Lucas 19:9 - Nuevo Testamento Toba Sombrero Negro

⁹ Jesús 'yateguet joñe'me: —Nayi jenjo' nolo' novita da'me Dios lec'alaqataĝanaĝac jenjo' at'achaqa', qa'a nach'e ena'am am c'oĝot di'me Abraham.

Nuevo Testamento Toba Sur

⁹ Nachi so Jesús 'enapeco': –Nagui na na'a'q nvita da nca'alaxa ne'ena nma', cha'ayi de'eda shiÿaxaua, damayi maichi llalec so Abraham.

La'aqtaqa Ñim Lo'onatac 'Enauacna 2013

⁹ Nache So Jesús 'enapeco': –Nagui na na'a'q, 'am qataq 'enauac nam hueta'a na 'arma' qanca'alliiuec, cha'aye nataqa'en maiche 'am llalec so Abraham.

Lucas 19:9 Referans Kwoze

Gálatas 3:7

Chane'eja, 'noota qom yataqachiñe auayachiñe queda'me jogaa'me jo'ne yataqatelo'te lec'oqo'tepi ñe'me Abraham nach'egaua jo'ne yataqachiñe p'iida'a ñe'me Dios.

Lucas 13:16

Chane'eja janjo' yauo, jo'ne mach'e chiyoĝoguet di'me Abraham, qama'te Satanás en lecoñetaeje da'me dojo' lapite'na chiyoqo'teguet dieciocho 'uoidi, ¿qo'li ja 'noota ta'le qoyejoye nayi, mate mane'e nolo' jo'ne niyamaqatac?

Romanos 4:16

Qo'che' da'me 'naqatac 'me qoyanem di'me Abraham ja qaya da'me lajo'viyaĝac 'me qoyanema qomle gaa'me c'oqo'tepi, nach'eda ch'e qoyanem 'me qaya'te lajo'vi, chiyaqalegue da'me lepe'e'. Dojo' 'naqatac yelo'teguet da'me nach'edata yiyamaĝatem ena'uaque jogaa'me jo'ne yoqotelo'te daa'me namaĝajoĝonaĝaco, dite da'me nach'e ena'am ena'uaque gaa'me jo'ne yoqotedelegue da'me nepe'e, ena'am di'me Abraham. Qama'le nach'eda naq'aeta da'me ena'uaque qo'mi mach'e qadet'a jodi'me.

1 Pedro 2:10

Da'me ami joca'li ja jalchi'ena ta'le ami noic laje', qalaĝaja nayi male ami noic jo'ne Dios lec'oqo'tepi. Joca'li ñe'me Dios cha'li ja ami 'te yichoĝode'n, qalaĝaja nayi male yataqata ami yichoĝode'n.

Gálatas 3:29

Chane'eja ta'le ademii'teguet ñe'me Cristo, qama'le ami qoyapetenegueta gaa'me Abraham lec'oqo'tepi, qama'le nach'e ena'am chimaqachiñe ta'le auacoñiyeguet ga'me joote yaqataĝañi 'laqatac ñe'me Dios jo'ne yanem ca'li ñe'me Abraham.

Gálatas 3:14

Qo'che' da'me Dios 'yaĝatem ca'li di'me Abraham jo'ne 'nonaĝachigui qomle ñe'me, nach'e ena'am qoyeloĝonaĝachiguilo jogaa'me jo'ne ja judiopi. Chane'eja naq'aeta, qom jep'iyaqa ñe'me Cristo, nach'e ena'am jaconaĝaguet ñe'me Lepaqal, 'me Dios joote qo'mi 'yaĝatema.

Lucas 3:8

'Noota qom qoyauana da'me at'oyaĝaqui queda'me yataqata eja da'me a'viyelaqaiyot joñe'me Jaliaĝanec. Nataq'aen ena'te aueñetapela't: «¡Qo'mi qonec'alaĝatedegue qomle qa'a yataqachiñe qo'mi lec'oqo'tepi di'me Abraham!»; qa'a eja da'me ami jenapegalo queda'me chayovida'alo naajo' qadipi Dios yaqanatet ta'le neleguemaĝatalo daa'me Abraham c'oqo'tepi.

Lucas 2:30

Qa'a yataqachiñe jauana da'me dojo' adec'alaqataĝanaĝac

Lucas 13:30

Chane'eja uo'oe gaa'me jo'ne te'me p'atedegue nayi nach'egaua 'uaediñe qomle, nataq'aen uo'oe ga'me jo'ne te'me 'uaediñe nayi nach'egaua p'atedegue qomle.

Lucas 16:24

Chane'eja 'nalaĝajeguem: «¡Abraham, jayem avichoĝoden! Anamaĝaquena ñe'me Lázaro da'me yipichiñgui ga'me noĝop na'me liaĝata lejenec qaedi yipet jena'me yachaĝat, qa'a 'uo da'me yachoĝodec jena'me joue'ta jo'ne dole' 'lachaqa'.»

Lucas 16:30

Qama'le ñe'me neuoyaq 'yateguet: «Eja, Abraham, qalaĝaja qom 'uo ga'me yeleu jo'ne 'niyelaĝajeguem nataq'aen naloĝonegueta, qama'le jogaa'me 'niyelaĝadetot qom'te joñe'me Dios.»