Lucas 19:42 - Nuevo Testamento Toba Sombrero Negro

⁴² qama'le enaac: “¡Ami Jerusalén laje'pi: ta'le jenjo' nolo' nach'e ena'am auayachiñe ga'me jo'ne yaqanatet ta'le ami yanema da'me at'emaĝaqui! Qalaĝaja nayi dojo' ja ami 'te qoyaloĝonalo, qama'le ja auañiya.

Nuevo Testamento Toba Sur

⁴² Nachi 'eeta': –¡Qami' da qauaÿajñíictaxa ne'ena na'a'q cam ndoi' da qadlagaxayiqui! Qalaxayi nagui damayi sa ishit da yi'oq, qaq sa ishit da qauloiÿa'a.

La'aqtaqa Ñim Lo'onatac 'Enauacna 2013

⁴² Nache 'eeta': –¡Ỹataqta lta'araic da iyaxa, da nagui qami' qauaỹaañi ca naigui da qoviitaigui da qarlagaxayiqui! Qalaxaye qami' saishet da qauaỹaañi.

Lucas 19:42 Referans Kwoze

Hebreos 3:15

Da'me Dios 'laqatac enaac: “Nayi jenjo' nolo', qom auomachiiya da'me jo'ne Dios 'yaĝatetac, Ena'te aueñi t'añi'y naa'me adai'lidi', Ena'te aueñiya'ama ga'me Israel laje'pi jo'ne auachiyoĝoyegueta, Da'me ja jetaque yoqochideta joca'li joñe'me Jaliaĝanec.”

Hechos 10:36

Dios dojapegue'to ca'li jogaa'me israelpi c'oĝo'tepi, yechoĝotetapema da'me 'naqataĝanaĝac jo'ne 'nemaĝac 'me chiyaqayi ñe'me Jesucristo, mach'e Lejaliaĝane'j yema ga'me jiyaĝadipi.

Hebreos 3:13

Dite da'me yatemaliaĝa uayaloqota't da'me jo'ne 'yaĝate'tape naa'me nedii's, qama'le 'noota qom onolqa'tape da'me 'yañaĝatetac ga'me laqaya yemeda naa'me noloqo'ote, qaedi qaya'te onolec jo'ne qoyen t'añi na'me lauel yajouaĝa't gaa'me mach'e loeco jo'ne ja 'noe'n qama'le yoqovin.

Lucas 19:44

Nataq'aen yataqachiñe yapalaĝat; nimichidiñe qoye'n ga'me jo'ne netedaue di'me noic, nataq'aen ja yachetedai'ñdi ga'me qa' jo'ne uetalegue ga'me laqaya, qa'a ja auatetoñiyeguet ga'me laloqo' da'me Dios ami dejapichiyalo.”

Hechos 13:46

Qama'le Pablo nataq'aen Bernabé 'uo da'me 'lañaĝa'j da'me doje'tape, 'yategueta: —Qo'mi qoyanema da'me qa'nelopaguec qaedi ja'aĝataqatac da'me Dios lep'iquenataĝanaĝac a'uaviñe ami jo'ne judiopi. Qalaĝaja queda'me a'uoitapeguet, nataq'aen ja auacoñiyeguet da'me at'oyaĝaqui 'me ja 'naidena'a qomle, male jec'ataĝalo nayi gaa'me jo'ne ja judiopi.

Hebreos 3:7

Chane'eja, auomachiiya nayi da'me 'laqatac joñe'me Dios Lepaqal jo'ne joote qoyediñe joca'li: “Nayi jenjo' nolo', qom auomachiiya da'me jo'ne Dios 'yaĝatetac,

Lucas 19:41

Ca'li yovida'a ga'me yauaqa'a di'me Jerusalén, mane'e da'me yauana di'me noic, qama'le Jesús noyelegue ga'me,

Lucas 19:43

Qama'le noloqo'ote ja 'noe'n ami na'talo, queda'me gaa'me adaute'udi' yauo'oe ga'me 'noĝodijeguem jo'ne quedejop di'me noic, qama'le yajoĝona't nataq'aen yema naua'alo naa'me lael ga'me noic da'me denonataĝa'n.