Lucas 3:11 - Nuevo Testamento Toba Sombrero Negro

¹¹ Juan 'yategueta jogaa'me: —Joñe'me jo'ne yauanalo dojolqa gaa'me nejomaĝaiqui', qama'le 'noota ta'le yiyota'a ga'me laqaya qaedi yanem ga'me jo'ne qaya'te nejomaĝaiqui; nataq'aen ñe'me jo'ne 'uo ga'me yalic, 'noota ta'le yachet ga'me jo'ne qaya'te yalic.

Nuevo Testamento Toba Sur

¹¹ Nachi so Juan 'enapeco': –Qomyi ca dos caua l-lomaxaqui', qalaq ÿanem ca 'oonolec cam qaica ca l-lomaxaqui, qataq cam huo'o ca aloq, qalaq ÿachit cam qaica ca aloq.

La'aqtaqa Ñim Lo'onatac 'Enauacna 2013

¹¹ Nache so Juan 'enapeco': –Qomye ca dos caua l-lomaxaqui', qalaq ỹanem ca 'oonolec cam qaica ca l-lomaxaqui, qataq cam huo'o ca aloq, qalaq ỹachet cam qaica ca aloq.

Lucas 3:11 Referans Kwoze

1 Juan 3:17

Qalaĝaja qom 'uo ga'me yauana leuoyaĝac jenjo' aleua, nataq'aen yauana ga'me laqayolec jo'ne 'uo da'me louenaĝanaĝac, qalaĝaja ja yichoĝoden joga'me, qama'le ¿teua'atoqo' netaye ga'me lauel joda'me Dios loqopich'i?

1 Timoteo 6:18

Nataq'aen a'uaĝatema qaedi yauote da'me 'noota, qa'a da'me onaĝayaqa 'lonataqa ena'am ta'le yataqata neuoyaĝaco. Nataq'aen 'noota ta'le ja jemataqayaqa, nataq'aen onaĝaicaloec.

Lucas 18:22

Ca'li domachiya dojo', Jesús 'yateguet: —Maliaĝa 'uo da'me ja aua'uo: auemen yema ga'me jo'ne adeuoyaĝac qama'le auanouelo jogaa'me choĝodayaqolqa. Nach'eda naq'aeta da'me male 'uo da'me adeuoyaĝac di'me piyem. Yem qama'le auanaequena, nataq'aen jayem oquegue.

1 Juan 4:20

Qom 'uo ga'me jo'ne enaac: “Joqopita joñe'me Dios”, qalaĝaja qom maliaĝa niquiya'a ga'me laqayolec, qama'le yataqata qovinaĝanaĝaic joga'me. Qa'a qom ja noqopita ga'me laqaya jo'ne yauana, qama'le ¡teua'atoqo' eetapela't noqopita joñe'me Dios jo'ne ja yauana!

Santiago 1:27

Da'me nepe'e jo'ne qaya'te lale'gue nataq'aen da'me ja paĝachigui jo'ne yec'atetac joñe'me Dios mach'e Qadet'a, nach'eda jo'ne chiyaqayi da'me lecochaĝac, lecochiyalo jogaa'me japelqo't choqogaa'me p'ail jo'ne uetedaue da'me lachoĝode'j, nataq'aen da'me ja yaje'tema ta'le en paĝachiguilo da'me ja no'en jo'ne ueta'ña jenjo' aleua.

Lucas 11:41

'Noota qom auañiyegue ga'me p'auo jo'ne chiyaqayi da'me adecachaĝaqui, qama'le naq'aeta da'me male yoqovichiguilo naa'me adai'lidi'.

Mateo 25:40

Qama'le ja'ategueta qomle, jenaac: «Eja ami ja'aĝatema queda'me yema gaa'me jo'ne a'vichiyeque naajo' yaqaya'olqa 'me 'najode' qama'le nach'ayem jo'ne jayem a'vichiyec da'me dojo'.»

Hebreos 6:10

Qa'a ñe'me Dios nach'eñe jo'ne ja 'nalegue, qama'le ja yapalaĝate'ta da'me at'onataqadi' choqoda'me adoqopich'ii jo'ne joote aualoĝoñiya joñe'me, da'me alecochiiyapegalo jogaa'me adayii jo'ne yataqatelo'te adepi'iyaĝa'u, nach'eda da'me jo'ne maliaĝa a'vichetac.

Hechos 10:31

Qama'le jayem t'aqataĝanem, enaac: «Cornelio, Dios naquiaĝatapegalo daa'me anetamenaĝaco joote ueteda'ajop ñe'me Dios, nataq'aen yauanalo gaa'me jo'ne auauo'oe da'me qaedi alecochiyalo gaa'me jo'ne 'uo da'me louenaĝanaĝa'j.

Hechos 10:4

Cornelio yelo'ta ñe'me piyem le'ec nataq'aen t'oiyapega, qama'le yena't: —¿Jach'ega, jaliaĝanec? Joñe'me piyem le'ec enaac: —Dios naquiaĝatapegalo daa'me anetamenaĝaco joote ueteda'ajop ñe'me Dios, nataq'aen yauanalo gaa'me jo'ne auauo'oe da'me qaedi alecochiyalo gaa'me jo'ne 'uo da'me louenaĝanaĝa'j.

Hechos 10:2

Nach'eñe ñe'me jiyaĝaua jo'ne choĝodenataĝanaĝaic joca'li, jo'ne nalo'ta'ajalo gaa'me mach'e 'lachaqadiaĝa'u da'me 'nonaĝachidegue joñe'me Dios. Nataq'aen jalcote jaga'me naicaua yanegue qaedi lecochaĝanaĝanegueta joga'me judiopi nataq'aen nach'e eta't netametapecot joñe'me Dios.

Juan 13:29

Joñe'me Judas nach'eñe yelapelegue joca'li joga'me noĝoiqui jo'ne uapiñgui jaga'me laicaua, qama'le uo'oe jogaa'me eetedapega Jesús yamaĝalegue ñe'me Judas qaedi neuoden qa'a 'uo joga'me qoyouetaque jena'me liqui'yaĝa'j. Gaa'me laqaya' 'uo da'me lelnataĝa'j da'me uotaĝa male jetaque 'uo joga'me qoyanema jogaa'me choĝodache.

Lucas 19:8

Chane'eja Zaqueo ñijeguem qama'le t'aqataĝanem ñe'me Jaliaĝanec: —Jaliaĝanec, nayi janema gaa'me choĝodayaqolqa ga'me laeñi yema ga'me jo'ne jauana; nataq'aen qom 'uo gamachaqaega jecachiyot qama'le cuatro ji'iyelaĝateguet da'me yitaĝa janem.

Efesios 4:28

Joga'me jo'ne cachaĝaic ca'li, 'noota qom yaĝañi da'me lecachaĝac. Nach'edata da'me t'onataĝan nayi qaedi 'uo ga'me chiyaqayi, qama'le yaqanatet da'me lecochiyalo gaa'me louenaĝanaĝaco.

1 Timoteo 6:17

Qama'le jogaa'me 'uo da'me leuoyaĝa'j jena'me jenjo' aleua, a'uaĝatema qaedi ja 'yoĝodenaĝayaqa nataq'aen ja e'n 'te p'ajodaye ga'me yauata, qa'a da'me neuoyaĝac qaya'te chiyaqayi, mac da'me 'noota ta'le yate'm da'me leuataqataĝanaĝa'j joñe'me Dios jo'ne naqaeñe nale chiyoqo'ot yema joga'me jouenaqatac, qama'le en jalcote nale, qaedi yataqata qo'mi made'tape.

Santiago 2:14

Ami yaqaya'olqa, qom 'uo ga'me jo'ne eetapela't 'uo da'me lepe'e, ¿jach'e ga'me yachiyoĝotayi qom ja yaloĝon ga'me jo'ne mach'e chiyaqayi 'me 'lonataĝanaĝac? ¿Qo'li yaqanatet da'me nec'alaĝategue da'me lepe'e?