Lucas 22:66 - Nuevo Testamento Toba Sombrero Negro

⁶⁶ Mane'e ca'li nete', qama'le yema'a't ga'me 'yaĝaicachidipi, jogaa'me lejaliaĝanaqa ga'me tamenaĝaiqui lo'olpi nataq'aen ga'me judiopi napaĝaguenoqo'tpi, qama'le yaueta ñe'me Jesús ga'me ua'a da'me yema'a't gaa'me p'ajodaye, ua'a da'me qoyenatetalegue:

Nuevo Testamento Toba Sur

⁶⁶ Qaq co'ollaq mashi yi'oxoñi, nachi lapona't so lquedoxonecpi na judiopi qataq so lataxala'pi na ntaxaÿaxanaxanecpi qataq nam dapaxaguenataxaatapeguec na nqataxacpi. Nachi qaÿauegueu'a so nta'alpi mayi loicnatac na lataxacpi. Nachi qainattac, qoÿiita':

La'aqtaqa Ñim Lo'onatac 'Enauacna 2013

⁶⁶ Qaq co'ollaq mashe yo'oxoñi, nache lapona't so nqueroxonecpi maye lataxala' na judiopi qataq so lataxala'pi na ntaxaỹaxanaxanecpi qataq nam dapaxaguenataxaatapeguec na namaxasoxonaxacpi. Nache somayepi ỹauec So Jesús, ỹauegueua'a so nta'alpi maye loicnatac na lataxaguesat. Nache qainattac, qoỹeeta':

Lucas 22:66 Referans Kwoze

Marcos 15:1

Mane'e ca'li 'yoĝojañi, jogaa'me tamenaĝaiqui lo'olpi lejaliaĝanaqa, joga'me 'yaĝaicachidipi choqoga'me judiopi napaĝaguenoqo'tpi yema'a't, gaa'me jiyaĝa'u jo'ne yataqachiñe p'ajodaye. Qama'le qoyanetayelo ga'me lequet ñe'me Jesús da'me yaue'j, qaedi qoyajoĝona'aguet joñe'me Pilato.

Mateo 27:1

Ca'li yovida'aguet jo'me nete', ena'uaque jogaa'me jaliaĝanaqa joga'me tamenaĝaiqui lo'olpi choqoga'me 'yaĝaicachidipi 'me judiopi nayachidiñgui ga'me jetaque yauote qaedi yala't ñe'me Jesús.

Hechos 22:5

Ñe'me lejaliaĝane'j joga'me tamenaĝaiqui lo'olpi nataq'aen ena'uaque joga'me 'yaĝaicachidipi nach'egaua yechoĝo't da'me dojo'. Nach'egaua jayem yate'm jaga'me lediije' qaedi jec'atalo jogaa'me qadaqaya'olqa jo'ne Damasco laje', qama'le jajoyi da'me daja' da'me jecaa'tape joga'me p'etaqadaiquipi, qaedi ñauegalo jenjo' Jerusalén nataq'aen qaedi qoyalate'tape.

Mateo 5:22

Qalaĝaja ami ja'aĝatema queda'me gamachaqaega ga'me jo'ne dalemata'ya ga'me laqaya, male qoyamaĝaue da'me ne'uaĝanaguec. Nataq'aen ga'me jo'ne yejouen ga'me laqaya, qama'le qoyajoĝonegueta jogaa'me jiyaĝadipi nec'atenoqo't; nataq'aen ga'me jo'ne yachalo'te gaa'me 'laqataqa 'me ja 'noe'n ga'me laqaya, qama'le qoyen yepaquetapegue' da'me yec'ata ga'me dole' 'me 'lachaqa' da'me 'uaĝanaĝac.

Juan 18:28

Joñe'me Jesús male qoyauega ga'me 'lachaqa' ñe'me Caifás qama'le yauedeta ga'me 'lachaqa' ñe'me jaliaĝanec jo'ne Roma le'ec. Queda'me yamta'le nete', jogaa'me judiopi lajoĝola'te ja yenoĝodoue ga'me emec jo'ne lejaliaĝaiqui ñe'me Roma le'ec, queda'me t'oida'aguet da'me qom naq'aeta qama'le 'uo ga'me lepatenaĝanaĝa'j jo'ne e'n paĝachiguilo naa'me lai'li jogaa'me, da'me qom naq'aeta qama'le ja yaqanate't ta'le yali'j ga'me niqui'yaĝanataĝanaĝac ga'me nolo' jo'ne Pascua.