Lucas 23:5 - Nuevo Testamento Toba Sombrero Negro

⁵ Qalaĝaja jogaa'me ma'ejama'le yauote 'lañaĝa'j da'me yepataĝadelegue: —Chiyaqayi da'me lapaĝaguenataĝanaĝaco ja en 'te niyamaĝatapela'ajalo gaa'me noyaqolqa. Yachiyoĝota'ña di'me Galilea, qama'le nayi maliaĝa que'tot da'me dojo' jena'me jenjo' Jerusalén.

Nuevo Testamento Toba Sur

⁵ Qalaxayi somayipi ÿi'iguelaxalec da l'aqtac ÿataqta n'axannec, 'eeta': –Namayi ÿasouaxattega't na shiÿaxauapi mayi netaña yi Judea, souaxat da lapaxaguenataxanaxac. Chigoqchiguiña yi Galilea, qaq nagui qataq nvitta'a ne'ena souaqta'a.

La'aqtaqa Ñim Lo'onatac 'Enauacna 2013

⁵ Qalaxaye somayepi ỹe'eguelaxalec da la'aqtac ỹataqta na'axannec, 'eeta': –Namaye ỹasouaxattega't na shiỹaxauapi maye netaña na Judea, souaxat da lapaxaguenataxanaxac. Chegoqchiguiña ye 'alhua Galilea, qaq nagui qataq nvitta'a ne'ena souaqta'a.

Lucas 23:5 Referans Kwoze

Juan 2:11

Da'me dojo' 'nanec jo'ne ya'uo ca'li ñe'me Jesús da'me ue'ta di'me Caná, di'me aleua jo'ne Galilea, nach'eda da'me jo'ne 'uaechiñe yaloĝon ca'li male naloĝola't choqoda'me en di'yoq da'me 'lonaĝac, qama'le jogaa'me lapaĝaguenataqa male yataqachiñe p'iida'a joñe'me.

Juan 1:43

Jo'me nolo' laqaya, Jesús lelnataĝac da'me dajoyi di'me Galilea, qama'le yauana ñe'me Felipe qama'le enaac: —¡Jayem oquegue!

Marcos 1:14

Joca'li joote qoyanetaue jaga'me coñetaĝanaĝaiqui ñe'me Juan, qama'le ñe'me Jesús yec'ata di'me Galilea qaedi 'yaĝatetac joda'me onaĝaic 'naqataĝanaĝac jo'ne chiyaqayi ñe'me Dios.

Mateo 4:23

Qama'le Jesús yeuotapelegue yema di'me Galilea, da'me dapaĝaguenataĝanouelo nale gaa'me nemaĝaiqui'. Dapaĝaguenataĝatapec da'me onaĝaic 'naqataĝanaĝac jo'ne 'yaĝat da'me Dios lejaliaĝa, qama'le e'n yemedegue ena'uaque gaa'me lapite'nadi ga'me jiyaĝadipi nataq'aen gaa'me layaliaĝaco jo'ne yodapecache.

Hechos 23:10

Queda'me ma'ejama'le nichiquetaye ga'me ja niyamaĝa, ñe'me coicopi lejaliaĝanec t'oiyapega ta'le qonauecapiye ñe'me Pablo, qo'che' yiyaĝanalo gaa'me coico laje' qaedi en ca'ae jogaa'me, qama'le yitaĝa qoyauega ga'me coicopi 'lachaqa'.

Hechos 10:37

Ami yataqachiñe auayachiñe ga'me 'uo ca'li yema di'me aleua jo'ne judiopi 'lachaqa', choyoqochi'ña di'me Galilea ca'li joote yoĝo'yi da'me Juan 'yaĝatetac da'me youetaque da'me qonachilaĝan.

Hechos 7:57

Qalaĝaja jogaa'me yapadiñelo naa'me lequetela laco, nataq'aen 'yalaĝadelegue da'me yec'adeta ñe'me.

Hechos 7:54

Ca'li domachiyalo naa'me naajo', qama'le de'uoya'ape nataq'aen yejeda'ajalo naa'me lodaitel da'me yauaĝadelegue ñe'me Esteban.

Hechos 5:33

Ca'li domachita da'me dojo', qama'le dalemata'y nataq'aen jetaque yala't jogaa'me.

Juan 19:15

Qalaĝaja joga'me jiyaĝadipi yitaĝa nalaĝadijeguem, enapega'ajalo: —¡Aualachi! ¡¡Aualachi!! ¡¡Auep'eñiyajeguem!! Pilato yitaĝa denataĝan: —¿Qo'li naq'aeta da'me ami jetaque jep'enajeguem jenjo' adejaliaĝanequi? Qama'le jogaa'me lajoĝola'te jogaa'me tamenaĝaiqui lo'ol 'yadeteguet joñe'me: —¡Qo'mi qaya'te qadejaliaĝanec laqaya, nach'eñeta ñe'me César!

Juan 7:52

Qama'le jogaa'me male 'yadeteguet: —¿Qo'li nach'e ena'am da'me am Galilea le'ec? Anapaĝaguenalo jonaa'me nedii's qama'le auayaten da'me ja chiyaqa'ña di'me Galilea ga'me Dios 'laqataĝanaĝanec.

Juan 7:41

Nataq'aen uo'oe jogaa'me laqaya' jo'ne eetapega't: —¡Jenjo' jo'ne mach'e Dios Liquiyac! Qama'le nach'e ena'am jogaa'me laqaya' enapega't: —Jenjo' ja naqaena, qa'a ga'me jo'ne mach'e Dios Liquiyac ja chiyaqa'ña di'me Galilea.

Lucas 23:23

Qalaĝaja jogaa'me yepalatedapega, niyaĝatedapejeguem yepaquetedapega da'me qoyep'enajeguem; nataq'aen queda'me ja najataĝaic da'me liyaĝanaĝa'j qama'le yaqanate't ga'me yepaquetedapega.

Lucas 11:53

Ca'li Jesús yenoĝonegue ca'e ga'me ue'ta, qama'le joga'me judiopi napaĝaguenoqo'tpi choqoga'me fariseopi yataqachiñe jalcote da'me yeloiquiaĝatedac, nataq'aen yauo'oe qayoĝode' gaa'me lenataĝanaĝaco,

Mateo 27:24

Ca'li Pilato yauana queda'me qaya'te yaqanatet dite da'me nichiguegue da'me yalimaĝan, damaĝajoĝonaque ga'me noĝop qama'le yiyo'y naa'me loua' ca'li maliaĝa dajo'tagueta jogaa'me, enaac: —Ja naqayem ta'le janoue da'me leleuaĝa jenjo' jiyaĝaua; mach'e adoĝochi.

Mateo 2:1

Jesús niyi'ña di'me Belén, noicolec 'me na'ña di'me aleua jo'ne Judea, noloqo'ote ca'li Herodes yema nejaliaĝatelegue di'me aleua. Qanach'e ua'a ca'li uo'oe gaa'me yovideta di'me Jerusalén chiyoĝotegue ga'me nayapije'ma jañe'me ajeua jo'ne yatenaĝanaĝayaqa, da'me napaĝaguetapegalo joga'me uaqachiñipi,

Mateo 11:1

Ca'li yem da'me dojo' laqataĝac ñe'me Jesús jo'ne yanema jogaa'me doce 'me lapaĝaguenataqa, qama'le ca'e di'me ue'ta qaedi quetayilo ena'uaque jogaa'me noyaqa 'me neda'ña di'me dijo' aleua, da'me dapaĝaguenataĝatac nataq'aen 'yaĝatetapema da'me 'laqataĝanaĝac ñe'me Dios.

Lucas 23:6

Mane'e ca'li domachiya da'me dojo', Pilato denataĝan qom ñe'me jiyaĝaua chiyaqa'a di'me Galilea.