Lucas 24:36 - Nuevo Testamento Toba Sombrero Negro

³⁶ Ca'li maliaĝa dajo'ta't dojetedapiye ga'me 'uo ca'li, ca'li Jesús uañe laeñi jogaa'me nataq'aen yep'iye'n, enaac: —¡'Nemaĝac ami uetauelo!

Nuevo Testamento Toba Sur

³⁶ Qaq ña qan'aqtaxaatapigui de'eda, co'ollaq so Jesús nachatchiguingui na laiñi somayipi. Nachi iquin, 'eeta': –Ÿataqta huo'o da qadlagaxayiqui qome.

La'aqtaqa Ñim Lo'onatac 'Enauacna 2013

³⁶ Qaq ña qana'aqtaxaatapigui de'era, co'ollaq So Jesús nachaxan nachatchiguingui na laiñi se'esoua lapaxaguenataqa. Nache iqui'n soomaye, 'eeta': –La', qauacoñiiguet da l-lagaxayec Ñim Lo'onatac 'Enauacna.

Lucas 24:36 Referans Kwoze

2 Ts 3:16

Ñe'me Qadejaliaĝanec nach'eñe jo'ne chiyaqayi da'me 'nemaĝac. Chane'eja 'noota qom ami yanema da'me mach'e at'emaĝaqui, yemeda naa'me noloqo'ote, nataq'aen nach'e eta't ami uetauelo.

Lucas 10:5

“Qom 'uo ga'me 'nachaqa' jo'ne ayoue, 'uaeñe da'me auep'iyeñi, aueñeetojo': «'Noota qom Dios 'lemaĝac ami uetauelo.»

Marcos 16:14

'Uo jo'me nolo' laqaya ca'li Jesús yitaĝa naloĝonegueta jogaa'me once 'me lapaĝaguenataqa, mane'e ca'li cha'li ñichidiñe dajotedalegue ga'me niqui'yaĝala'. Qama'le enapegalo jogaa'me queda'me qaya'te lepe'e' nataq'aen queda'me ja en 'te damichiguilo q'ae'n naa'me lai'li, da'me qaya'te 'lamaqatenataĝanaĝa'j jogaa'me jo'ne 'uaediñe yauata queda'me 'niyelaĝajeguem.

Apocalipsis 1:4

Jayem Juan ami jep'iye'n nayi, da'me ami Dios lec'oqo'tepi jo'ne oñiya'ña di'me aleua jo'ne Asia. Auacoñiyeguet nayi da'me nichoĝodenataĝanaĝac nataq'aen da'me 'nemaĝac jo'ne chiyoqo'ot joñe'me jo'ne jalchi'ena 'uo, nataq'aen nach'e eta't da'me qo'mi ue'tajopa, choqoñaa'me siete nepaqa'li ja 'nalo'te jo'ne dajoteda'aguet da'me lejaliaqa' joñe'me,

1 Corintios 15:5

Nach'e ena'am naloĝoneguet ca'li ñe'me Pedro, ua'edi naloĝonegueta gaa'me doce jo'ne mach'e lamaĝa's,

Juan 20:26

Qama'le joca'li yenoĝodegue jaa'me ocho noloqo'ote, jogaa'me napaĝaguenataqa yitaĝa nalo'ta't da'me yema'a'ajalo, netedaue ga'me emec, qama'le nach'e ena'am 'uo ñe'me Tomás. Yataqata napadichigui ga'me najom joca'li, qalaĝaja ñe'me Jesús yitaĝa yenoĝoneua'alo jogaa'me, qama'le yitaĝa yep'iye'n da'me uañe laeñi jogaa'me, enaac: —¡'Nemaĝac ami uetauelo!

Juan 16:33

Joote ami ja'aĝatema yema daa'me daajo' qaedi ami uetauelo da'me 'nemaĝac da'me adaloi'ta't queda'me jayem ovi'tajop. Ga'me aleua laje'pi ami yachalo'te qomle da'me adachoĝodequi, qalaĝaja 'noota qom a'nañaĝachi qa'a da'me jayem joote ñomat ñe'me jo'ne nejaliaĝatelo'te ga'me aleua laje'pi.

Juan 14:27

“Ami jepotajopa da'me 'nemaĝac. 'Yemaĝac ami janema nayi, qalaĝaja da'me dojo' jo'ne ja'uo nayi, ja ena'am da'me yauotedac nale jena'me aleua laje'pi. Ena'te lichiguilo naa'me adai'lidi', uotaĝa ta'le at'oyiyi.

Mateo 10:13

Qom gaa'me jiyaĝa'u 'me netedaue ga'me 'nachaqa' ami 'yamaqate'n, qama'le da'me 'nemaĝac jo'ne auepaquitapega male yepaquichigui. Qalaĝaja qom ja ami 'te 'yamaqate'n, qama'le auajelaĝañiyot ñe'me Dios qaedi ami 'niyelaĝadetot da'me 'nemaĝac.

Hechos 1:3

Nach'egaua jo'ne yitaĝa dajoya'agueta ñe'me Jesús ca'li yoĝo'yi da'me leleuaĝa, nach'eda yataqachiñe en di'yoq jo'ne laloqotenaĝanaĝac queda'me maliaĝa nec'aletaye. Nalo'taguet cuarenta gaa'me noloqo'ote da'me cha'li yec'atetedac jogaa'me nataq'aen 'yaĝatetapema da'me lejaliaĝa joñe'me Dios.

1 Corintios 15:7

qama'le ua'edi naloĝoneguet ñe'me Santiago, nataq'aen ena'uaque jogaa'me namaĝa's laqaya'.