Lucas 24:47 - Nuevo Testamento Toba Sombrero Negro

⁴⁷ Nataq'aen queda'me qo'yaĝatapema joñe'me ena'uaque naa'me noyaqapi qaedi 'ñemaĝadiñe, 'niyelaĝadetot joñe'me Dios, qaedi joñe'me yapalaĝa't daa'me loeco, qoyachiyoĝochichi'ña di'me Jerusalén.

Nuevo Testamento Toba Sur

⁴⁷ Nachi de'eda l'enaxat qai'axateec qome, qai'aqtaxanoigui na ÿotta'a't shiÿaxauapi, qaq qoÿinapega 'enauac namayipi da ca'aisalo naua n'onataxaco, yaqto' naua n'onataxaco ishit da qaÿapalaxa't, qaq qaÿachigoqchiguiña qome na Jerusalén.

La'aqtaqa Ñim Lo'onatac 'Enauacna 2013

⁴⁷ Nataqa'en iuen da qaỹa'aqtaxanem na ỹotta'a't shiỹaxauapi Aỹem, yaqto' 'enauac namayepi ỹe'egueloqot Ñim Lo'onatac 'Enauacna, qaq Ñimaye ỹapalaxat na lasouaxashetpi. Qaq chegoqchiguiña na Jerusalén,

Lucas 24:47 Referans Kwoze

Hechos 5:31

Dios yañijeguem qama'le yana'ña na'me yayaten, qama'le en najoĝola' nataq'aen nec'alaĝaiqui qaedi ga'me Israel c'oqo'tepi 'viyelaĝadeta ñe'me Dios qama'le yacoteguet da'me qoyapalaĝa't daa'me loeco.

Hechos 2:38

Pedro 'yategueta jogaa'me: —A'niyelaqaeyot joñe'me Dios, nataq'aen onolqa'tape ami auacoñiyeguet da'me nachilaĝanataĝanaĝac jo'ne en di'yoq da'me auep'iiya'a joñe'me Jesucristo, qaedi Dios yapalaĝa't jodaa'me adoecodi', qama'le nach'eda naq'aeta ami qoyanema joñe'me Dios Lepaqal jo'ne ja 'nalegue.

Hechos 20:21

Ga'me judiopi nataq'aen ga'me ja judiopi ja'aqataĝanema queda'me 'noota ta'le 'viyelaĝadetot joñe'me Dios nataq'aen 'noota ta'le p'iida'a ñe'me Qadejaliaĝanec Jesús.

Hechos 13:46

Qama'le Pablo nataq'aen Bernabé 'uo da'me 'lañaĝa'j da'me doje'tape, 'yategueta: —Qo'mi qoyanema da'me qa'nelopaguec qaedi ja'aĝataqatac da'me Dios lep'iquenataĝanaĝac a'uaviñe ami jo'ne judiopi. Qalaĝaja queda'me a'uoitapeguet, nataq'aen ja auacoñiyeguet da'me at'oyaĝaqui 'me ja 'naidena'a qomle, male jec'ataĝalo nayi gaa'me jo'ne ja judiopi.

Mateo 28:19

Chane'eja oquiyi nayi, auec'achiyalo ena'uaque ga'me jiyaĝadipi qama'le a'uaqataĝañema qaedi auauoyi' yapaĝaguenaqa. Anachilaĝañi' jogaa'me, da'me auachiyalo'te da'me lañoqotaĝanaĝac ñe'me Qadet'a choqoñe'me Lec'oĝot choqoñe'me Dios Lepaqal 'me ja 'nalegue,

Hechos 11:18

Ca'li domachita da'me dojo' jogaa'me laqaya'olqa jo'ne ueteda'a di'me Jerusalén, qama'le 'nemaĝadiñe nataq'aen 'nonaĝachidegue joñe'me Dios, enapega't: —¡Chane'eja nach'e ena'ama ga'me ja judiopi queda'me Dios ya'uo ledaqa't qaedi 'niyelaĝadetot joñe'me nataq'aen yaqanate't ta'le yacoteguet da'me 'loyaĝa'j jo'ne ja 'naidena'a!

Hechos 26:18

Am jamaĝalo jogaa'me qaedi a'uatedegue naa'me 'lae'te nataq'aen yaĝadegue ga'me 'lalaĝa, dite joga'me 'yoqochiñe; qaedi male ja quetegue ñe'me Satanás, dite joñe'me Dios; nataq'aen qaedi jayem p'iida'a qama'le qoyapalaĝa't jodaa'me loeco, nataq'aen qaedi qoyapetenegueta qomle ga'me Dios c'oqo'tepi.»

Mateo 3:2

Da'me liyaĝanaĝac 'me lepodaĝanaĝac enaac: “¡A'ñemaĝañiyi, a'niyelaqaeyot joñe'me Dios, qa'a male qoyoqo'ta da'me lejaliaĝa 'me chiyaqaje'ma di'me piyem!”

1 Juan 2:12

Ami yalaqapi, ami janema jenjo' 'yaqatac qa'a joote qoyapalaĝa't jodaa'me adoecodi', chiyoqotelegue da'me auacoñiyeguet joñe'me Jesús.

Colosenses 1:27

Nach'egaua jogaa'me jo'ne Dios jetaque yatetonaĝanaĝaneque joda'me p'ajaye lelnataĝac jo'ne jetaque ya'uo yemata'a't yema ga'me noyaqapi 'me uetedalegue jena'me aleua. Dojo' lelnataĝac jo'ne jetaque ya'uo nach'eda da'me lec'alaqataĝanaĝac ñe'me Cristo, joñe'me jo'ne ami uetauelo, nach'eñe jo'ne adeuataqataĝanaĝaqui 'me chiyaqayi da'me auacoñiyeguet qomle da'me mach'e at'onaĝaqui.

Hechos 10:43

Ena'uaque dia'me Dios 'laqataĝanaĝanaqa joote 'yaĝatetedac ca'li ñe'me Jesús, nataq'aen joote 'yaĝate'tape gaa'me jo'ne p'iida'a ñe'me Jesús queda'me joñe'me nach'eñe yapalaĝa't jodaa'me loeco.”

Hechos 4:12

Qaya'te laqaya jo'ne chiyaqayi da'me nec'alaĝa, qa'a yema jena'me aleua Dios ja qo'mi 'te yanema ga'me jiyaĝaua laqaya jo'ne jachiyojoĝotaĝaye da'me qadec'alegue.

Hechos 3:19

Chane'eja, a'niyelaqaeya ñe'me Qadejaliaĝanec Dios nataq'aen auep'iiya'a ñe'me, qaedi yapalaĝa't jodaa'me adoecodi',

Efesios 3:8

Da'me jayem, ena'am ta'le jayem jaqayi, ja jalo'ogueta gaa'me Dios lec'oqo'tepi laqaya', qalaĝaja Dios yataqata jayem nichoĝodichi'ña, qaedi male ja'aĝatema jena'me jenjo' 'laqatac jo'ne yataqata onaĝaic jogaa'me ja judiopi, ja'aĝa'tape yema jogaa'me Jesucristo lichoĝodenataĝanaĝaco jo'ne yataqata alidaq.

Efesios 1:6

Chane'eja 'noota qom yataqata 'ñonaĝataĝaye joñe'me jouaĝat jena'me jenjo' t'adaic 'lonaĝac, 'me chiyaqayi da'me onaĝaic loqopich'i jo'ne qo'mi yanema. Jayatenaq da'me yataqata eja da'me loqopich'i, qa'a joote qo'mi yanema joga'me qadec'alaĝac chiyaqayi joñe'me onolec lec'oĝot ca'li namaĝaquena.

Romanos 5:20

Da'me qoyapeteneuo da'me napaĝaguenataĝanaĝac qaedi yañodelo'te gaa'me loeco ga'me jiyaĝadipi; qalaĝaja ca'li ma'ejama'le nichidegue gaa'me noeco, qama'le ñe'me Dios yaloĝon da'me lichoĝodenataĝanaĝac.

Hechos 28:28

Chane'eja 'noota qom auayachiñe queda'me chiyoqotelegue nayi dojo' lec'alaqataĝanaĝac ñe'me Dios male qoyanema joga'me jo'ne ja judiopi, qama'le jogaa'me qamqa'me yataqata naquiaĝata qomle.

Hechos 26:20

dite da'me 'uaeñe janema dojo' 'naqataĝanaĝac jogaa'me ueteda'a di'me Damasco, yem qama'le Jerusalén nataq'aen yema di'me aleua jo'ne Judea, nach'e ena'ama joga'me jo'ne ja judiopi, ñepota'tape jogaa'me qaedi nejouoĝodiñe qama'le 'niyelaĝadetot joñe'me Dios, nataq'aen qaedi yauo'oe gaa'me 'lonataqa jo'ne yaloĝo'n chiyaqayi da'me yataqachiñe 'ñemaĝadiñe.

Lucas 13:34

“¡Ami Jerusalén laje', jo'ne aualachi' dia'me Dios 'laqataĝanaĝanaqa nataq'aen auajaĝayique ga'me qadipi dia'me aqataĝanaĝayaqa jo'ne Dios ami namaĝalo! ¡Nach'eda da'me jetaque ami jemata'a't, ena'am jaga'me olegaĝa yapetetapega't gaa'me c'oqo'tolqa yacho'oto ga'me laua, qalaĝaja ami ja a'uamaqachiñe!

Mateo 9:13

Jamoyi qama'le anapaĝagueñiya jo' da'me yelo'teguet jenjo' 'naqatac: «Nach'eda jepaquetapega ta'le ami choĝodenataĝanaĝayaqa, qama'le ja naqaeda ta'le auauoyi adajaqajequi 'me aviquiyoue nale.» Qa'a nach'eda da'me yajouaĝat da'me ñanaequena: ja jiyaĝanalo gaa'me chimadichidiñe, dite ga'me loeco lo'olpi.