Lucas 4:34 - Nuevo Testamento Toba Sombrero Negro

³⁴ —¡Jaa! ¿Toqoch'e qo'mi aualequete'n, am Jesús jo'ne at'achaqa' di'me Nazaret? ¿Qo'li auanaequena qaedi qo'mi auapalaĝa't? Am jateton: yataqachiñe jayaten da'me mach'e am Dios lec'oĝot jo'ne ja 'nalegue.

Nuevo Testamento Toba Sur

³⁴ –Qomi' 'auaqta'alo. ¿Tá'ainco' yi qomi' sa 'aualemaxa't, 'am Jesús Nazaret l'ec? ¿Peta'a qomi' 'auanaÿalo da qomi' 'anlaxajyiñi? Aÿim 'am sauatton, qataq saÿaten da nachi'am lalamaxat ñi Dios.

La'aqtaqa Ñim Lo'onatac 'Enauacna 2013

³⁴ –¡'Am Jesús Nazaret le'ec! ¿Negue't ca 'auauotaique da qomi' 'auo'oteque? ¿Qomi' 'auanaỹalo peta'a da qomi' 'aulaxachiguilo? Aỹem 'am sauatton. ¡'Am nache 'am Llalec Ñim Lo'onatac 'Enauacna!

Lucas 4:34 Referans Kwoze

Santiago 2:19

Am ¿qo'li auen eja da'me 'uo ñe'me onolec Qanedios? Qama'le qom naq'aeta onaĝaic da'me aua'uo; qalaĝaja nach'e ena'ama jogaa'me payagodipi yataqata yayate'n queda'me eja 'uo ñe'me Dios jo'ne onolec, qalaĝaja yiviloĝolaqate't q'ae'n da'me loqolanaqa'.

Marcos 1:24

—Jega: ¿toqoch'e qo'mi aueloiquiaĝa'n, am Jesús jo'ne at'achaqa' di'me Nazaret? ¿Qo'li auanaequena qaedi qo'mi auapalaĝa't? ¡Am jateton: yataqachiñe jayaten da'me am Dios Lec'oĝot jo'ne ja 'nalegue!

Mateo 8:29

Qama'le 'yalaqa'tape: —¡Ena'te qo'mi aualequete'n, am Dios Lec'oĝot! ¿Qo'li auanaequena qaedi aua'uo qadachoĝodec qom maliaĝa ja jovitaĝa ga'me qadaloqo'?

Hechos 3:14

Naqaeda toqo' da'me aviyaĝañe'uo da'me qoyejoye ñe'me jo'ne ja 'nalegue nataq'aen chimaqachiñe, qama'te aviyaĝañe'uo da'me qoyejoye ñe'me jo'ne lataĝanaĝaic.

Apocalipsis 3:7

“Nach'e ena'ama auediñe da'me dojo' 'yaqataĝanaĝac qama'le auamaĝa ñe'me lamaĝajec ga'me tamenaĝaiqui jo'ne na'ña di'me Filadelfia: «Da'me ami jo'ne oñiya'ña di'me Filadelfia, ami janema nayi jenjo' 'yaqatac, mach'e jayem jo'ne jayem ja 'nalegue, jayem yataqatelegue nataq'aen jayem ue'tajop da'me lañoqotaĝanaĝac ñe'me jaliaĝanec David, qama'le qom jen 'nouategue, qaya'te yaqanatet ta'le yapadiñgui, nach'e ena'am da'me qom japadiñgui, qaya'te yaqanatet ta'le 'youategue:

Lucas 4:41

Nataq'aen uo'oe qayoĝode' gaa'me leuaĝayaqa jo'ne chiyaqauelo jogaa'me nepaqa'li, jo'ne 'yalaqate'tape: —¡Mach'e am Dios lec'oĝot! Qalaĝaja Jesús yicocha' jogaa'me nepaqa'li, nataq'aen ja yaje'tema ta'le doje'y, qa'a yateto'n queda'me nach'eñe Dios Liquiyac.

Lucas 1:35

Ñe'me piyem le'ec 'yateguet: —Joñe'me Dios Lepaqal jo'ne ja 'nalegue am neda'ña qomle, nataq'aen ñe'me Dios jo'ne napacalegue ena'uac am yachalegue qomle da'me 'lañaĝac. Qo'che' ñe'me notolec jo'ne niyiñe qomle qoyiyaĝanaĝatapec ja 'nalegue, Lec'oĝot joñe'me Dios.

Apocalipsis 20:2

Jo'me piyem le'ec naviiñe ñe'me ñaĝadiaq polio', nach'eñe ñe'me nanaic jo'ne 'uaechiñe joca'li, joñe'me jo'ne lenaĝat qoyen da'me payac, nataq'aen da'me lenaĝat laqaya qoyen jo'ne Satanás, qama'le jo'me piyem le'ec yecoñe' joñe'me chayovida'a qom nalo'taguet mil na'me 'uoidi da'me en netaye lequet.

1 Juan 3:8

Qalaĝaja ga'me jo'ne quetalo'te jogaa'me loeco, nach'ega jo'ne chiyaqayi ñe'me payac, qa'a jalchi'ena ya'uo loec joñe'me payac joca'li gaa'me noloqo'ote jo'ne 'uaechidiñe. Qalaĝaja joote naequena joñe'me Dios Lec'oĝot qaedi yapalaĝa't ena'uaque jogaa'me 'lonataĝanaĝaco ñe'me payac.

Hebreos 2:14

Chane'eja queda'me yemeda gaa'me nec'oqo'te 'uo ga'me nejiyaĝauayaĝa'j, qama'le nach'e ena'am joñe'me Jesús da'me yaconeguet ca'li ga'me mach'e nejiyaĝauayaĝac, qaedi da'me leleuaĝa male en nomat ñe'me jo'ne 'uo da'me lañoqotaĝanaĝac da'me dalataĝan, nach'eñe ñe'me payac.

Hechos 16:39

Chane'eja eque' ca'li gaa'me c'atenaĝanaĝayaqa, qaedi nachoĝodenot ñe'me Pablo nataq'aen Silas, qama'le naqatedegue jogaa'me nataq'aen nachoĝodenoto qaedi queda'e ga'me noic.

Hechos 4:27

“Qa'a yataqata eja ñe'me Herodes choqoñe'me Poncio Pilato nataq'aen ga'me israelpi nataq'aen ga'me jiyaĝadipi jo'ne ja 'lachaqa'tena da'me yema nauteta ñe'me ja 'nalegue adalemaĝajet mach'e Jesús, nach'eñe jo'ne a'uatetelegue da'me auen Adiquiyac.

Hechos 2:27

Qa'a ja auaje'tem ta'le nale'en jouetaue jaga'me napa'l lae't, Uotaĝa ta'le auaje'tem da'me chayovida'a ja no'en da'me yapat, Jayem jo'ne adalemaĝajet 'me ja 'nalegue.

Lucas 8:37

Yema ga'me jiyaĝadipi jo'ne neda'ña di'me Gerasa nachoĝodetot joca'li joñe'me Jesús qaedi ca'e di'me aleua, qa'a jalcote da'me t'oidapega joñe'me. Chane'eja Jesús nañgui jaga'me licota da'me jetaque ec.

Lucas 8:28

Ca'li ga'me yauana ñe'me Jesús, qama'le yejoidiñe naa'me leliquetel da'me dajoya'aguet joñe'me, 'yalaqatac: —¡Ena'te jayem aualequeten, am Jesús jo'ne am Lec'oĝot joñe'me Dios jo'ne p'ajaye! ¡Am ñachoĝodenot qaedi ja jayem 'te auedaĝatelegue da'me yachoĝodec!

Marcos 5:7

Eetojo' da'me 'lalaĝac: —¡Ena'te jayem auelequeten, am Jesús, jo'ne am Lec'oĝot ñe'me Dios jo'ne p'ajaye! ¡Am ñachoĝodenot qaedi ja jayem 'te auedaĝatelegue da'me yachoĝodec!

Marcos 1:34

Jesús yemegue q'aen gaa'me yodapecache lapite'nadi joga'me jiyaĝadipi nataq'aen ga'me yodapecache payagodipi yamaĝadegue joca'li, qalaĝaja ja yaje'tem ta'le doje'y joga'me payagodipi, qa'a yateto'n joñe'me.

Lucas 4:33

Qamaliaĝa uetaue ga'me nemaĝaiqui da'me 'uo ñe'me jiyaĝaua jo'ne uetaye ga'me payac lepaqal jo'ne paĝachigui, jo'ne ja nalajaĝata't da'me 'nalaqaje'mec: