Lucas 5:24 - Nuevo Testamento Toba Sombrero Negro

²⁴ Qalaĝaja ami jaloĝonalo nayi queda'me jayem jo'ne mach'e jayem Jiyaĝaua Lec'oĝot, 'uo da'me yañoqotaĝanaĝac qaedi japalaĝa't jogaa'me loeco ga'me jiyaĝadipi. Chane'eja eetojo' da'me dajoyalegue ga'me leuaĝaic, enaac: —Am jenapega: oñijeguem, auacona na'me adela' qama'le oc, auec'ata ga'me at'achaqa'.

Nuevo Testamento Toba Sur

²⁴ Qalaxayi moxochaqa, nagui qami' nachaxanalo ne'ena shiÿaxaua llalec da namayi ÿataqta huo'o naq 'enec ana 'alhua da ishit da ÿapalaxat na nasouaxashitpi. Huaña, nachi 'enapega som ÿale mayi sa da'añiigue, 'eeta': –Nagui 'am shinapega, qoñishiguem, 'aunana't na 'admala'. Ime, qaq qojec, 'anqo'ona ca 'adma'.

La'aqtaqa Ñim Lo'onatac 'Enauacna 2013

²⁴ Qalaxaye nagui qami' sachaxanalo da Aỹem, maye Aỹem Shiỹaxaua Llalec huo'o da ỹa'añaxac ana'ana 'alhua da sapalaxat na nasouaxashetpi.» Huaña, nache 'enapega som ỹale maye sa da'añiigue, 'eeta': «Qoñisheguem, 'auacona na 'armala'. Ime, qaq qojec, 'anqo'ona ca 'arma'.»

Lucas 5:24 Referans Kwoze

Apocalipsis 1:13

nataq'aen da'me 'uo ga'me jauana jo'ne uetañgui laeñi jogaa'me siete coyadaĝanaqatel jo'ne ena'am ta'le jiyaĝaua, 'me yatañe joga'me leuo jo'ne yeda'ñalo naa'me lapia'te, choqoga'me oro jo'ne nejataĝaiqui yovidaje'ma jajo'me letogue.

Hechos 14:10

Chane'eja netenec ga'me 'laqatac, enaac: —¡Oñijeguem qama'le auachimaĝachidiñe naa'me adapia'te! Joñe'me jiyaĝaua nenodijeguem ca'li nechachiñe, qama'le paja'a yeuotac.

Hechos 9:40

Pedro yenoĝonaqatedegue jogaa'me, qama'le yejoidiñe naa'me leliquetel, qama'le netamen; yem qama'le yelo'ta jaga'me leuaĝai, enaac: —¡Tabitá, oñijeguem! Jaga'me neloye qama'le ca'li Pedro yauana, male ñiyiñe.

Hechos 9:34

Pedro enaac: —Eneas, ¡Jesucristo en am yemegue q'aen! ¡Oñijeguem qama'le aue'et na'me at'ochaĝala'! Eneas paja'a ñijeguem ca'li.

Hechos 5:31

Dios yañijeguem qama'le yana'ña na'me yayaten, qama'le en najoĝola' nataq'aen nec'alaĝaiqui qaedi ga'me Israel c'oqo'tepi 'viyelaĝadeta ñe'me Dios qama'le yacoteguet da'me qoyapalaĝa't daa'me loeco.

Juan 17:2

Qa'a naqa'am jo'ne jayem auanem da'me yañoqotaĝanaĝac qaedi ñejaliaĝatelo'te yema ga'me jiyaĝadipi, nataq'aen da'me auanema da'me 'loyaĝac jo'ne ja 'naidena'a yema jogaa'me jo'ne jayem auanema.

Juan 11:43

Ca'li yem da'me nenaĝategue da'me dojo', qama'le netenec da'me liyaĝanaĝac: —¡Lázaro, anenoĝonegue, oca'e na'me nojo'!

Juan 5:27

Nach'e ena'am da'me jayem yanem da'me yañoqotaĝanaĝac qaedi jaloqotenaĝan, queda'me nach'ayem jo'ne yataqachiñe jayem Jiyaĝaua Lec'oĝot.

Juan 3:13

“Qaya'te ta'le yec'adije'ma di'me piyem dite ñe'me jo'ne nenochiñe 'me chiyoĝogue di'me piyem, jo'ne nach'eñe Jiyaĝaua Lec'oĝot.

Lucas 8:54

Qalaĝaja Jesús yacona ga'me louaq jaga'me qama'le netenec ga'me 'laqatac da'me enaac: —¡Am q'añole, oñijeguem!

Lucas 7:14

Paja'a yec'ata qama'le yepot ga'me 'lochaĝala', qama'le nechachidiñe jogaa'me jo'ne yachitedac. Jesús dojapegue' di'me joote yeleu: —Am nejoqolec, nayi am jojapegue': ¡Oñijeguem!

Lucas 5:13

Jesús en toĝoyet na'me louaq, enaac: —¡Eja ja'amaqaten: qama'le nayi am yoqovita! Qama'le ñe'me leuaĝaic paja'a ca'e ga'me lapite'na.

Mateo 28:18

Jesús nichiidi'uo jogaa'me qama'le yanema da'me laqataĝac, enaac: —Dios joote jayem yachalegue da'me yañoqotaĝanaĝac let'adaic, qaedi ñejaliaĝatelo'te yemeda gaa'me ueteda'ague di'me piyem nataq'aen gaa'me uetedalegue jena'me aleua.

Mateo 26:64

Jesús 'yateguet: —Naq'aeta da'me mach'e anenaĝategue. Nataq'aen nach'e ena'am ami ja'aĝatema queda'me jayem auañiya qomle jayem jo'ne yataqachiñe Jiyaĝaua Lec'oĝot da'me joneta'ña na'me yayaten ñe'me jo'ne napacalegue ena'uac, nataq'aen japetalo'te gaa'me piyem loje' qom 'ñiyelaq.

Mateo 25:31

“Da'me jayem jo'ne jayem Jiyaĝaua Lec'oĝot nataq'aen jayem Jaliaĝanec, qom 'ñiyelaq qama'le nachetac da'me yi'yoĝodic, nataq'aen ena'uaque jogaa'me yamaĝa's jo'ne piyem laje' jayem naequetedapegue', qama'le jonañgui jaga'me yejaliaĝaiqui jo'ne p'ajaye da'me li'yoĝodic.

Mateo 16:13

Ca'li Jesús yovita di'me noic lenaĝat Cesarea Ñe'me Filipo, qama'le yachimaĝatalo jogaa'me lapaĝaguenataqa: —Ga'me jiyaĝadipi, ¿jach'e jogamaĝa qoyepetapega da'me naqayem queda'me jayem Jiyaĝaua Lec'oĝot?

Mateo 9:6

Qalaĝaja ami jaloĝonalo nayi queda'me jayem jo'ne mach'e jayem Jiyaĝaua Lec'oĝot, 'uo da'me yañoqotaĝanaĝac qaedi japalaĝa't jogaa'me loeco ga'me jiyaĝadipi. Chane'eja eetojo' da'me dajoyalegue ga'me leuaĝaic, enaac: —Am jenapega: oñijeguem, auacona na'me adela' qama'le oc, auec'ata ga'me at'achaqa'.

Mateo 4:24

Yema di'me aleua jo'ne Siria qo'yaĝatetac ñe'me Jesús, qama'le qoyeda'alo gaa'me yodapecache lachoĝodeco 'me ja 'noe'n, napite'nadi nataq'aen layaliaĝaco, nataq'aen jogaa'me uetayelo gaa'me payac lepaqa'li, nataq'aen jogaa'me copechaĝayaqa choqogaa'me choĝolaĝayaqa. Qama'le ena'uaque e'n yemedegue ñe'me Jesús.

Lucas 5:18

Qama'le yovidedauo gaa'me jiyaĝa'u jo'ne yacotedo'ot ga'me lela' ñe'me choĝolaĝaic: jetaque yedode'uo ga'me p'auo ga'me emec qaedi qoyajoĝolegue ñe'me Jesús.

Lucas 5:23

¿Qo'li 'uo jogamaĝa laqalaic ta'le eetojo' ga'me 'yaqatac da'me jamaĝalegue jenjo' leuaĝaic: «Joda'me adoeco joote qoyapalaĝa't», uotaĝa jenaac: «Oñijeguem, qama'le oc»?