Lucas 24:39 - Nuevo Testamento Toba Sombrero Negro

³⁹ Auec'achiñe' naa'me youa' nataq'aen naa'me yapia'te. ¡Naqayem! Jayem auepochi nataq'aen jayem auec'achiñe. Ga'me nepaqal qamqa'me qaya'te lapat uotaĝa ta'le uo'oe gaa'me p'inaqa; qalaĝaja, da'me jayem auec'achiñetac, yitaĝa jepaque'tegue da'me ñejiyaĝauayaĝac.

Nuevo Testamento Toba Sur

³⁹ Ña qaumijñi naua iua'q qataq naua ichil. Ñaq aÿim qaupochiu'a qataq aÿim qaumijñi, cha'ayi cam nqui'i qaica cam lapat qataq cam lpi'inec, qaq sa ishit da 'eetec nagui da aÿim qauloito'ot.

La'aqtaqa Ñim Lo'onatac 'Enauacna 2013

³⁹ Ña qaumichiñi' naua ihua'q qataq naua ichel. Qataq ñaq Aỹem qaupocheeua'a qataq Aỹem qauloitot, nache qauauattoñi da Nachaỹem ¡'Eesa da Aỹem! ¡Nachaỹem! Cam nqui'i qaica cam lapat qataq ca lpi'inec, qaq saishet da 'eetec nagui da Aỹem qauloito'ot.

Lucas 24:39 Referans Kwoze

Juan 20:27

Mane'e ca'li yem da'me nenaĝategue, qama'le enapega joñe'me Tomás, enaac: —Auec'ate'n naa'me youa' qama'le auejetoue jana'me adiaĝata jenjo' liiuo jo'me clavo, nataq'aen auejetoue na'me adouaq jenjo' yae, jo'ne liiuo jajo'me miyoĝo. Ena'te auoqoleguet, ¡dite da'me auep'iya'a!

1 Juan 1:1

Ami yaqaya'olqa, ami ja'aqataĝanaqatapema nayi queda'me jo'ne jalchi'ena 'uo joca'li, nach'eñe jo'ne joote jomachaĝa nataq'aen yataqachiñe jauanaĝa; nach'eñe jo'ne joote jec'atenaqatac choqoda'me joote jepotaqatac; nach'eñe 'naqataĝanaĝac jo'ne dechoqotaĝanec da'me 'noyaĝac jo'ne dalaĝaic.

Juan 20:20

Mane'e da'me yem da'me nenaĝategue, qama'le yaloĝonalo naa'me loua' nataq'aen ga'me lae. Qama'le yataqachiñe made'tapolqa jogaa'me napaĝaguenataqa queda'me yitaĝa yauata joñe'me Jaliaĝanec.

1 Ts 5:23

'Noota qom Dios male naqaeñe jo'ne chiyoqo'ot da'me 'nemaĝac, male yataqata ami 'yeteque da'me male jalcote da'me ja ami 'te 'nalo'te, nataq'aen yataqata netela yema da'me at'oyaĝaqui, uotaĝa na'me adepaqali jo'ne ami uetauelo, nataq'aen netela na'me adai'lidi', choqona'me adapa'chidi', qaedi male yataqata qaya'te ami netayelo jo'ne ja no'en, chayovida'a qom male 'niyelaq joñe'me Qadejaliaĝanec mach'e Jesucristo.

Hebreos 12:9

Joca'li cha'li qo'mi ñoqolqapi, qama'le gaa'me mach'e qadet'al jo'ne uetedalegue jenjo' aleua qo'mi yapaĝague'n, qama'le da'me qo'mi yataqata joqochaĝalo. Qama'le ¿teua'atoqo' ta'le ja jetaque joqochaĝa ñe'me Qadet'a jo'ne na'ague di'me piyem, qaedi jovidaqa'a da'me qadec'alaĝa?

Juan 20:25

Chane'eja jogaa'me napaĝaguenataqa laqaya' t'aqataĝatem joñe'me, enapega't: —¡Qo'mi joote jauanaĝa jo'me Qadejaliaĝanec! Qalaĝaja Tomás 'yategueta jogaa'me: —Qom ja jec'ate'n jogaa'me loua' qaedi jauanalo naa'me yedidiñe jo'ne liideuo gaa'me clavos, uotaĝa da'me ja jejetoue janjo' yiyaĝata ga'me liiuo jo'me clavo, nataq'aen da'me ja jejetoue na'me youaq ga'me lae, qama'le jayem ja jaqanatet ta'le jep'iya'a.

Hechos 1:3

Nach'egaua jo'ne yitaĝa dajoya'agueta ñe'me Jesús ca'li yoĝo'yi da'me leleuaĝa, nach'eda yataqachiñe en di'yoq jo'ne laloqotenaĝanaĝac queda'me maliaĝa nec'aletaye. Nalo'taguet cuarenta gaa'me noloqo'ote da'me cha'li yec'atetedac jogaa'me nataq'aen 'yaĝatetapema da'me lejaliaĝa joñe'me Dios.

Lucas 23:46

Jesús ya'uo 'lañaĝac ca'li niyaĝajeguem, enaac: ¡Taĝadena', am janem jena'me yepaqal! Ca'li nenaĝategue da'me dojo', qama'le yeleu.

Lucas 24:38

Qalaĝaja Jesús enaac: —¿Toqoch'e yataqachiñe at'oiyi? ¿Toqoch'e 'uo da'me adoqoleguetaĝanaĝaqui?

Lucas 24:40

Mane'e ca'li nenaĝategue da'me dojo', qama'le yaloĝonalo naa'me loua' nataq'aen gaa'me lapia'te.