Lucas 20:23 - Nuevo Testamento Toba Sombrero Negro

²³ Qalaĝaja ñe'me yayate'n da'me lelnataĝaco ja 'noe'n, qama'le enaac:

Nuevo Testamento Toba Sur

²³ Qalaxayi so Jesús ÿauattooteguet da qauem lhuennataxac somayipi, nachi 'eeta': –¿Tá'ainco' yi chochi aÿim qauayiñiitac?

La'aqtaqa Ñim Lo'onatac 'Enauacna 2013

²³ Qalaxaye So Jesús ỹauattooteguet da qauem lhuennataxac soomaye, nache 'eeta': –¿Ta'ainco' ye choche Aỹem qavi'iguiñiitac?

Lucas 20:23 Referans Kwoze

1 Corintios 3:19

Qa'a ga'me nayatenaĝanaĝac jo'ne ch'e lelnataĝa'j jena'me jiyaĝadipi, nach'eda Dios enapega mach'e chiyoĝojoĝoc. Qa'a naa'me nedii's naq'aeta da'me 'yaĝatetac, eet'oi: «Dios yedo'oque da'me mach'e layatenaĝanaĝa'j joga'me yatenaĝanaĝaiquipi da'me e'n yedolo'te, Qanach'e polegaĝatot da'me layatenaĝanaĝa'j qama'le 'uaĝadiñe.»

Hebreos 4:13

Gaa'me 'lonataqa joñe'me Dios, qaya'te onolec ta'le yaqanatet ta'le nañoĝochiñejop joñe'me, dite da'me yataqata di'yoq ena'uac. Chane'eja qom male jajoqo'tot joñe'me, qama'le nach'eda da'me 'laqatac joñe'me jo'ne qo'mi naloqote'n qama'le qo'mi dechoqotaĝaneque.

1 Corintios 10:9

Yataqachiñe 'noota ta'le ja ch'e japiyenaqatac ñe'me Cristo, qa'a joca'li uo'oe gaa'me naq'aete'; qo'che' nanayaqapi yeto'y, qama'le yele'u jogaa'me.

Lucas 20:20

Uo'oe gaa'me qoyama' c'atenaĝanaĝayaqa jo'ne eetapela'ajalo jiyaĝa'u jo'ne yataqatelo'te, qaedi e'n nenaĝatedegue ñe'me Jesús gamachaqaegaua uo'oe jo'ne chiyaqayi da'me uajoilo'te ga'me 'laqataqa, qama'le naq'aeta da'me male qoyanot ñe'me jaliaĝanec 'me Roma le'ec jo'ne nejaliaĝatelo'te gaa'me judiopi.

Lucas 6:8

Qalaĝaja ñe'me Jesús yayaten ga'me eeta da'me lelnataĝa'j; qama'le dojapegue' ñe'me jiyaĝaua jo'ne ja daconaĝana ga'me louaq: —¡Oñijeguem nataq'aen anechachi'ña na'me nojo' laeñi! Ñe'me jiyaĝaua ñijeguem ca'li qama'le nechachi'ña.

Lucas 5:22

Qalaĝaja Jesús paja'a yayaten ga'me eeta da'me lelnataĝa'j, qama'le yena't: —¿Toqoch'e naq'aeta da'me adelnataĝaqui?

Mateo 22:18

Qalaĝaja Jesús yayate'n queda'me ja no'en da'me lelnataĝa'j jogaa'me, qama'le enaac: —¿Toqoch'e jayem auapiyeñi, ami jo'ne aueñetapega ami ejoda?

Mateo 16:1

Joga'me fariseopi choqoga'me saduceopi dec'atenaĝata ca'li ñe'me Jesús nataq'aen queda'me ch'e jetaque qoyapiye'n qama'le qoyiyaĝanaque da'me qaedi yaloĝon ga'me 'nanec jo'ne chiyoĝogue di'me piyem.

Lucas 20:22

Jega, ¿qo'li chimaqachiñe da'me jejetenaq ñe'me lejaliaĝane'j ga'me Roma laje'pi, uotaĝa ja naq'aeta?

Lucas 20:24

—Cha'li jayem aualoĝoñiya jaga'me anaicauai jo'ne denario. ¿Jach'e ga'me latajoĝoc lequi'i nataq'aen lenaĝat jo'ne uetalegue jana'me? Jogaa'me 'yadeteguet: —Mach'e lequi'i ñe'me jaliaĝane'j ga'me Roma laje'pi, nataq'aen mach'e lenaĝat jenjo'.

Hechos 13:10

qama'le enapega, enaac: —¡Am qovinaĝanaĝaic, am ja no'en jo'ne payac c'oĝot nataq'aen anautenalo ena'uaque gaa'me jo'ne 'noota! ¿Toqoch'e ja aĝañi da'me auajáĝañi' gaa'me chimadetedegue ladico ñe'me Jaliaĝanec?

Efesios 4:14

Male ja jenaqa'ama gaa'me ñoqolqa jo'ne nejouoĝodiñe nale daa'me lelnataĝaco qama'le ena'am ta'le ga'me layat yayoĝo'n. Da'me qo'mi qamqa'me male ja jaconaĝagueta gaa'me lapaĝaguenataĝanaĝaco gaa'me qovinaĝanaĝayaqa jo'ne ch'e yoqovi'n jena'me layi qaedi yejomaĝana'ape.