Lucas 22:22 - Nuevo Testamento Toba Sombrero Negro

²² Qa'a jayem jo'ne Jiyaĝaua Lec'oĝot jeguelegue da'me jo'ne joote qo'yaeñi yadic, qalaĝaja ¡degueja qomle da'me lachoĝodec ñe'me jo'ne jayem p'alegue!

Nuevo Testamento Toba Sur

²² Qalaxayi ne'ena shiÿaxaua llalec, namayi quetelec dam lliquiaxac mayi sogote da qoÿiitañi, qalaxayi ¡choxodaxaso' ñaqshin ñim shiÿaxaua mayi ÿauotaique da ÿaneuo namayi!

La'aqtaqa Ñim Lo'onatac 'Enauacna 2013

²² Qalaxaye ne'ena Shiỹaxaua Llalec, namaye quetelec dam llecỹaxac maye sogote da qoỹettañi, ¡qalaxaye ñim ỹale maye Ayem ỹaneuo ỹataqta qauem qome ca taỹa'aguet!

Lucas 22:22 Referans Kwoze

Hechos 2:23

Qama'le Jesús, jo'ne qoyaneuo ca'li queda'me nach'eda joote yaqataĝañi ñe'me Dios jo'ne ya'uo da'me 'lonataĝanaĝac, ami aualachi, auep'eñiyajeguem auaviquelo'te gaa'me jiyaĝa'u jo'ne ja 'noe'n.

Lucas 24:46

qama'le yanema da'me 'laqatac: —Joote qoyediñe ca'li ñe'me Dios Liquiyac qoyen ladiquiyaĝac da'me qoyalat nataq'aen yenoĝodegue tres noloqo'ote qama'le 'niyelaĝajeguem.

2 Pedro 2:3

Yajouaĝat da'me lamai'j jaga'me laicaua, ami yapaĝagueneque da'me jo'ne ja ejoda qaedi yañoĝo't da'me naqa't jana'me anaicauai. Qalaĝaja jogaa'me ja yaĝa'n da'me ne'uaĝanague'j jo'ne male dajo'talo jogaa'me, qa'a jalchi'ena joca'li da'me joote qoyaqataĝañi.

1 Pedro 1:11

Joñe'me Lepaqal ñe'me Cristo ye'uauaĝanouelo da'me yayatenaĝanaĝaneque jogaa'me Dios 'laqataĝanaĝanaqa da'me eeta da'me lachoĝodec ñe'me Cristo nataq'aen da'me 'lonaĝac jo'ne p'ategue. Qama'le jogaa'me jetaque da'me yejomedalegue jach'e jogamaĝa gaa'me noloqo'ote nataq'aen ga'me jo'ne ua'a ga'me en laloqo' joñe'me Dios Lepaqal jo'ne uetauelo jogaa'me.

Juan 17:12

Da'me jayem ca'li cha'li jouetauelo jogaa'me, qama'le je'euoĝonot da'me adañoqotaĝanaĝac jo'ne jayem auanem, qaedi yataqata jetelalo jogaa'me. Qama'le qaya'te ta'le yejomac, dite jo'me jo'ne jalchi'ena taya'a da'me yejomac, qaedi yepaquichigui da'me 'yaĝatetac naa'me nedii's.

Marcos 14:21

Jayem jo'ne yataqachiñe Jiyaĝaua Lec'oĝot jeguelegue da'me jo'ne joote qoyediñe jo'ne jayem 'yaĝate'taguet; qalaĝaja, ¡degueja qomle ga'me lachoĝodec ñe'me jo'ne jayem p'alegue! ¡Naitoqo' ja niyiñe joca'li joñe'me!

Mateo 26:24

Jayem jo'ne yataqachiñe Jiyaĝaua Lec'oĝot jequegue da'me jo'ne joote qoyediñe jo'ne jayem 'yaĝate'taguet. Qalaĝaja, ¡degueja qomle ga'me lachoĝodec ñe'me jo'ne jayem p'alegue! ¡Naitoqo' ja niyiñe joca'li joñe'me!

Mateo 27:5

Chane'eja Judas yajaĝadoue ga'me tamenaĝaiqui gaa'me laicaual, yem qama'le ec nataq'aen necoñedela't da'me nalatela't.

Lucas 22:23

Chane'eja ja nayaloĝode'n da'me paja'a onolqa'tape nenada't jach'e jogamaĝa naqaega 'uo ga'me 'yetec.

Hechos 10:42

Nataq'aen ñe'me qo'mi yamaĝalo'te da'me qaedi ja'aqataĝanaĝama gaa'me noyaqa da'me Dios nach'eñe en nec'atenoqo't ga'me nec'aletedaye nataq'aen ga'me napa'l.

Hechos 17:31

Qa'a Dios 'uo qomle ga'me nolo' jo'ne yelotelegue da'me ya'uo da'me chimaqachiñe nemitaguec yema jena'me aleua, yachiyoĝotetelegue ñe'me onolec jiyaĝaua jo'ne 'yatetelegue joñe'me; nach'eñe yaloĝonalo ena'uaque jogaa'me da'me 'niyelaĝachijeguem yachiyoĝotauelo joga'me napa'lpi.”