Lucas 22:69 - Nuevo Testamento Toba Sombrero Negro

⁶⁹ Qalaĝaja chiyoqotelegue nayi jayem jo'ne yataqachiñe Jiyaĝaua Lec'oĝot jona'ña qomle na'me yayaten ñe'me Dios jo'ne napacalegue ena'uac.

Nuevo Testamento Toba Sur

⁶⁹ Qalaxayi nagui na shiÿaxaua llalec sogote da nso'oota'ague da aloic ñi Dios mayi qaica ca ÿaqalanapec.

La'aqtaqa Ñim Lo'onatac 'Enauacna 2013

⁶⁹ Qalaxaye Aỹem Shiỹaxaua Llalec, mashe yaqta'a da ñeso'oota'ague da aloic Ñim Lo'onatac 'Enauacna maye qaica ca ỹaqalanapec.

Lucas 22:69 Referans Kwoze

Hebreos 1:3

Queda'me naqaeñe jo'ne laqaselegaĝac da'me 'lonaĝac joñe'me Dios, nataq'aen da'me 'loyaĝac joñe'me ena'am da'me 'loyaĝac joñe'me Dios. Qama'le naa'me 'laqataqa joñe'me C'oĝot 'uo da'me lañoqotaĝanaĝa'j qaedi nelaĝatetedañe ena'uaque naa'me naajo' jo'ne uo'oe. Chane'eja ca'li yomat da'me ena'am ta'le qo'mi yiyo'y qaedi qoyapalaĝa't naa'me mach'e qadoeco, qama'le neta'ña di'me yayaten joñe'me Dios, da'me male na'ague di'me piyem jo'ne lejaliaqa'.

Marcos 16:19

Mane'e ca'li yem da'me dojapegue'to, joñe'me Jaliaĝanec Jesús qoyen taje'ma di'me piyem qama'le na'ña di'me yayaten joñe'me Dios.

Marcos 14:62

Jesús 'yategueta jogaa'me: —Jaja'a, mach'e jayem. Nataq'aen jayem auañiya qomle da'me jayem jo'ne yataqachiñe Jiyaĝaua Lec'oĝot queda'me joneta'ña jena'me yayaten ñe'me jo'ne napacalegue ena'uac, nataq'aen qom ñovi' japetalo'te gaa'me piyem loje'.

Mateo 26:64

Jesús 'yateguet: —Naq'aeta da'me mach'e anenaĝategue. Nataq'aen nach'e ena'am ami ja'aĝatema queda'me jayem auañiya qomle jayem jo'ne yataqachiñe Jiyaĝaua Lec'oĝot da'me joneta'ña na'me yayaten ñe'me jo'ne napacalegue ena'uac, nataq'aen japetalo'te gaa'me piyem loje' qom 'ñiyelaq.

Mateo 22:44

«Ñe'me Jaliaĝanec dojapegue' ñe'me Yejaliaĝanec: Ona'ña jena'me jayaten, chayovida'a qom jacho'oto naa'me adapia'te ena'uaque joga'me adaute'upi.»

Apocalipsis 22:1

Qama'le joñe'me piyem le'ec jayem yaloĝona di'me ñache jo'ne chichiñe jena'me noĝop jo'ne le'ec. Qama'le da'me 'loyaĝac di'me ñache ena'am ta'le cristal, nataq'aen da'me chiyoqotelegue ñe'me lejaliaqa' joñe'me Dios choqoñe'me 'Naĝanaĝate Lec'oĝot.

Apocalipsis 3:21

Jogaa'me jo'ne yovidedeta da'me noma't joga'me ja no'en, nach'egaua jo'ne janema da'me jayem neteda'ñe' di'me yejaliaqa', da'me ena'am da'me jayem ca'li jomataĝan, qama'le joneta'ñe' ñe'me Taĝadena' di'me mach'e lejaliaqa'.

1 Pedro 3:22

Nach'eñe joñe'me Jesucristo joote yec'adije'ma di'me piyem qama'le nayi male neta'ña na'me yayaten joñe'me Dios, qama'le nejaliaĝatelo'te joga'me piyem laje'pi choqoga'me nepaqa'lpi laqaya' jo'ne te'me 'uo da'me lejaliaĝa'j nataq'aen da'me lañoqotaĝanaĝa'j.

Hebreos 12:2

'Noota qom nach'e eta't da'me jenataqatapega joñe'me Jesús, qa'a naqaeñe 'me chiyaqayi da'me qadepe'e, nataq'aen da'me yiyamaĝachiñe. Ñe'me Jesús yauana joca'li da'me 'uo qomle da'me lamaic let'adaic. Chane'eja napogaĝadeneguet joca'li jana'me sodoso, ja jetaque yoqochi'eguet da'me nepocoĝoc jo'ne chiyaqayi da'me neleuaĝa, qama'le da'me yem da'me jo'ne lachoĝodec qoyen, male na'ña ga'me yayaten ga'me lejaliaqa' joñe'me Dios.

Hebreos 8:1

Chane'eja da'me qat'aqatac jo'ne yaguegue da'me lajo'viyaĝac, nach'eda da'me dojo', eet'oi: yataqata 'uo ñe'me Qadetaĝayaĝanaĝanec jo'ne ne'tague di'me piyem nayi, da'me male na'ña da'me loec joga'me lejaliaĝaiqui joñe'me Dios.

Colosenses 3:1

Chane'eja, queda'me Cristo ami 'niyelaĝachidijeguem, 'noota qom aueloyapiye gaa'me jo'ne uo'oe 'me ueda'ague di'me piyem, 'me ne'tague ñe'me Cristo da'me ñichiñe, na'ña jena'me yayaten joñe'me Dios.

Romanos 8:34

¿Jach'e ga'me yaqanatet da'me yamaĝadoue da'me ne'uaĝanague'j jogaa'me? Cristo Jesús nach'eñe yeleu ca'li; maliaĝa uoja'eda nach'eñe 'niyelaĝajeguem ca'li qama'le neta'ña yayaten ñe'me Dios, qo'mi nachoĝodetapelo'te.

Lucas 22:68

Nataq'aen ta'le ja'uo ga'me yenataĝanaĝac jo'ne ami janema, ja jayem 'te a'uachiyeguet.