Lucas 24:30 - Nuevo Testamento Toba Sombrero Negro

³⁰ Qama'le ca'li dajotedalegue ga'me niqui'yaĝala', Jesús yacona ga'me pan; ca'li joote yanem da'me lamaic ñe'me Dios, qama'le yecolaĝatapiye qaedi yanouelo gaa'me.

Nuevo Testamento Toba Sur

³⁰ Nachi co'ollaq mashi nso'oota'ai'salo soomayi da datatralec so nqui'axala', nachi somayi ÿacona aso pan da nqouagaxaueelec. Ime, nachi ÿanoiguilo soomayi.

La'aqtaqa Ñim Lo'onatac 'Enauacna 2013

³⁰ Nache co'ollaq mashe nso'ootrañi soomaye da datatralec so nquia'axala', nache So Jesús ỹacona aso nauole 'ayiiña da nqouagaxaueelec. Ime, nache ỹanoiguilo soomaye.

Lucas 24:30 Referans Kwoze

Mateo 14:19

Chane'eja yamaĝalegue ga'me jiyaĝadipi qaedi ñichidiñe, nedalegue ga'me lolelaĝai. Yem qama'le yaconalo ga'me cincole paan nataq'aen dojolqa niya' qama'le yajoĝolo'te da'me lajelaĝanaĝac nataq'aen yecolaĝatapiyelo gaa'me paan, yanouelo joga'me lapaĝaguenataqa qama'le jogaa'me yanouelo joga'me jiyaĝadipi.

Lucas 24:35

Qama'le jogaa'me dojolqa 'yaĝatetedac da'me yauata ca'li ga'me naq'aec, nataq'aen da'me eeta da'me male yateto'n ñe'me Jesús ca'li yecolaĝatapiye ga'me pan.

Lucas 9:16

Yem qama'le Jesús yaconalo gaa'me cincole paan nataq'aen dojolqa gaa'me niya', qama'le yeloje'mec di'me piyem, yajoĝolo'te da'me netamenaĝac jogaa'me, yecolaĝatapiyelo jogaa'me qama'le yanema jogaa'me lapaĝaguenataqa qaedi yanouelo ga'me jiyaĝadipi.

Mateo 15:36

yaconalo gaa'me siete paan nataq'aen jogaa'me niya', qama'le queda'me joote yanem da'me lamaic joñe'me Dios, yecolaĝatapiyelo qama'le yanema jogaa'me lapaĝaguenataqa, qanach'e gaa'me yanouelo joga'me jiyaĝadipi.

Hechos 27:35

Ca'li nenaĝategue da'me dojo', Pablo yacona ga'me pan, yanem da'me lamaic joñe'me Dios da'me dajo'tagueta jogaa'me. Yecolaĝatapiye qama'le yalic.

Juan 6:11

Jesús yaconalo jogaa'me paan, qama'le dajelaĝalo'te ñe'me Dios; qama'le yem da'me lajelaĝanaĝac qama'le yanouelo jogaa'me lapaĝaguenataqa qaedi jogaa'me yanema onolqa'tape jogaa'me jiyaĝa'u jo'ne ñichidiñe. Nach'e ena'am da'me yepagaqate'tegue da'me yema joga'me jiyaĝadipi yanema joga'me niyaq lapat lael, chayovida'a yono't ena'uac jogaa'me jiyaĝa'u da'me yache'tape.

Lucas 22:19

Yem qama'le yacona ga'me pan; ca'li joote yanem da'me lamaic ñe'me Dios, yecolaĝatapiye gaa'me qama'le yanouelo jogaa'me, enaac: —Jenjo' mach'e laloĝoiqui qoyen jena'me yapat, jo'ne qoyanoue da'me leleuaĝa qa'a jouaĝat ami. Auauoyi da'me dojo' qaedi nach'e eta't jayem auenachetapega.

Marcos 14:22

Mane'e ca'li cha'li deque'tape, qama'le Jesús yacona ga'me pan nataq'aen yanem da'me lamaic joñe'me Dios, yecolaĝatapiye qama'le yanouelo jogaa'me lapaĝaguenataqa, enaac: —Auacoñiya jenjo', jo'ne mach'e laloĝoiqui qoyen jena'me yapat.

Marcos 8:6

Chane'eja ñe'me Jesús yamaĝalo'te ga'me jiyaĝadipi da'me ñidiñe nedalegue jena'me aleua; yaconalo gaa'me sietole paan qama'le netamenot joñe'me Dios yanem da'me lamaic, yecolaĝatapiyelo gaa'me qama'le yanema jogaa'me lapaĝaguenataqa, qaedi yanema joga'me jiyaĝadipi, qama'le naq'aeta da'me yauote.

Marcos 6:41

Yem qama'le Jesús yaconalo gaa'me cincole paan, nataq'aen dojolqa gaa'me niya', qama'le yeloje'mec di'me piyem, yanem da'me lamaic ñe'me Dios, qama'le yecolaĝatapiyelo gaa'me paan qama'le yanema jogaa'me lapaĝaguenataqa qaedi yaneguelo ga'me jiyaĝadipi. Nataq'aen yecolaĝatapiyelo gaa'me dojolqa niya' qaedi qoyanouelo joga'me jiyaĝadipi.

Mateo 26:26

Ca'li cha'li deque'tape, qama'le Jesús yacona ga'me pan qama'le yanem da'me lamaic ñe'me Dios, yecolaĝatapiye qama'le yanouelo jogaa'me lapaĝaguenataqa, enaac: —Auacoñiya jenjo' nataq'aen aualiqui, jenjo' mach'e laloĝoiqui qoyen jena'me yapat.

Lucas 24:29

Qalaĝaja jogaa'me yepaquetedapega da'me ue'tedi, enapega't: —Qo'mi oue'tajopa, qa'a joote javit. Yamta'le pi'yaq. Chane'eja Jesús yenoĝoneuo, qaedi uetauelo jogaa'me.

Hechos 2:42

Nataq'aen yataqachiñe 'nañaĝatela'ajalo ca'li da'me yiyamaĝa't da'me lapaĝaguenataĝanaĝa'j jogaa'me Jesús lamaĝa's nataq'aen en lecochaĝanaĝa't ga'me yauata; nataq'aen yema'a't nale yauo'oe gaa'me netamenaĝaco, nataq'aen necolaĝachidiye ga'me pan.

Hechos 2:46

Yemeda gaa'me noloqo'ote yec'adeta ga'me tamenaĝaiqui let'adaic qaedi yema'a't, nataq'aen onolec ga'me 'nachaqa' ueda'a nale neuachidigui ga'me pan, 'uo da'me lamai'j nale dajotedaye ga'me yali'j nataq'aen ja diyachiyaqayaqa naa'me lai'li.