Lucas 22:36 - Nuevo Testamento Toba Sombrero Negro

³⁶ Qama'le eetojo' da'me 'laqatac yanema: —Qalaĝaja nayi, qom 'uo jaga'me anaicauai, 'noota qom auachiyitac, nach'e ena'am ga'me aneje'niye; nataq'aen qom ja auañiya ga'me adedaĝanaĝachi, 'noota qom auemeñi ga'me adapotoi qaedi oquiyot.

Nuevo Testamento Toba Sur

³⁶ Nachi 'enapeco': –Nagui qalaxayi ca huo'o ca lachoxonaxaqui, qaq no'on da ÿachi, nataq'en cam alom laÿi'. Qaq cam qaica ca lailonec, qaq no'on da imen ca lapo', ime, qaq deshijnaxanaique camayi.

La'aqtaqa Ñim Lo'onatac 'Enauacna 2013

³⁶ Nache 'enapeco': –Nagui qalaxaye ca huo'o ca lachoxonaxaqui, qaq no'on da ỹache, nataqa'en cam alom laỹe'. Qaq cam qaica ca lainec, qaq no'on da imen ca lapo', ime, qaq desheenaxanaique camaye.

Lucas 22:36 Referans Kwoze

1 Ts 3:4

Nach'e ena'am ca'li cha'li ami jouaqatauelo, joote ami ja'aĝatapema queda'me gamachaqaega nolo' male jaĝaue ga'me qadachoĝodec, qama'le nayi naqaena male 'uo, qalaĝaja joote auayachiñe.

Juan 16:33

Joote ami ja'aĝatema yema daa'me daajo' qaedi ami uetauelo da'me 'nemaĝac da'me adaloi'ta't queda'me jayem ovi'tajop. Ga'me aleua laje'pi ami yachalo'te qomle da'me adachoĝodequi, qalaĝaja 'noota qom a'nañaĝachi qa'a da'me jayem joote ñomat ñe'me jo'ne nejaliaĝatelo'te ga'me aleua laje'pi.

1 Pedro 4:1

Chane'eja joñe'me Cristo 'uo ca'li da'me lachoĝodec qoyen da'me nejiyaĝauayaĝac, qama'le da'me ami 'noota qom nach'e ena'am oqui'tegue da'me jo'ne ami qoyamaĝalo'te. Qa'a joga'me jo'ne neualaĝae'ye' da'me qoyen lachoĝodec da'me nejiyaĝauayaĝac, nach'ega male ja en 'te lajo'vi naa'me loeco,

Juan 15:20

Anetoviñetac da'me jo'ne joote ami ja'aĝatema: «Qaya'te namaĝajec ta'le napacalegue joga'me lejaliaĝanec.» Qom naqayem da'me 'uo da'me ñecanaguec, qama'le nach'e ena'am ami 'uo da'me anecanaguequi, nataq'aen qom qoyoqocha'alo naa'me 'yaqataqa qama'le nach'e ena'am qoyoqocha'alo naa'me mach'e at'aqataqadi'.

Mateo 10:10

uotaĝa auauoyi aneje'niye queda'me aueuoitac. Ena'te auachiyi ga'me anejomaĝaiquii laqaya uotaĝa gaa'me adapela'chidi' uotaĝa ga'me adaje'li, qa'a ñe'me onataĝanaĝaic chimaqachiñe ta'le qoyanem ga'me yalic.

Lucas 22:35

Yem qama'le Jesús yachimaĝatalo jogaa'me: —Ca'li ami jamaĝalo'te da'me adeuoĝoqui, qaga'te anaicauai, uotaĝa ta'le auachiyi ga'me aualiqui, uotaĝa ga'me adapela'chidi', ¿qo'li 'uo jogamaĝa auoviñetaque joca'li? Jogaa'me 'yadeteguet: —Aja'y.

Lucas 22:37

Qa'a ami ja'aĝatema queda'me yepaque'tegue yema ga'me jo'ne mach'e jayem 'yaĝatetedac daajo' nedii's jo'ne enaac: «Qama'le qoyapetenegueta joga'me qaleuaĝaiquipi.» Qa'a yauaqa'a nayi da'me yoiquiaqa'yaĝac 'me yeleuaĝa.

Lucas 22:38

Jogaa'me enapega't: —Jaliaĝanec, naajo' jauanaĝalo dojolqa daĝanaqa'te. Joñe'me 'yateguet: —¡Yaĝa, male da'me qadojaĝac!