Lucas 4:40 - Nuevo Testamento Toba Sombrero Negro

⁴⁰ Ca'li joote yenoĝoñi jañe'me ajeua, da'me yenoĝonegue ga'me nolo' jo'ne niyamaqatac, qama'le ena'uaque gaa'me jo'ne yeleua'ape, jo'ne yodapecache gaa'me lapite'nadi, qoyeda'alo joñe'me Jesús. Qama'le joñe'me yachalo'te naa'me loua' jogaa'me, qama'le onolqa'tape en yemedegue.

Nuevo Testamento Toba Sur

⁴⁰ Qaq co'ollaq mashi inoxooñi aso nala', nachi 'enauac na shiÿaxauapi nam huo'o na dalolaxaic huetaña na lma', nam huec na ÿotta'a't nalolaxacpi, nachi qandou'a so Jesús. Nachi so Jesús ÿashil-lec ñi 'oonolec somayipi, nachi no'oita naq'en.

La'aqtaqa Ñim Lo'onatac 'Enauacna 2013

⁴⁰ Qaq co'ollaq mashe inoxooñi aso nala', nache 'enauac na shiỹaxauapi maye ỹotta'a't na lalolaxapi, qandoua'a So Jesús. Qaq So Jesús ỹashel-lec ñi 'oonolec somayepi, nache no'oita naqa'en.

Lucas 4:40 Referans Kwoze

Marcos 5:23

qama'le jalcote da'me nachoĝodenot joñe'me, enaac: —Yamta'le yeleu jadi'me yale: ¡ayala, auachalo'te naa'me adoua' qaedi yemegue nataq'aen qaedi ja yeleu!

Hechos 19:12

qama'le chayovida'a ga'me lapoto lae uotaĝa ga'me louo jo'ne yeyeda'aguet da'me 'loyaĝac nach'egaua qoyaue'ualo ga'me leuaĝaiquipi, qama'le jogaa'me yemedegue, qaya ga'me lapite'nadi, nataq'aen ga'me nepaqa'li ca'ae nale jogaa'me.

Hechos 5:15

Qoyedode'ga ga'me leuaĝaiquipi da'me loqoeyaĝac, qoyachetalo'te ga'me lela'te nataq'aen 'lochaĝala'te qaedi da'me Pedro tae'di qama'le uotaĝa ch'e lepaqal ga'me tatelo'te jogaa'me.

Marcos 3:10

Qa'a jalcote ga'me en yemegue q'aen, qama'le ena'uaque joga'me leuaĝaiquipi quetedapegue' joñe'me qaedi yepo't.

Mateo 14:13

Ca'li Jesús yovido'ot da'me 'naqataĝanaĝac qama'le onolac da'me ec, nañgui jaga'me licota, yec'ata ga'me aleua totapega't. Qalaĝaja ga'me jiyaĝadipi nometelegue qama'le chiyaqapi'ñalo gaa'me noicolqa da'me yecadelegue tadelegue ga'me 'lañaĝa.

Mateo 11:5

A'uaĝachem qomle da'me male nauachidiñe jogaa'me qana'mi, nataq'aen jogaa'me uayodaĝayaqa male yeuo'tape, jogaa'me daloĝo lalataqa male yoqovite' da'me lapite'na't, jogaa'me ja domachiya'ape male domachi'y, jogaa'me joote yele'u yitaĝa nec'alidijeguem nataq'aen jogaa'me choĝodache male qo'yaĝatapema da'me onaĝaic Dios 'laqataĝanaĝac.

Marcos 6:5

Qama'le ja yaqanatet ta'le yacheda'ña gaa'me 'lonataqa jo'ne lañoqotaĝanaĝaco, mate mane'e uo'oe gaa'me yachalo'te naa'me loua' qama'le en yemedegue gaa'me yoqotolqa 'me leuaĝayaqa.