Lucas 19:47 - Nuevo Testamento Toba Sombrero Negro

⁴⁷ Yemeda na'me noloqo'ote Jesús dapaĝaguenataĝatac, uetaue ga'me tamenaĝaiqui; qama'le gaa'me lejaliaĝanaqa ga'me tamenaĝaiqui lo'olpi nataq'aen ga'me judiopi napaĝaguenoqo'tpi nataq'aen nach'e ena'ama gaa'me lejaliaĝanaqa ga'me noic yelotedaque chiyaqayi da'me yala't.

Nuevo Testamento Toba Sur

⁴⁷ Nachi 'enauaque se'esoua na'axa'te so Jesús dapaxaguenataxaatac, huetaigui aso n'onaxanaxaqui late'edai. Qalaxayi nam lataxala'pi na ntaxaÿaxanaxanecpi da qaitaxaÿapegue' ñi Dios, qataq nam dapaxaguenataxaatapeguec na nqataxacpi, qataq nam lta'alpi na shiÿaxauapi, namayipi ilotaique ca lataxac da ishit da ÿalauat so Jesús.

La'aqtaqa Ñim Lo'onatac 'Enauacna 2013

⁴⁷ Nache 'enauaque se'esoua na'axa'te So Jesús dapaxaguenataxaatac, huetaigui aso no'onaxanaxaqui late'erai. Qalaxaye nam lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna, qataq nam dapaxaguenataxaatapeguec na namaxasoxonaxacpi, qataq nam lataxala' na judiopi, namayepi ilotaique ca lataxac da ishet da ỹalauat So Jesús.

Lucas 19:47 Referans Kwoze

Marcos 11:18

Ca'li nomeda'a da'me dojo' gaa'me tamenaĝaiqui lo'ol lejaliaĝanaqa nataq'aen joga'me judiopi napaĝaguenoqo'tpi, ja nayaloĝode'n da'me yelodaque ga'me chiyaqayi da'me yala't ñe'me Jesús, qa'a t'oita joñe'me, da'me yema ga'me jiyaĝadipi yoqoch'em da'me lapaĝaguenataĝanaĝac.

Mateo 26:55

Paja'a Jesús yachimaĝatalo joga'me jiyaĝadipi: —¿Toqoch'e anachiyi' naa'me adedaĝanaqachidi' da'me auanaeyiquena nataq'aen naa'me anepo'ñedi' da'me jayem auecoñediye, ena'am ta'le jayem cachaĝaic? Yemeda naa'me noloqo'ote da'me jouetaue ga'me tamenaĝaiqui da'me japaĝaguenataĝatapegoue, qalaĝaja qaya'te ua'a ta'le jayem auecoñediye.

Juan 18:20

Jesús 'yateguet joñe'me: —Jayem joote jojapegue'to ena'uac joga'me aleua laje'pi ja joĝochiñe da'me 'yaqatac, qama'le nach'e eta't da'me japaĝaguenataĝanouelo jogaa'me ademaĝaiqui' nataq'aen ga'me tamenaĝaiqui let'adaic, di'me jo'ne ua'ña nale yema'a't ena'uaque joga'me judiopi. Chane'eja qaya'te 'yaqatac ta'le joĝochiñe.

Juan 10:39

Qama'le ua'a ca'li yitaĝa jetaque yecoñe't, qalaĝaja ñe'me Jesús 'yaĝa'n jogaa'me.

Juan 7:44

Qama'le uo'oe jogaa'me jetaque yauede'uo qaedi yecoñe't, qalaĝaja qaya'te ta'le onolec ga'me yaqanatet ta'le 'uo ga'me 'yetec.

Juan 7:19

“Da'me ami, ñe'me Moisés ami yanema da'me lamaĝajoĝonaĝac ñe'me Dios. Qalaĝaja da'me ami qaya'te ta'le onolec jo'ne yoqo'cha. Qama'te ¿toqoch'e jetaque jayem aualachi?”

Marcos 14:1

Maliaĝajoda dojolqa gaa'me noloqo'ote da'me yovita da'me qo'nonaĝachigui ga'me niqui'yaĝac jo'ne touenaĝac queda'me Pascua, nale qonetouena ca'li maqachaĝa leuotaye jo'me piyem le'ec joca'li, nale qoyalic jaga'me pan jo'ne qaya'te lale'gue jo'ne en yajediye. Qama'le jogaa'me lejaliaĝanaqa ga'me tamenaĝaiqui lo'olpi, nataq'aen ga'me judiopi napaĝaguenoqo'tpi yelotedaque ga'me lajoĝoc da'me qaedi yaqanate't ta'le yecoñe't ñe'me Jesús, uotaĝa chiyoĝotedayi gamachaqaega loqovinaĝanaĝa'j, qaedi qoyalat.

Marcos 12:12

Chane'eja jetaque yecoñe't joca'li ñe'me Jesús, qa'a yayate'n queda'me e'n tachiguilo ga'me laloqotenaĝanaĝaiqui. Qalaĝaja qaya'te 'yetedec ca'li, dite da'me queda'e qama'le eque', qa'a t'oidapega ga'me jiyaĝadipi.

Mateo 21:23

Ca'li yoĝo'yi da'me dojo', Jesús yenoĝonoue ga'me tamenaĝaiqui. Mane'e ca'li cha'li ue'ta ga'me, dapaĝaguenataĝatac, jogaa'me lejaliaĝanaqa gaa'me tamenaĝaiqui lo'olpi nataq'aen ga'me 'yaĝaicachidipi yec'adeta ñe'me Jesús, qama'le yena't: —¿Jach'e ga'me auachiyoĝo'ta da'me adañoqotaĝanaĝac queda'me aua'uo da'me dojo'? ¿Jach'e ga'me am yanem da'me adañoqotaĝanaĝac?

Marcos 14:49

Uo'oe gaa'me noloqo'ote da'me jouetaue ga'me tamenaĝaiqui da'me japaĝaguenataĝatapegoue, qama'te ja jayem 'te auecoñediye. Qalaĝaja dojo' tachigui qaedi yepaque'teguelo daa'me jalchi'ena nedii's.

Lucas 19:48

Qalaĝaja ja yauata ga'me eeta ta'le yauote, qa'a yema ga'me jiyaĝadipi naquiaĝatedapega nataq'aen yemeda'a ga'me jo'ne nenaĝategue.

Lucas 20:19

Qama'le jogaa'me lejaliaĝanaqa ga'me tamenaĝaiqui lo'olpi nataq'aen joga'me judiopi napaĝaguenoqo'tpi jetaque yecoñe't ñe'me Jesús, qa'a yayate'n queda'me en tachiguilo da'me laloqotenaĝanaĝaiqui, qama'le t'oidapega ga'me jiyaĝadipi.