Juan qataq nam fariseopi, qaq nam 'adapaxaguenatacpi nda'a't da deque'etac qataq nÿomtac?

La'aqtaqa Ñim Lo'onatac 'Enauacna 2013

³³ Nache huo'oi soua 'enapegalo So Jesús, 'eetra': –Na lapaxaguenatacpi so Juan maye nachelaxanataxanaq qataq nam quetague' na fariseopi ỹataqta ỹaguec da nqouagaxaunaxac qataq nqouaqchetaxac. Qaq naua 'arapaxaguenataqa qalaq nda'a't da lquia'axac qataq da nỹomaxac.

Lucas 5:33 Referans Kwoze

Lucas 20:47

Nataq'aen doĝotaĝaneque ga'me jo'ne yiyamaqa'tama jogaa'me p'ail, nataq'aen nale nequepaĝatedelegue da'me dojo' qama'le yauo'oe gaa'me netamenaĝaco jo'ne jalo'li. Jogaa'me yataqachiñe let'adaic ga'me ne'uaĝanague'j jo'ne qoyanema qom'te.”

Lucas 18:12

Jen dojolqa ñoqouaqatela't ga'me semana, nataq'aen nale diez da'me yoĝonaĝanaĝac qama'le jecolaĝatetegue ga'me onolec jo'ne am janem.»

Hechos 9:11

Joñe'me Jaliaĝanec enaac: “Oñijeguem qama'le auec'ata di'me noqoyaĝac 'me lenaĝat Qoyayaten, qama'le ga'me 'lachaqa' ñe'me Judas auenataĝanaque ñe'me jiyaĝaua jo'ne chiyoĝogue di'me Tarso lenaĝat Saulo. Netametac nayi,

Juan 3:25

Qalaĝaja jogaa'me lapaĝaguenataqa ñe'me Juan 'uaeñe da'me nec'onaĝadapegue' joga'me jo'ne judío le'ec yajouaĝat da'me qoyadalaĝat ga'me jo'ne 'nejola't nataq'aen da'me qoyen yoqovita,

Juan 1:35

Jo'me nolo' laqaya, Juan yitaĝa 'uo di'me ue'ta choqogaa'me dojolqa 'me lapaĝaguemataqa.

Lucas 11:1

'Uo ga'me ua'a ca'li, ñe'me Jesús 'uo ga'me ue'ta da'me netametac. Ca'li yem 'uo ñe'me lapaĝaguenatac jo'ne dojapegue', enaac: —Jaliaĝanec, qo'mi auapaĝagueneque da'me tamenaĝac, nach'e naq'aeta di'me Juan jo'ne yapaĝagueneque gaa'me lapaĝaguenataqa ca'li.

Marcos 12:40

Nataq'aen doĝotaĝaneque ga'me jo'ne yiyamaqa'tama gaa'me p'ail, nataq'aen nale nequepaĝatedelegue da'me dojo' qama'le yauo'oe gaa'me netamenaĝaco jo'ne jalo'li. ¡Jogaa'me yataqachiñe let'adaic ga'me ne'uaĝanague'j jo'ne qoyanema qom'te!”

Mateo 23:13

“¡Degueja da'me adachoĝodequi qomle ami judiopi napaĝaguenoqo'tpi nataq'aen fariseopi 'me ja ejoda! Ami jo'ne auapadiñigueta gaa'me jiyaĝa'u laqaya' queda'me jetaque tadoue da'me lejaliaĝa joñe'me Dios, naqa'ami jo'ne ja auaqanachichi ta'le ayoue joda'me, choqoda'me ja auajeñe'tema gaa'me jo'ne jetaque tadoue.

Lucas 2:37

qama'le male p'ai chayovida'a ochenta y cuatro gaa'me ne'uoidi. Nach'e eta't yec'ata ga'me tamenaĝaiqui, noloqo'ote, pi'yaĝadi, yema'a ñe'me Jaliaĝanec, choqoda'me noqouaqatetapela't nataq'aen gaa'me netamenaĝaco jo'ne yauo'oe.

Lucas 5:32

Nach'e ena'am da'me yajouaĝat da'me ñanaequena: ja jiyaĝanalo gaa'me chimadichidiñe, dite ga'me loeco lo'olpi, qaedi 'niyelaĝadetot joñe'me Dios.

Lucas 5:34

Jesús 'yategueta jogaa'me: —¿Qo'li jetaque aueñi noqouaqatela'ajalo jogaa'me jo'ne yec'adeta ga'me neualaĝayaĝac qom cha'li uetauelo ñe'me nojaĝaua?