Lucas 4:16 - Nuevo Testamento Toba Sombrero Negro

¹⁶ Jesús yec'ata di'me Nazaret nach'edi noic jo'ne ua'a da'me 'yaĝaic. Nolo' jo'ne niyamaqatac qama'le yec'ata ga'me nemaĝaiqui, naq'aeta da'me mach'e naya'ac, qama'le nechachiñe qaedi dojelegue da'me Dios 'laqatac.

Nuevo Testamento Toba Sur

¹⁶ Nachi so Jesús nqo'ona yi Nazaret yim pueblo mayi maichi lañaxataqa'. Qaq co'ollaq ivideuga so na'a'q mataxaqui, nachi inoxoneu'a aso laponaxaqui na judiopi, cha'ayi nachi n'onataxac somayi. Ime, nachi nachajñi da itaxaÿaxan yi l'aqtac ñi Dios.

La'aqtaqa Ñim Lo'onatac 'Enauacna 2013

¹⁶ Ime, nache ỹe'eguelaxague da Nazaret yem ỹataqta lañaxataqa'. Qaq co'ollaq ivireuga so na'a'q mataxaqui, nache inoxoneua'a aso napaxaguenaxaqui na judiopi, cha'aye maiche lataxac Somaye. Qaq co'ollaq nachaañi da detaxaỹaxanataxan,

Lucas 4:16 Referans Kwoze

Hechos 17:2

Pablo, queda'me mach'e naya'ac, yec'ata ga'me nemaĝaiqui, qama'le yemeda gaa'me noloqo'ote niyamaqataqa, nalo'taguet tres gaa'me semanas da'me necotetapegue'to jogaa'me, yachiyoĝotetelo'te nale gaa'me nedii's.

Mateo 2:23

Ca'li yovi't, yec'ata di'me noicolec jo'ne Nazaret qaedi na'ña. Naq'aeta da'me dojo' 'uo ca'li qaedi yepaquichigui ga'me jo'ne joote 'yaĝatetedac ca'li gaa'me Dios 'laqataĝanaĝanaqa queda'me Jesús qoyiyaĝanaĝatapec Nazaret le'ec qomle.

Lucas 2:51

Chane'eja equeguelo jogaa'me da'me 'viyelaĝa di'me Nazaret, jo'ne mach'e 'lachaqa', nataq'aen naquetaje'mec da'me yoqo'chalo jogaa'me. Jañe'me lat'e yiyamaĝatoue na'me lauel ena'uaque naa'me naajo'.

Lucas 2:42

Chane'eja ca'li Jesús yauanalo gaa'me doce ne'uoidi, qama'le yitaĝa eque', naq'aeta ga'me naeda'ac nale yec'adeta ga'me nolo' jo'ne p'ajaye.

Juan 18:20

Jesús 'yateguet joñe'me: —Jayem joote jojapegue'to ena'uac joga'me aleua laje'pi ja joĝochiñe da'me 'yaqatac, qama'le nach'e eta't da'me japaĝaguenataĝanouelo jogaa'me ademaĝaiqui' nataq'aen ga'me tamenaĝaiqui let'adaic, di'me jo'ne ua'ña nale yema'a't ena'uaque joga'me judiopi. Chane'eja qaya'te 'yaqatac ta'le joĝochiñe.

Lucas 4:21

Qama'le joñe'me male yalemaĝalegue da'me lojaĝac, enaac: —Nayi jenjo' nolo' yataqachiñe yepaquichiguilo naajo' nedii's jo'ne yemta auomachiiyalo.

Lucas 2:39

Mane'e ca'li yema yoma't ga'me jo'ne damaĝajoĝolegue ñe'me Jaliaĝanec, qama'le 'viyelaĝadeta di'me Galilea, di'me mach'e layi jo'ne na'ña di'me Nazaret.

Lucas 4:15

nataq'aen dapaĝaguenataĝatapegouelo gaa'me nemaĝaiqui' nale ga'me noic jo'ne yec'ata, qama'le ena'uaque 'nonaĝachidegue joñe'me.

Lucas 4:17

Qoyanem jaga'me nede jo'ne ledii's di'me Dios 'laqataĝanaĝanec Isaías; ca'li 'youachigui, qama'le yelaque ga'me nedii's jo'ne eetojo':

Lucas 4:23

Jesús 'yategueta jogaa'me: —Ja joqoleguet da'me jayem auedoyilegue qomle da'me dojo' 'naqatac: «Am jo'ne auec'alaqataĝanac, mach'e anec'alaĝatela't», choqoda'me uoja'eda jayem aueñiyapega: «Da'me jo'ne jomachaĝa jo'ne aua'uo di'me Capernaúm caet laqaya, nach'e ena'am aua'uo jenjo' jo'ne mach'e at'achaqa'.»