Lucas 3:23 - Nuevo Testamento Toba Sombrero Negro

²³ Jesús yauanalo gaa'me treinta gaa'me ne'uoidi ca'li chiyoqochiñe da'me 'lonataĝanaĝac. Mach'e c'oĝot ñe'me José, naq'aeta da'me qoyepetapega. José chiyoĝoguet di'me Elí,

Nuevo Testamento Toba Sur

²³ Qaq so Jesús mashi ivi' na treinta vi'i co'ollaq cot da do'onataxan. Somayi qoÿiitega llalec so José, qaq so José nachi lta'a so Elí,

La'aqtaqa Ñim Lo'onatac 'Enauacna 2013

²³ So Jesús mashe ivi' soua treinta vi'iye da llaxa co'ollaq cot da do'onataxan. Qaq Somaye na shiỹaxauapi 'eetega llalec so José. Qaq 'ana ana lmalate som chegoxoguetpi Somaye: so José, nache lta'a so Elí,

Lucas 3:23 Referans Kwoze

Mateo 13:55

¿Jeele ja naqaena jena'me c'oĝot ñe'me 'yetac ga'me epaq, nataq'aen jeele ja María jañe'me lat'e? ¿Jeele ja naqaeñe Santiago lanoqolec, José, Simón nataq'aen Judas,

Hechos 1:1

Am yaqaya Teófilo, ga'me 'uaeñe ñejenaĝac jo'ne jediñe, ja'aĝatetac ca'li ena'uaque gaa'me 'lonataqa nataq'aen lapaĝaguenataĝanaĝaco ñe'me Jesús, chiyoqochiñe ca'li yemta da'me t'onataĝan

Juan 6:42

Qama'le ua'a ca'li enapega'ajalo: —¿Qo'li ja naqaeda da'me dojo' Jesús jo'ne lec'oĝot ñe'me José? Da'me qo'mi joote jatetonaq ñe'me let'a nataq'aen jañe'me lat'e, qama'te ¿teua'atoqo' enapela't chiyoĝogue di'me piyem?

Lucas 4:22

Qama'le ena'uaque yiyamaĝade'n ñe'me Jesús nataq'aen qoyoqoche'ema queda'me yataqachiñe onaĝayaqa daa'me 'laqataqa. Enapega't jogaa'me: —Qalaĝaja, ¡dojo' mach'e José c'oĝot!

Marcos 6:3

Qalaĝaja, ¡naqaeda da'me ye'tac jena'me epaq! Nataq'aen, ¡naqaeda da'me María lec'oĝot! ¡Naqaeda lanoqolqa ñaa'me Santiago, José, Judas nataq'aen Simón! ¡Mach'e qat'achaqadiaĝa'u gaa'me la'nolel! Qo'che' ja jetaque qonaquiaĝana joñe'me.

Mateo 4:17

Chane'eja chiyoqotelegue da'me Jesús t'aqataĝatapema ga'me jiyaĝadipi, enaac: “¡A'niyelaqaeyot joñe'me Dios jo'ne ne'tague di'me piyem, qa'a male qoyoqo'ta da'me laloqo' da'me nejaliaĝatelegue ena'uac!”

Mateo 1:16

Jacob mach'e c'oĝot di'me José jo'ne loua jadi'me María, mach'e lat'e ñe'me Jesús, jo'ne Dios Liquiyac.

Lucas 3:31

Eliaquim chiyoĝoguet di'me Meleá, jo'ne chiyoĝoguet di'me Mená, Mená chiyoĝoguet di'me Matatá, jo'ne chiyoĝoguet di'me Natán,

Mateo 1:6

qama'le Jesé mach'e c'oĝot di'me Jaliaĝanec David. David mach'e c'oĝot di'me Salomón jo'ne lat'e jadi'me loua ca'li di'me Urías.

Mateo 1:1

Janjo' nedaĝalate jo'ne lenaqa'te jogaa'me chiyoĝogueta ñe'me Jesucristo, qama'le nach'eñe chiyaqayilo dia'me David nataq'aen Abraham:

Lucas 2:48

Mane'e ca'li gaa'me let'al yauata, yataqachiñe jalcote da'me yoqochetem, qama'le jañe'me lat'e enaac: —Jesús, ¿toqoch'e qo'mi a'ueteque da'me dojo'? Na'me adet'a nataq'aen jayem 'uo da'me qadachitataic da'me am jeloqotaque.

Juan 1:45

Qama'le Felipe yauana ñe'me Natanael qama'le enaac: —Qo'mi joote jauanaĝa ñe'me jo'ne qo'yaĝatetac ca'li yediñe naa'me nedii's ñe'me Moisés nataq'aen gaa'me Dios 'laqataĝanaĝanaqa. Nach'eñe jo'ne Jesús, Nazaret le'ec 'me c'oĝot ñe'me José.