Lucas 21:36 - Nuevo Testamento Toba Sombrero Negro

³⁶ 'Noota qom a'vicheta't nataq'aen anetameñetac yemeda naa'me noloqo'ote, qaedi maqachaĝa ami yaĝa'n ena'uaque naa'me naajo' uo'oe qomle nataq'aen qaedi auaqanachichi ta'le auec'aeche'uo qama'le auajoyiya'aguet ñe'me Jiyaĝaua Lec'oĝot.”

Nuevo Testamento Toba Sur

³⁶ Qaq qami' ÿataqta qanaÿamaxachiitai' qome qataq qoquiitot qome naua na'axa'te da qanqouagaxauñiitac, yaqto' ishit da qami' ÿi't, qom ivita da yi'oq 'enauac namaxa, qataq yaqto' ishit da qanachaachiu'a qom nvi' na shiÿaxaua llalec.

La'aqtaqa Ñim Lo'onatac 'Enauacna 2013

³⁶ Qaq qami' ỹataqta qanaỹamaxacheetai' qome qataq qoquiito'oto naua na'axa'te da qanqouagaxauñiitac, yaqto' ishet da qami' ỹe't, qom ivita da yo'oq 'enauac ne'enapi, qataq yaqto' ishet da qanachaxañeeua'a qom nvi' na Shiỹaxaua Llalec.

Lucas 21:36 Referans Kwoze

1 Juan 2:28

Nayi, ami yalaqapi, 'noota qom nach'e aueñeta't auoqochi'taguet joñe'me Cristo, qaedi yataqachiñe 'uo da'me qadepe'e qom'che di'yo'quena joñe'me, nataq'aen qaedi qo'mi ja qadepocoq qom jajoyaqa'aguet joñe'me da'me lovidaĝac.

1 Pedro 5:8

Ena'te a'uochiitac, dite da'me a'nañaĝachela't, qa'a ñe'me adauteuai jo'ne payac ena'am ga'me jauaĝaic da'me 'loĝoyaĝac qama'le nomitetaque ga'me jetaque nolaĝachiñe.

Mateo 25:13

“Chane'eja 'noota qom a'vicheta't, qa'a ja auayachiñe ga'me nolo' uotaĝa ga'me laloqo' da'me yitaĝa 'ñiyelaq.

Mateo 24:42

“Chane'eja, 'noota qom aneloyitaye, qa'a ja auayachiñe ga'me nolo' qom ñovi', da'me jayem jo'ne jayem Adejaliaĝanequi.

1 Pedro 4:7

Male qoyoqo'ta ga'me loiquiaqa't ena'uaque jogaa'me uo'oe. Chane'eja da'me ami 'noota qom aneloyitaye nataq'aen da'me ena'te aualajaĝañita da'me anetamenaĝaqui.

1 Corintios 16:13

Jalcote 'noota ta'le a'vicheta't nataq'aen a'nañaĝachiyec da'me oquiyegue da'me napaĝaguenataĝanaĝac jo'ne chiyaqayi ñe'me Dios, nataq'aen ami 'uañaĝayaqa nataq'aen nach'e aueñeta't.

Lucas 18:1

Jesús 'yaĝatema dojo' laloqotenaĝanaĝaiqui qaedi yapaĝagueneque queda'me nach'e eta't ja yaĝadiñi da'me netamenaĝaco.

Marcos 13:33

Chane'eja ¡achiya'aguet! Aneloyitaye nataq'aen a'vicheta't, qa'a ja auayachiñe qom novi' ga'me nolo' jo'ne laloqo'.

Judas 1:24

Ñe'me Qadet'a Dios 'uo da'me lañoqotaĝanaĝac qaedi ami netela'aque da'me ta'le auachiyaqaijeguem, qama'le ami nechalataĝadoue queda'me qaya'te adejamaĝataĝaqui nataq'aen ami jaqachiguilo joda'me adamaiqui qom auajoiya'aguet da'me 'lonaĝac joñe'me.

Mateo 26:41

A'nañaĝachi qaedi aneloyitaye nataq'aen anetameñi, qaedi ja ami 'te noma't da'me anapiyenaguequi. Naa'me adai'lidi' 'uo da'me 'lañaĝa'j qalaĝaja choĝolaĝaic da'me anejiyaĝauayaĝaqui.

1 Ts 5:17

Nach'e aueñeta't da'me jalcote da'me auauoyi da'me anetamenaĝaqui.

Marcos 13:37

Da'me 'yaqatac jo'ne ami janema, nach'e ena'am janema yema ga'me jiyaĝadipi: ¡A'nañaĝachela't: aneloyitaye!”

2 Timoteo 4:5

Qalaĝaja da'me am Timoteo, yataqata adetela da'me at'onataĝanaĝac, a'nañaĝateta jogaa'me adachoĝodeco, mac joda'me nach'e eta't auapaĝaguenataĝatac jena'me jenjo' 'noota, yataqata aviyamaĝatetac da'me qoyen at'onatac.

Colosenses 4:2

Qom auanaiya'ac da'me anetamenaĝaqui qama'le a'nañaĝachela't, nach'e eta't a'vicheta't nataq'aen auañem da'me adamaiqui joñe'me Dios.

Hechos 10:2

Nach'eñe ñe'me jiyaĝaua jo'ne choĝodenataĝanaĝaic joca'li, jo'ne nalo'ta'ajalo gaa'me mach'e 'lachaqadiaĝa'u da'me 'nonaĝachidegue joñe'me Dios. Nataq'aen jalcote jaga'me naicaua yanegue qaedi lecochaĝanaĝanegueta joga'me judiopi nataq'aen nach'e eta't netametapecot joñe'me Dios.

Lucas 20:35

qalaĝaja jogaa'me jo'ne Dios yayate'n da'me naloteda'aguet da'me qoyiyala'aque qomle da'me 'niyelaĝadijeguem qaedi yacoteguet da'me 'loyaĝa'j jo'ne ja 'naidena'a, naqaegaua male ja yitaĝa 'uona't,

Mateo 8:20

Jesús 'yateguet: —Ga'me uaĝayaĝa uo'oe naa'me lauaco, nataq'aen na'me mayodipi uo'oe naa'me pataque'te. Qalaĝaja mach'e jayem Jiyaĝaua Lec'oĝot qamqa'me ja jauana ga'me joua'a qaedi ja'uo ga'me ñalaĝanaĝat.

Mateo 24:43

'Noota qom auayachiñe da'me dojo': qom ga'me ladipa ga'me emec joote yayaten jaga'me hora da'me novi' ga'me cachaĝaic, qama'le joote yeviteta't qama'le ja yajeta ga'me cachaĝaic ta'le yenoĝonoue ga'me 'lemec qaedi decachi.

Mateo 24:44

Chane'eja 'noota qom yataqata aniyamaĝacheta't, qa'a jaga'me hora qom male ja auenache'ta, male yitaĝa ñovi'.

Lucas 1:19

Joñe'me piyem le'ec 'yateguet: —Mach'e jayem Gabriel, jayem lamaĝajec joñe'me Dios. Joñe'me jayem namaĝaquena qaedi am janem da'me dojo' 'naqataĝanaĝac jo'ne onaĝaic.

Lucas 21:35

ena'am ta'le ami qonapogoĝo'tape. Qa'a neda'ñalo ena'uaque jogaa'me jo'ne netedalegue jena'me aleua.

2 Corintios 4:14

Qa'a jayatenaq qom qadeleu, Dios qo'mi 'niyelaĝachidijeguem, nach'e naq'aeta da'me 'yetem ca'li ñe'me Jesús, qama'le nach'e ena'am ami da'me 'niyelaĝachidijeguem, qama'le jec'otaĝa ñe'me qomle.

Apocalipsis 6:17

Qa'a male novita nayi da'me laloqo' da'me le'uaĝanaĝanaĝa'j let'adaic, qama'le ¿jach'e ga'me yaqanatet ta'le 'nañaĝatela't qaedi ja nimichiñe?”

Apocalipsis 7:9

Mane'e ca'li yem da'me dojo' qama'le jauana ga'me jiyaĝadipi let'adaic jo'ne qaya'te yaqanatet ta'le noloqoten, jo'ne qoyachiyoĝotauelo yemeda jogaa'me noyaqa let'adayaqa nataq'aen yodapecache da'me neqomyaĝa'j nataq'aen yodapecache naa'me 'loyaĝaco naa'me 'laqataqa. Qama'le jauanalo da'me nechatetedañe ena'uac da'me dajotauo jaga'me je'onaĝaiqui jo'ne nejaliaĝaiqui, qama'le nach'e ena'ama dajoteda'aguet joñe'me 'Naĝanaĝate Lec'oĝot. Qama'le uo'oe naa'me louo jo'ne pagaĝayaqa nataq'aen da'me yachi'y jaa'me chaic layoqote, onolqa'tape jogaa'me jiyaĝa'u da'me lajoqot'alo.

Apocalipsis 8:2

Mane'e da'me yem qama'le jauanalo jaa'me siete piyem laje' jo'ne nechatetedañe, dajoteda'aguet joñe'me Dios, qama'le jaa'me yanema jaa'me siete najeedel.

Apocalipsis 11:4

Naa'me naajo' dos aqataĝanaĝayaqa nach'enaua jo'ne ena'ama gaa'me ep'a 'me olivo, qama'le nach'e ena'ama jogaa'me dos coyadaĝanaqatel jo'ne oro. Nach'enaua jo'ne neteda'ña joga'me 'lachaqa' joñe'me Dios jo'ne Lejaliaĝanec jena'me aleua.