Lucas 21:27 - Nuevo Testamento Toba Sombrero Negro

²⁷ Qom yem da'me dojo' qama'le jayem jo'ne yataqachiñe Jiyaĝaua Lec'oĝot jayem qoyela'aguet da'me japetalegue ga'me piyem lo'oc da'me ñovi', nataq'aen yataqata t'adaic da'me yañoqotaĝanaĝac choqoda'me 'yonaĝac.

Nuevo Testamento Toba Sur

²⁷ Huaña qome, nachi qaila'a na shiÿaxaua llalec nactaigui ca l'oc ÿataqta qaica ca 'en'am da l'añaxac qataq da lli'oxoyic.

La'aqtaqa Ñim Lo'onatac 'Enauacna 2013

²⁷ Huaña qome, nache qaila'a Aỹem Shiỹaxaua Llalec, sootalec ca lo'oc na piguem ỹataqta qaica ca 'ena'am da ỹa'añaxac qataq da ỹo'oxoyec.

Lucas 21:27 Referans Kwoze

Apocalipsis 1:7

¡A'vicheta't! ¡Cristo na'taquena qomle da'me nalegue ga'me piyem lo'oc! Qama'le yema ga'me jiyaĝadipi male yauata, Chayovida'alo jogaa'me nalatoqo't nach'e ena'am da'me yauata joñe'me; Qama'le yema joga'me jiyaĝadipi jo'ne uedalegue jena'me aleua male 'uo da'me lachoĝode'j yajouaĝat joñe'me. Chane'eja naq'aeta da'me dojo'. Jaja'a, nach'e naq'aeta da'me dojo'.

Mateo 24:30

Chane'eja qom male di'yoq ga'me 'yanec jo'ne yataqachiñe ualegue di'me piyem, qama'le yema ga'me jiyaĝadipi jo'ne aleua laje'pi male ye'uaĝalo'te naa'me letoguel, qom yauata da'me japetalegue ga'me piyem lo'oc da'me ñovi', da'me 'uo da'me yañoqotaĝanaĝac nataq'aen da'me 'yonaĝac let'adaic.

Marcos 13:26

Qom yem da'me dojo', qama'le jayem jo'ne yataqachiñe Jiyaĝaua Lec'oĝot jayem qoyela'aguet da'me japetalo'te gaa'me piyem loje' da'me ñovi', choqoda'me yañoqotaĝanaĝac nataq'aen da'me 'yonaĝac.

Mateo 26:64

Jesús 'yateguet: —Naq'aeta da'me mach'e anenaĝategue. Nataq'aen nach'e ena'am ami ja'aĝatema queda'me jayem auañiya qomle jayem jo'ne yataqachiñe Jiyaĝaua Lec'oĝot da'me joneta'ña na'me yayaten ñe'me jo'ne napacalegue ena'uac, nataq'aen japetalo'te gaa'me piyem loje' qom 'ñiyelaq.

Mateo 25:31

“Da'me jayem jo'ne jayem Jiyaĝaua Lec'oĝot nataq'aen jayem Jaliaĝanec, qom 'ñiyelaq qama'le nachetac da'me yi'yoĝodic, nataq'aen ena'uaque jogaa'me yamaĝa's jo'ne piyem laje' jayem naequetedapegue', qama'le jonañgui jaga'me yejaliaĝaiqui jo'ne p'ajaye da'me li'yoĝodic.

Apocalipsis 14:14

Yem da'me dojo' qama'le yitaĝa jelojeguem, qama'le jauana jo'me piyem lo'oc jo'ne pagaĝaic, qama'le 'uo ñe'me netalegue jo'me piyem lo'oc jo'ne ena'am ta'le naqaeñe 'me Jiyaĝaua Lec'oĝot. Jena'me laqaic 'uo ga'me noqop'a jo'ne oro, nataq'aen lajoqot'a ga'me ledaĝanaĝat jo'ne yaec.

Lucas 21:26

Qama'le ga'me jiyaĝadipi copecheyapeguem qom uenata da'me dojo' 'uo qomle jo'ne ualegue jena'me aleua; qa'a qoyedaĝa'tape qomle ena'uaque gaa'me jo'ne neda'ague di'me p'ajeguem 'me laqauaejeguem.