Lucas 22:20 - Nuevo Testamento Toba Sombrero Negro

²⁰ Ca'li yem da'me niqui'yaĝac, qama'le yaloqochichigui ga'me 'uaeñe da'me yacona jaga'me yomaĝaiqui, enaac: —Janjo' mach'e laloĝoiqui qoyen jana'me yetauo', nach'aga naliñi qoyen qomle qaedi ami lecochiyalo, da'me jo'ne Dios ami ye'tema qaedi male aniyamaĝadeñiyeguet joñe'me.

Nuevo Testamento Toba Sur

²⁰ Qaq nachi i'enaxatteguet nataq'en aso ÿomaxaqui co'ollaq mashi ime da nqui'axac, nachi 'eeta': –Ana'ana ÿomaxaqui nachana ana naigui da dalaxaic aÿamaxataxac mayi ÿataqta 'itchiyiñi naq'en naua itago'q mayi qaicoldeec da qaitaunec da qoñiita.

La'aqtaqa Ñim Lo'onatac 'Enauacna 2013

²⁰ Qaq nache ỹe'enaxatteguet nataqa'en aso ỹomaxaqui maye nlaqchigui na lataxa co'ollaq mashe ime da nquia'axac, nache 'eeta': –Ne'ena lataxa nachenaua naua itago'q maye huecolde'c, souaxat da qoñiita. Qataq naamaye nachenaua naua chegoqchiguilo da Ñim Lo'onatac 'Enauacna qami' naỹamaxatto.

Lucas 22:20 Referans Kwoze

1 Corintios 11:25

Mane'e ca'li joote yali'j ga'me pan, nach'e ena'am yacona jaga'me yomaĝaiqui qama'le enaac: “Janjo' yomaĝaiqui laloĝoqui qoyen jana'me yetauo' jo'ne naliñi qoyen qaedi Dios yadalaĝat da'me 'yamaĝataĝac jo'ne ami yanema. Nale aniyomiyigui janjo' yomaĝaiqui, auauoyi da'me dojo' qaedi nach'e eta't da'me jayem auenachitapega.”

Mateo 26:28

qa'a janjo' mach'e laloĝoiqui qoyen jana'me yetauo', nach'ana jo'ne 'nanec queda'me Dios ami ye'tema qaedi male aniyamaĝadeñiyeguet joñe'me. Mach'e yetauo' jo'ne naliñi qomle, nala'alo joga'me jiyaĝadipi jo'ne jalcote, qaedi yiyamaĝatem qomle queda'me male qoyapalaĝa't joda'me loeco.

Hebreos 13:20

Joñe'me Dios jo'ne qo'mi yanema da'me 'nemaĝac, qa'a nach'eñe 'me 'niyelaĝachijeguem ñe'me Jesús da'me en chiyaqauelo dia'me napa'lpi, joñe'me Jesús jo'ne 'naĝanaĝate 'nouatoqo't 'me p'ajaye, ñe'me mach'e Qadejaliaĝanec jo'ne joote yomat da'me niyamaqataĝanaĝac jo'ne qaya'te loiquiaqa', yajouaĝat da'me qoyen naliñi jaga'me letauo'.

Hebreos 12:24

Nataq'aen auec'achiya joñe'me Jesús, nach'eñe jo'ne joote yomat da'me dalaĝaic 'namaqatenataĝanaĝac, qama'le nach'e ena'am jaga'me letauo' jo'ne naliñi joca'li qaedi en qo'mi yoqovite' q'ae'n, jaga'me jo'ne nach'e ena'am da'me qo'mi 'yaĝatema da'me onaĝaic, jo'ne ja ena'am jaga'me letauo' ñe'me Abel.

Hebreos 9:17

Qa'a joga'me qoyedelegue jaga'me nede, ja yaqanatet ta'le yepaquichigui qom maliaĝa nec'aletaye ga'me jo'ne ye'et, dite da'me qom joote yeleu.

2 Corintios 3:6

Nayi Dios qo'mi yaqataĝata'ajalo da'me yiyamaĝateta'ajalo qaedi jaqanatetaq ta'le ja'aĝataqatac da'me dalaĝaic yamaĝataĝac jo'ne qo'mi yanema joñe'me. Dojo' dalaĝaic yamaĝataĝac ja chiyaqayilo gaa'me namaĝajoĝonaĝaco, dite ñe'me Lepaqal joñe'me Dios. Qa'a da'me namaĝajoĝonaĝaco yepoleguelegue da'me leleuaĝa ga'me jiyaĝaua loeco lo'o, qalaĝaja ñe'me Lepaqal ñe'me Dios qamqa'me yanegue da'me 'noyaĝac.

Hebreos 9:15

Chane'eja ca'li yeleu joñe'me Jesucristo, male yiyamaĝatetac da'me 'namaqatenataĝanaĝac jo'ne dalaĝaic. Qa'a chiyaqayi da'me leleuaĝa joñe'me, male qoyapalaĝa't jogaa'me loeco joga'me jiyaĝadipi, jogaa'me lejamaĝataĝaco jo'ne e'n 'naĝa't da'me 'namaqatenataĝanaĝac jo'ne 'uaechiñe. Chane'eja nach'egaua ga'me jiyaĝadipi jo'ne joote qoyiyaĝanalo, male yaqanate't ta'le yacoteguet da'me 'noota jo'ne qaya'te loiquiaqa', da'me jo'ne joote qo'yaĝatema joca'li.

Marcos 14:24

Nataq'aen eetojo': —Janjo' mach'e laloĝoiqui qoyen jana'me yetauo', nach'ana jo'ne 'nanec queda'me Dios ami ye'tema qaedi male aniyamaĝadeñiyeguet joñe'me; mach'e yetauo' jo'ne naliñi qomle, nala'alo joga'me jiyaĝadipi jo'ne jalcote, qaedi yiyamaĝatem.