Lucas 4:35 - Nuevo Testamento Toba Sombrero Negro

³⁵ Qama'le Jesús yicochaq ñe'me payac lepaqal, enaac: —¡At'emaqata nataq'aen aĝañi jenjo' jiyaĝaua! Qama'le jo'me nepaqal yijaĝa'ñidi ca'li ga'me jiyaĝaua, ena'uaque qoyec'atetac, qama'le yenoĝonegue qaya'te gamachaqaega ja no'en ta'le 'yetec.

Nuevo Testamento Toba Sur

³⁵ Nachi so Jesús nlaxa so n'ec leguemaxaic, 'eeta': –¡'Au'enaxanai', nal'en qoca'ai ne'ena shiÿaxaua! Nachi se'eso n'ec leguemaxaic nachi huañi naq'en so shiÿaxaua, taqtoigui naq'en somayipi. Ime, nachi ca'ai so shiÿaxaua, sa ishit da huo'o ca 'en'ac.

La'aqtaqa Ñim Lo'onatac 'Enauacna 2013

³⁵ Nache So Jesús nlaxa so saqcha'a na'añaxac leguemaxaic, 'eeta': –¡'Aue'enaxaatai'! ¡Qoca'ai ne'ena ỹale! Nache se'eso saqcha'a na'añaxac leguemaxaic, huañi naqa'en so ỹale, taqtoigui naqa'en somayepi. Ime, nache ca'ai so ỹale, qalaxaye saishet da ỹañoxot da huo'o ca 'ena'ac.

Lucas 4:35 Referans Kwoze

Lucas 4:41

Nataq'aen uo'oe qayoĝode' gaa'me leuaĝayaqa jo'ne chiyaqauelo jogaa'me nepaqa'li, jo'ne 'yalaqate'tape: —¡Mach'e am Dios lec'oĝot! Qalaĝaja Jesús yicocha' jogaa'me nepaqa'li, nataq'aen ja yaje'tema ta'le doje'y, qa'a yateto'n queda'me nach'eñe Dios Liquiyac.

Lucas 4:39

Jesús yec'ate'uo, dajoyalegue jaga'me qama'le yicochaq ga'me lepi'yaĝac: qama'le uojotegue ga'me lepi'yaĝac. Qampaja'a qaale ñijeguem jaga'me qama'le yelo'ogueta.

Mateo 8:26

Joñe'me 'yategueta jogaa'me: —¿Toqoch'e at'oiyi? ¡Yataqachiñe jaleca da'me adepi'i! Yem da'me nenaĝategue da'me dojo', qama'le ñijeguem, yicochaĝaguet ga'me layat nataq'aen ga'me noĝop t'adaic, qama'le yema nedo'ta't da'me tochiñe.

Apocalipsis 12:12

Chane'eja ¡ami made'tape, yema da'me ami jo'ne oñe'tague di'me piyem! Qalaĝaja ami choĝodayaqolqa, ami jo'ne oñeta'ña jena'me aleua nach'e ena'ama ami jo'ne oñetañgui joga'me noĝop let'adaic, Qa'a ñe'me payac ami nenochi'ñalo. ¡Ami nautenalo, najaĝaye da'me lalemataic, Qa'a yayaten da'me male na'ta da'me loiquiaqa'!”

Lucas 11:22

Qalaĝaja qom ga'me jiyaĝaua laqaya napacalegue da'me 'lañaĝac novi' nataq'aen nomat ga'me, qama'le deuodaĝaneque gaa'me liuoĝonaqa'te jo'ne te'me p'iya'alo, nataq'aen yema ga'me jo'ne loĝot da'me doĝotaĝanec.

Lucas 9:42

Ca'li qoyedo't ga'me notolec, ga'me nepaqal jo'ne netaye yijaĝaguet jena'me aleua nataq'aen yecopichaqatet; qalaĝaja Jesús yicochaq ñe'me nepaqal jo'ne ja no'en, en yemegue ga'me notolec qama'le 'yiyelaĝatot ñe'me let'a.

Lucas 9:39

'uo ñe'me nepaqal jo'ne deuodaĝanec, qama'le ye'tem da'me 'nalaqatapejeguem nataq'aen nale novita qama'le yecopichaqatet nataq'aen ya'uo nale jaga'me 'lali jo'ne en na'ya na'me nedegaĝat. Ja no'en da'me 'yetec nataq'aen ja jetaque yaĝañi.

Lucas 8:24

Chane'eja gaa'me lapaĝaguenataqa ñe'me Jesús yec'adeta ca'li qaedi 'noqotoĝo'n, qama'le enapega't da'me yiyaĝadelegue: —¡Jaliaĝanec! ¡Qo'mi avichoĝode'n! ¡Yamta'le qo'mi domalidiñe! Jesús ñijeguem qama'le yicochaĝaguet ga'me layat nataq'aen gaa'me lepa' ga'me noĝop, qama'le 'nemaĝañe, yataqachiñe nedo'ta't da'me tochiñe.

Marcos 9:26

Ñe'me nepaqal jalcote da'me 'yalaqatet ñe'me notolec, nach'eda da'me yitaĝa yecopichaqatet joga'me. Yem qama'le yemta yenoĝonegue qama'le ca'e, yachetai'ndi ena'am da'me yataqachiñe joote yeleu, chane'eja ga'me jiyaĝadipi yepetedapega da'me yataqachiñe yeleu.

Marcos 1:26

Ñe'me payac lepaqal yiviloĝolaqatet ñe'me jiyaĝaua qama'le en qopete, nataq'aen 'yalaqatac jalcote ga'me 'nañaĝataĝaic q'aen; yem qama'le ca'e ñe'me jiyaĝaua.

Mateo 17:18

Chane'eja Jesús yecochaq ga'me payac qama'le en ca'e ga'me notolec, qanach'e ua'a ca'li male yemegue.

Marcos 4:39

Jesús ñijeguem ca'li qama'le yicochaĝaguet ga'me layat, nataq'aen yicochaq ga'me noĝop let'adaic, enaac: —¡At'emaĝañe! ¡At'emaqata! Qama'le ga'me layat 'nemaĝañe ca'li, yataqachiñe nedo'ta't da'me tochiñe.

Lucas 4:23

Jesús 'yategueta jogaa'me: —Ja joqoleguet da'me jayem auedoyilegue qomle da'me dojo' 'naqatac: «Am jo'ne auec'alaqataĝanac, mach'e anec'alaĝatela't», choqoda'me uoja'eda jayem aueñiyapega: «Da'me jo'ne jomachaĝa jo'ne aua'uo di'me Capernaúm caet laqaya, nach'e ena'am aua'uo jenjo' jo'ne mach'e at'achaqa'.»